معلمــــي غششنــــي !!

[فاتح القدس]

قلت لقريبي وهو في السادس كيف اختبار الإنجليزي فقال لي : جبت الدرجة كاملة .
سألته وأنا أعرف مستواه كيف ؟
قال مدرس العلوم يعرف إنجليزي وغشش كل الفصل .

صديقي معلم إنجليزي في ثانوية يخبرني بنفسه شاكياً : بأن هناك فئة من المعلمين يتركون الحبل على الغارب للطلاب في الامتحانات .

بل أن أحدهم قال له ممكن تحل لي هذا الاختبار ففعل صديقي بحسن نية وتلبية لطلب زميله ، فإذا ( بالمعلم ) يذهب للطلاب ويغششهم جميعا لأنهم في الثالث ثانوي .

بل أن صديقي يشكو لي قائلا : هناك طلاب غياب أغلب أيام العام الدراسي وفي أيام الاختبارات يأتون بدرجات أحسن من زملائهم بسبب بعض المعلمين ( الطيبين ) ..

هل ننتظر من نتاج أمثال هؤلاء المعلمين جيلاً يخدم أمته ووطنه !! ؟؟

[مها]

لا والله لاننتظر الا الخيبه والخمول 00 والمصيبة اذا جت المديرة والاشراف وداسوا على راس المعلمة الا غصب عليك تنجحين الطالبات كلهم مافي أحد يرسب وكأن مافي شي اسمه اجتهاد ولا فروق فردية0000000000000
و و و و 000000000الخ
مافي القلب كثير والنفس تنوووووووووووووء بحملها لعل لنا عوده لنقاش هذا الموضوع

[بسكوته]

والله العظيم عانيت من نفس المشكله البارح الثلاثاء كان اختبار ثالث متوسط انجليزي وبعض من المعلمات الله يهديهم حالين نصف الاسئله مع الطالبات خاصه الاختياري والكلمات وانا من جد ارتفع ضغطي حنا نتعب طول السنه مع البنات وهم في النهايه يساوون بين كل البنات يخلون اللي نايمه طول الترم ماتدري عن شي تحصل على نفس الدرجه اللي تحصل عليها المجتهده بتعب ومتابعه طول السنه
بصراحه مشكله لاااااااااااااااااازم تنتهي ولازم نعرف ان الدرجات اللي نعطيها الطالبات كلها محااااااسبين عليها
والله يهديهم يارب

[شوشو]

كل شخص وضميره ..

وكله راح يحاسب عليه يوم الحساب ..

[عنقليزي تيتشر]

هلااا فيكم ,, انا واجهتني مشكلة قريبة لمشكلتكم وهي بسؤال الإملاء ,,, وحدة من الطالبات اللي نقصها ربع درجة فقط لانها كتبت الحرف غلط ,,,, وانا مخلية لكل حرف ناقص ربع فقط.. المهم اللي حاصل ان البنت اللي نقصت هالربع درجاتهاك اااملة بجميع الموااد ويبونها تطلع الاولى على مستوى المنطقة ,,,,, وطبعا غصبوني اعطيها الربع مع العلم انها ماتستحقه ,,, قلت لهم ضيفوه انتو بس بيكون بذمتكم مو بذمتي ويوم القيامة وبين يدين رب العالمين انتو تحاسبون عليه مو انا ,,, خافت المديرة بس الحاشية اللي حواليها قالو لا مايسوى وماادري وشو ,, حطته المديرة ,,, كلمت موجهتي وعلمتها بالقصة والله يجزاها خير ماااقصرت ابدا ,,, والربع درجة شالوها من البنت ,,,, ماودي انا نفسي انها تنقصه بس عاد الشكوى لله ..... ,,,, ودمتم ,,,,,

[~همس~]

امس كان اختبار اخوي اللي بأول متوسط مجرد مارجعت البيت جاني وهو عيونه كل وحده اكبر من الثانيه يقوللي

" والله الاسئلة صعبة بس استاذ فلان اللي كان يراقب علينا يعرف انجليزي

وقرألنا الاسئلة وترجمها كلللللها :eek:

وحليت كلوووو صح :D "

[تنهات نجد]

مساء الخير

اخوي فاتح القدس وشفيها لو ان مدرس غشش طالب هذا شي طبيعي وعادي جدا
ولا بس قهركم بانكم تتعبون وتشرحون للطلبة وفي النهاية لم يجي الامتحان تلقى بعض الاساتذة يغششون بعض الطلبة

بالنسبة لي انا مااشوف فيها شي
انت ياخوي لم كنت تدرس كنت محتاج ان احد يساعدك لو بسؤال واحد وتتمنى انك تلاقي هالمساعده طيب مثل مانت تبي المساعده فيه غيرك بعد محتاج تذكر يوم كنت بالمدرسة وش كنت تسوي ويش كنت تتمنى من ان احد يساعدك بقراءة الاسئلة او بتلميح لمدرس لجواب احد الاسئلة

على العموم انتم مدرسين وانتم ادرى بنفسكم بس حبوا لغيركم ماتحبوه لنفسكم

انتم يوم كنتم طلبة كنتم تسوون مثل مايسوون طلبتكم هالحين وانتم مدرسينهم

اسفة على التدخل

وتحياتي للجميع

[اروى]

الله اكبر ياتنهات .. بكل عين حاره تقولي زي كذا ؟؟

لما كنا ندرس مافي احد يساعدنا ولا كنا نتجرأ نطلب من استاذه تساعدنا او حتى تخفف من المنهج !!

بس انتو جيل عينه قويه بصراحه .. وياويل المعلمه لو ماحددت قبل الاختبار ولو ماحذفت ..

وبعدين خافي ربك .. من غشنا فليس منا <<< حديث شريف

وايش اللي يقهرنا يعني ؟؟
ليه احنا نشرح عشان الطالبه ترسب ولا عشان تنجح ؟؟

صعب اساوي الطالبه اللي تجتهد وتتعب باللي مافتحت الكتاب وتستنى وقت الاختبار معلمه مريضه ماعندها ذمه عشان تغششها !!

ولو انتي ياتنهات حليت وجاوبتي وورقتك كامله ومحلوله .. ترضي اني اوريها لطالبه كسوله واخليها تاخذ حلك ؟؟

فكري صح ياصغيرتي .. واعلمي ان المعلمه امك واختك الكبرى .. وتخاف عليكي من عقاب الله قبل الرسوب ..
وفرقي بين الغشش والمساعده ..

مع التحيه ..
اختك الكبرى اروى

[أمير الحرف]

لا تكبروا الموضوع وما يستاهل كل هذه الهاله !!! وسعوا صدوركم وتذكروا ارحمو من في الارض يرحمكم من في السماء . يعني كأنه بيتخرج متخصصين في اللغة على اساس يجي التدقيق على ربع ونصف !!! كل الامور هذه مالها داعي !!!

[تنهات نجد]

إختي اروى مانيب طفلة حتى تقوليلي هالكلام ياختي انا ماقلت شي غلط يعني
شي عادي ان الواحد يغش وانه فيه احد من المدرسين يساعد الطلبة وانتي الله يهديتس على طول نفختي وبعدين بقولتس شي انا بدراستي بالكلية مافيه شي تحديد الكتاب تقولين ثلاث كتب في كتاب واحد وحفظ من الجلدة للجلدة ومافيه شي يخليتس تعصبين علي وتقولين حنا مانبي الا التحديد لان عندنا اسئلة الامتحان تجينا من الشرقية ومافيه لاتحديد ولاهم يحزنون

وبعدين دامنك مدرسة يعني تقولين هالكلام و بعدين ياقلبي مافيه فرق بين الغش والمساعده كلها واحد يعني هالحين المدرسة تساعد طالبة هذي تسمى غششتني اوكي وياليت تنسين الموضوع ولاتزعلين مني كلها اشياء تحصل ومايقدر المعلم يمنع الطالب من الغش لانه اليوم منعه باكر بيقدر وعقبة وعقبه
على العموم اشكرتس من كل قلبي على ردتس واتمنى انتس ماتزعلين

اخوي عذب الهمس الله يعطيك العافية وصدقت باللي كتبته

[فاتح القدس]

إخوانــــــــــــــــــــ ـــــــــــــي ، أخواتــــــــــــــــــــ ـــــــــــــي :

هناك ثلاثة أمور أود التركيز عليها :

أولاً : الحكم للدين فهل ديننا يحثنا على الغش ؟ أترك الجواب لكم .
.

ثانيا : المعلم الذي يغشش طالبه أول من يحتقره هو ذلك الطالب ولو بعد حين ويتحدث به في جلسات السمر .

ثالثا : حتى وإن كان المعلم قد غششه معلمه في القديم فهل نستمر في نفس الخطأ أم نحاول أن نربي الأجيال على الأمانة .

أليست التربية قبل التعليم ؟

[معلم الأجيال]

" والله الاسئلة صعبة بس استاذ فلان اللي كان يراقب علينا يعرف انجليزي

وقرألنا الاسئلة وترجمها كلللللها ..

* يا أخواني معلمين ومعلمات اللغه الأنجليزية .... عندنا حاجة ضرورية جداً والكثير منا نسىعنها وهي (motivation)يا أخوان الاختبار وضع كمقياسوفي نفس الوقت كدافع للطالب انه يتقدم وكثير منى حاط أسئلة كأنه يتحدى الطلاب !!!
أنا أدري أنكم تقولون وش دخل الكلام هذا في الغش ... أنا مأيد طبعاً الغش لاكن مثل المعلم الي يقرى الأسئلة للطلاب الصف الاول متوسط وشفيها يعني اذا قرالهم !! يا خي تراهم أطفال وأول مرة يختبرون في لغة أصلاً مو لازم يفهمها الا لمجرد انه ينجح فيها لا اقل ولا اكثر ... فأرجو أني ما زعلت أحد بردي هذا بس من جد البعض وانا ما أقصد أحد في منتديات saudi english معقد الشغلة وهي ما تستاهل...

[Prime Rose]

وأنا أقول ياربي كيف تجرأت (مها) !!!


مها احدى طالبات اولى ثانوي..كنت أراقب عليهم آخر يوم..كان عليهم نحو.. طلعوا كل البنات وبقت هي لوحدها.. نادتني ..سألتها وأنا بمكاني
_ ( وش تبين؟؟)
_ ابيك تعلميني بالسؤال هذا؟؟
_ كيف يعني أعلمك؟؟
_ علميني بجوابه
_ :eek: :eek:
قلت لها أنتي تونسين شي؟؟!!بمعنى آخر أنتي صاحية؟؟(
اللي زاد من استغرابي للسالفة إنها طلبت اغششها وبصوت عالي :confused: )

لكن الآن فهمت قصدها.. لأنها اول ماطلعت جاتني تعتذر مني !!!!!!! الآن بس فهمت هي كان قصدها أساعدها بس مو أغششها... ياحياتي وأنا شكيت فيها.. متى تبدأ الإجازة وأرجع أعتذر منها!!!!!!!!!!!!!!!!!!!!!


أمير الحرف...... تنهات نجد....
:eek: :confused: :eek: :confused:



إذا هذي فكرتكم .. وهذي نظرتكم أجل ليش التعب؟؟!! وليش تشرحون كل المنهج؟؟!! عطوا طلابكم الأسئلة وبالمرة الأجوبة حتى تساعدونهم (بس!!) ينجحون!!!


فاتح القدس أنا أتفق معاك فيما كتبته.. الطالب لايحترم من ساعده..

[Um Ali]

بسم الله الرحمن الرحيم
السلام عليكم ورحمة الله وبركاته
موضوع الغش او كما يحلو للبعض تسميته المساعده اصبح موضوع وللاسف مستشري في مدارسنا خاصة في اللغه الانجليزيه فلو طلبت اي طالبه من معلمة ترجمة بعض الكلمات تقوم المعلمة بترجمتها حتى لا يقال ان المعلمه فلانه لا تعرف انجليزي. من ناحيتي اقوم في بعض الاحيان بقراءة كلمه للطالبة اذا طلبت مني ذلك اما اذا طلبت اي نوع من انواع التوضيح فادعوا لها معلمه المادة فهي الاعلم بحدود ما تقوم بتوضيحه للطالبه. ومن ناحية مادتي (الانجليزي) بالنسبة للصف الاول متوسط اقوم بقراءة الاسئلة كامله انا وزميلاتي ونتفق قيل البدء على كل ما سنقوله. اما المراحل الاعلى فنسأل الطالبات اذا كان لديهن استفسار ونقوم بالتوضيح لكامل اللجنه. مع العلم ان المشرفات يرفضن ذلك طالما ان الاسئله واضحة. ولكن وجهه نظرنا في ذلك ان رهبة الامتحان تمنع بعض الطالبات من التركيز ورؤيتها لمعلمتها توضح لها تساعدها كثيرا في التركيز خاصة ان الهدف من الدراسه اصبح هذة الايام الحصول على الدرجات وليس المعرفة.
اختكم
أم علي