سؤال عاجل للمعلمين والمعلمات؟؟

[sad memory]

مساء الخير والاحساس والطيبة .عندي سؤال واتمنى القى احد يعطيني وجه..
انا اختي مدرسة اخذت اجازة استثنائية طوال السنة ومع ذلك اكتشفت انو راتبها ما انقطع مع انها ماداومت. امس راحت معي للسوق ولما جيت اسحب فلوس من الصراف قامت اختي تستهبل ودخلت بطاقتها وكانت الصدمة لقت انو نازلها تقريبا رواتب خمس شهور سؤالي هو ياجماعة الخير من وين جت هالرواتب مع انها مادومت .وش تسوي هل تتوقعون انهم غلطانين والا وش السالفة ؟ وسؤال اخر هل اللي يأخذ اجازة استثنائية تروح عليه رواتب العطلة ؟ادري ازعجتكم بس وش اسوي مالي غيركم بعد الله.وجزاكم الله خيرا

[علاء]

هلا اختي sad memory
اختي الي اعرفه في الاجازة الاستثنائية انها بدون راتب سواء اجازة او لا
لذا اتوقع فيه خطأ ....
الافضل ان اختك تراجع الادارة التابعة لها وتتأكد ...

[أستاذة انجليزي]

طيب يااخوي او اختي انا بجاوبك عسؤالك

شوفي انا بنت عمي وزميلتي مره خذوا اجازه استثنائيه وماقطعوا راتبها لكن هذا مو غلط عادي تهني فيهم واصرفي منهم تدرين ليش لأنهم مايقطعون الراتب طوالي من تأخذين الاجازه يعني ممكن تقعدين فتره وبعدها يقطعونه يعني ممكن تستمرين اكثر من 5او 6 شهور وماقطعوه لكن ادخري لنفسك يالغاليه لأنه توقعي بيقطعونه عليك بأي وقت
وبالنسبه للاجازه المفروض انك قطعتيها بأخر يوم وداومتي عشان يكتب لك مباشره وتستلمين راتبك كامل حق الاجازه

اتمنى انك فهمتيني واني افدتك
دعواتك لي وبالتوفيق

[Prime Rose]

كلام أستاذة الإنجليزي صحيح..











بالتوفيق

[the fighter]

صحيح الراتب ما ينقطع بدري خليها تتهنا بالراتب وعلى فكرة يغلطون في كل شي الا الرواتب حاسبينها بالملي لاتخافين موفقة

[sad memory]

جزاكم الله خيرا

[أستاذة انجليزي]

اجمعين ساد ميموري

[علاء]

ااخواتي
استاذة انجليزي
برايم
آسف بس ودي اعرف
الوزارة عندها خبر بالموضوع !! اقصد نزول الرواتب اثناء الاجازة الاستثنائية !!

[أستاذة انجليزي]

اهلا استاذ علاء
وبالنسبه لسؤالك وهو هل تعلم الوزاره بنزول الراتب اثناء الاجازه الاستثنائيه؟

وجوابي هو نعم ليش؟ انا اقولك لما المعلم او المعلمه يأخذ الاجازه طبعاً يتأخر الاسم لما يوصل للوزاره لأن المدرسه ترفعه للاداره ومن الاداره للي فوقها لحد مايوصل الوزاره وطبعاً هالكلام يأخذ وقت لحد ماينهون اجراءات خصم الراتب فلذلك نج ان الراتب لاينقطع فور اخذ الاجازه بل يستمر لفتره معينه وبعدين يقطعونه ايضاً لأنهم يحولون راتبك على اسم آخر وهو البديل لك فيأخذ هالموضوع وقت

فهمت الحين يااستاذ علاء والله يوفقك ويكون بعون الجميع

[محمد العبيريد]

معلومة جديدة

شكرا يا Sad memory

ويا استاذة انجليزي

[Horizon]

http://www.redcodevb.com/smiles/smiles/33/www.hh50.com-Gallery-Pictures-Signatures-Ramadan-0161.gif

[مجدي جمعه]

l مساء الخير نفس هـذا الموضوع حدث لزوجتي . اخذت اجازه بدون راتب واستمر راتبهـا ينزل في حسلبهـا 3 شهـور . هـذا خطأ منهـم وقمت عمل المباغ كامل في شيك باسم مدير الاداره التعليميه التابع لهـا ابراء منا للذمه وشكرا:smile (82):