اعطوني ارائكم وخبراتكم انا معلمه جديده وغبره

[tootycatooty]

السلام عيكم ورحمة الله وبركاته
انا معلمه تعينت السنه هذي ومن السنه اللي تخرجت فيها قبل ست سنوات ما مارسة التدريس ابدا
لا بعقد ولا مدارس خاصه ولا اي شي
عينوني في قريه تاخذ مني ساعتين بالسياره
في لبدايه كنت متحمسه للتدريس وواثقه بقدراتي لاني ايام دراستي كنت من اللي ياخذون ممتاز في التدريب
بس فيه حاجات كثير تغيرت من ايام تدريبي لليوم مناهج المتوسطه صارت طويله وممله
والتحضير صار من الكمبيوتر و البور بوينت كل هذي حاجات معلوماتي فيها صفر
وما ودي اكون مدرسه غرض اخذ الراتب وبس انا عندي طموح اكون من المبدعات
بس مع الطريق وقلت النوم واولادي والبيت الاقي نفسي ماعندي وقت للتحضير ومحاولة التعلم لطريقة البوربوينت وغيره بالكاد اقدر احضر دروسي وافهمها
وش اسوي خايفه كثير ومرتبكه وتعبانه جسديا ونفسيا
وحاسه انا اللي موفاهمه كيف افهم الطالبات
افيدوني جزاكم الله كل خير

[falcon5]

أول شيء نتمنى لك التوفيق والنجاح

لله يساعدك ويوفقك اختي بس انصحك ان تكثري من قول

أللهم لاسهل الا ماجعلته سهلا فإنك إن شئت تجعل الحزن سهلا

والله ولي التوفيق

[نوافي]

حياك الله اولا
ومبروك التعيين ثانياً

المطلب الاول للابداع موجود وهو حب المادة وحب التميز

توكلي على الله وابدء بترتيب أمورك وتاكدي ان ماتشعرين به هو شعور طبيعي مع بداية التدريس
خذي عشر دقائق من وقتك لقراءه بعض الطرق او الوسائل الحديثة في التدريس كيفية التحضير
امور تحتاجي لها
بالنسبة للتحضير الجاهز له سلبياته وايجابياته
من ايجابياته يختصر الوقت للمعلم ويجعل وقته للابداع اكثر
وسلبياته ان اكثر المعلمين لا يعرفون طريقة استخراج الاهداف او حتى ماهو التحضير ويكتفون بورق داخل غلاف

اما العروض فلست بحاجة لمعرفة عمل العروض فالمنتدى ملئ بالعروض
تستطعين التحميل لدرسك ومن ثم عرضة للطالبات حتى لوكان مافية برجوكتر عن طريق حمل الاب توب باليد والسماعات

ومع الوقت تصبحين اكثر خبرة وجميع الوسائل متوفرة عندك
وكل شئ يسهل عليك لاتخافي ابدا
اسأل الله لك التوفيق

[soso30]

ربنا يسدد على طريق الخير خطاك
ومبروووووك التعيين

[tootycatooty]

اشكر كل اللي ردو جزاكم الله كل خير
بحاول وان شاء الله مشوار الالف ميل يبداء بخطوه
شكرا جزيلا

[ツأميمة الأحمديツ]

ان شاء ينفعك
http://www.saudienglish.net/vb/showthread.php?t=60738

[أستاذة انجليزي]

توتي اختي لاتخافي ابداً

انا اول ماتعينت خفت مثلك بس الحين نقدت على نفسي اني كنت اخاف

الموضوع مو مستاهل كل هالخوف

وعشانك ببداية العام والمشوار لكن خلي يعدي شهر وربي بتمشي امورك زي العسل

وراح تتذكري كلامي

بس توكلي على الله وتفائلي و استفيدي من خبرات زميلاتك السابقات بالعمل وعندك منتدى سعودي انجلش مايقصرووووووووون


والله يجعلها سنة خير علينا وعليك ومبروك تعيينك وتشوفي على وجهه البركه

[soso30]

موفقة بإذن الله

[ريان1]

نفس شعوري اول تعييني ويمكن اكثر بعد والحين الحمد للة .اللة يسهل عليك وعلى الجميع

[الواثقة بالله]

اول سنه لازم كذا فيها خوف وتعب وصعوبه

لكن بتمر الايام ولا تحسين بالوقت

حاولي تنامي في السياره قد ماتقدري

واول ماتوصلي البيت لاتنامي إلين بعد العشاء

وفي هالوقت رتبي امورك والله حاسه فيكي لاني عندي نفس المشوار
والتعب واحس اني ماني عايشه بالدنيا من هالتعب والحاجه للنوم والراحه

استغفري و راح تشوفي كيف امورك تيسرت

بالتوفيق

[Beauty]

مبروك تعيينك خيتو
الله يعطيك خيره ويكفيك شره

أهم شي خلي ثقتك بالله أولاً وأخيراً موجوده عندك
ثم عززي ثقتك بنفسك

كلنا بدأنا مثلك من الصفر ماكان عندنا لاخبرات ولاخلفية حتى عن الميدان اللي بنمارس فيه
لكن مع الوقت الحمد لله أكتسبنا خبرة وزادت ثقتنا بأنفسنا

ماأقولك ماراح تخطأين ولا تتعثرين في عقبات راح تواجهك
بالعكس راح تلاقين كثير من الصعوبات أمامك
ومع كل خطأ تقعين فيه بتتعلمين شي يفيدك ويرسخ معلومه بذهنك
وهذي البدايه مع كل شي بالحياة

أهم شي مثل ماقلت لك خلي الثقه موجوده عندك
ثم نظمي وقتك مابين العمل والأسره
وحاولي تطلعي على مواقع وتقرأي كثير وتختلطي مع مختصين في مجال عملك

وراح يوفقك ربي بإذن الله
وتتغلبين على اللي يواجهك


موفقه حبيبتي

[tmal100]

رائعة lld.mرائعة lld.mرائعة lld.mرائعة lld.mرائعة lld.m

[شموخ انسانهـ]

بالتوفيق يارب

[mr.brhomy]

شــــــــــــــــكرا..

[never mind]

وسعي خاطرك

ولا تشيلين هم اي شي - لان مافيه شي صعب

كثرة التفكير هي الي بتعيقك و تتعبك و تاخذ من جهدك

قولي يالله يا معين وكل شي بيتسهل باذن واحد احد

الاهم عندك البنات = هالامور الجديده و الوسائل و المناهج كله بس علشان توصل المعلومة للطالبة

و ان شاء الله انتي بتقدرين

بالتوفيق

[بدر123]

ألف مبروك .. جزاك الله كل خير وبارك الله فيك

[الميسم]

جزاك الله كل خير وبارك الله فيك

[شخص بأمس الحاجه]

ياناس انا محتاج مساعدتكم انا عندي امتحان بكره والدكتوره طالبه مننا برقراف قطعه

انا كتبت القطعه لكن ابي اتأكد من القرمر ياليت اذا فيه اخطاء تصححولي

هذا التوبيك what problems or social issues do you have in ksa?

how can you fix these problem


وهذي القطعه

We have a big problem in Saudi Arabia,we can’t find jobs, many young people do not have any job, because they didn’t work hard in their studies. Which has not been studied did not get a job. In order to get the job should be studying. I hope that we do not forget this advice

[nice ice]

الله يوفقك