أحتاج مساعده

[الأمل القريب]

بسم الله الرحمن الرحيم

السلام عليكم ورحمة الله وبركاته



حبيت أعرض مشكلتي وكلي أمل فيكم بعد الله

أنا أحب اللغه الأنجليزيه ودخلت هالقسم عن رغبه وميول

وتوقعت بلقى أحد يساعدني بس أنصدمت الدكتورات اللي يدرسوننا ما يفهموننا للقرامر ولا باقي المواد

مجرد قراءه وتأخذ الحضور والغياب وتطلع ولا جاء الأختبار أضيع مو فاهمه شي أظطر أحفظ

وربي ماأدري وش أسوي


كيف أنمي وأطور لغتي ؟؟:smile (93):


ولكم دعــــــــواتي ..

[فـيصـل]

الله يوفقك وييسر أمرك

وصلتي خير وان شاء الله نساعدك باللي نقدر عليه

اول شيء بقولك شيء بخصوص الدراسه في الجامعه...


يعني لازم تعرفي ان النظام الاكاديمي يختلف عن نظام الدراسه ايام الثانوي...يعني عطني منهج احفظه
واجيب درجه نهاية الفصل..

لا في الجامعه الدكتور يوجهك...لمقرر معين لمنهج معين وبعدها انتي اللي تدوري وتبحثي بنفسك

واذا اشكل عليك اي شيء تروحي للدكتوره مثلا وتقولي انا بحثت ولكن واجهتني مسأله ما فهمتها وهي راح تقول لك....((وهكذا مع كل المواد ))


الشيء الثاني وانا اخوك لازم انتي اللي تبدأي بنفسك....يعني طوري نفسك بنفسك

الحمد لله والله حنا الان في نعمه النت موفر كل شيء...وعندنا في القسم مواضيع لها علاقة بتطوير المهارات الاربع...موجود مع المواضيع المثبته...((زوريها))




اي استفسار...اي سؤال....حنا حاضرين...تعالي وأسالي هنا

[الأمل القريب]

جزاك الله خير أخوي فيصل

عارفه ما بتقصرون معاي علشان كذا طرحت مشكلتي

بس أنا مو بجامعه أنا بكليه وأغلب صديقاتي يعانون مثلي

والدكتورات الله يهداهن عندنا تمسك الكتاب وتقرأ وبعدين تطلع بدون ما نستفيد شي

وأذا ناقشتها قالت لي أنتو أصلا ما تأسستوا صح

وشلون بنتأسس وهن كذا تدريسهن ..

والأنترنت ما أقدر أدخله دايم

الله يعطيك العافيه قرأت مواضيعك من فتره وأحاول أطبقه قدر الأمكان ..

الله لا يحرمك الأجر ..

[فـيصـل]

الله يسعدك...بس والله اذا الدكتوره تقول ما تأسستوا صح..؟؟



البركه فيها تأسسكم ولا شاطره في النقد السلبي وتحطيم النفسيات...الله يعين


شوفي وانا اخوك لا تشيلي اللغه..ان شاء الله بتتعلميها



انا قلت لك النت لانه وبصراحه فيه كل شيء ...ويساعدك وويوفر عليك المال...



وحاولي تدخلي..وتسمعي لاحد البرامج او المقاطع الانجليزيه علشان يكون فيه تواصل مع اللغه


وتحاولي تشوفي نفسك..وش المهارات اللي تحسي انك فيها تحتاجي لتطوير وتبدأي برحلة البحث عن المواقع المفيده والطرق السليمه...وصدقيني اذا الواحد أخلص نية التعلم ربي يساعده
واذا واجهتك في البدايه صعوبات لازم تتقبليها لان اي مرحله تعلم في العالم تمر بمراحل وربما بصعوبات في البدايه فقط




الله يوفقك وييسر امرك


ابد يا اختي اعتبري المنتدى منتداك والجميع هنا خدومين إلى ابعد درجه ويخدموا غيرهم باللي يقدروا عليه

[Miss Me 26]

حبيبتي اذا بتعتمدين على تدريس الدكتورات .. صدقني ماراح تستفيدين شي
انا مثلك درست بكلية .. وماكنت استفيد من الدكتورات الشي الكثير
اشتغلت على نفسي بنفسي .. أنصحك لا تعتمدي عليهم

حاولي تسمعين انجلش قد ماتقدرين .. حتى لو مافهمتي شي
صدقيني مع الوقت بتفهمين و اذنك تتعود

ولا تخافين تمارسين اللغة مع صديقاتك .. مارسيها ومو لازم كمان تتقيدين
بالجرامر
اتكلمي واغلطي ولا تدققي عالغلطات اهم شي تتعودين عالكلام

وسوي مثلي انا وصديقاتي ايام الكلية .. كنا بالاستراحة نسولف بالانجليزي
حاولي تجربيها مع بنات شطورات وعندهم حماس زيك

واذا على دراسة القواعد .. النت مو مقصر بشي .. فيه شرح لكل القواعد
من مواقع اجنبية بعد .. وسهلة ومبسطة

لا تعقدين الأمور وأنا أختك وان شاءالله تتخرجين بامتياز

[الأمل القريب]

جــــــــزاكم الله عظيم جنـــــاته أخوي فيصل و أختي مس مي

والله لا يحرمكم أجــــر كل حرف كتبتوه لي

وربي مو عارفه كيف أشكركم زدتوا فيني الهمه وشجعتوني للتعلم أكثر

مابنساكم من دعواتي ..

[the-majesty]

ونصيحتي لك

خليك بالمنتدى وشاركي بالانشطة الانجليزية


ماشاء الله تبارك الله عندنا مبدعين باللغه كثيرررر


وان شاء الله اي تحتاجينه مار اح يقصروووون


وزي ما قالو اللي فوق لو بتعتمدي على الدكتورات صعب

لكن انصحك بالتدرج باللغه

ابدي من البقنر واحفظي كل شي وثم بالانتر ميديت الى ادفانس

عشان لا تشتتين كثيررر

[الأمل القريب]

أشكرك أخوي وان شاء الله بلتزم بنصائحكم

ربي يجزاكم خير الجزاء ويوفقكم لكل

خير ‏...

[ساعة صفا]

وكمان اذا عندك مشكلة بدخول النت

ممكن تستفيدي من برامج اللغة الخاصة بالجوال من دكشنري وقرامر والعاب ففيها فايدة كبيرة

واذا استصعب عليك شي ولقيتي فرصة بالنت حطي سوالك واجابتك بالمنتدى حتى لو خطأ والاعضاء

ماراح يقصرون

[الأمل القريب]

أيوه عندي دكشنري انجلش انجلش وإحيانآ أستفيد منه

شاكره لك مرورك أخوي وان شاء الله بمشي على كلامكم

الله يجزاك والجميع الجنه ..