ثالث ثانوي وجهلي التـام فيـه .. مساعدتكم

[ضعت بعالم اناني]

السلام عليكم .. ورحمه الله وبركاتـه ..


المكتوب باين من عنوانـه .. ماابي اطيل عليكم ..

انا اول مره امسك ثالث ثانوي ..واجهل تماما كيفيه التعامل مع منهجه

طبعاا ..المدرسه ماعندهم كتاب معلـم .. حاولت احمل الكتاب من الموقع ومازبط معي ..

اغلب او بالأصح ثلاث ارباع المنهج ..اول مره يمر علي ولا كأني درسته في يوم من الايام

اكثر درس يواجهني بصعوبته Word study درس ممل وجامد ..

والقاعـدات .. احاول ابسطها لهم ..

المشاكل اللي وقفت بطريقي حالياَ

1- عدم وجود كتاب معلم

2- كسل وتناحه الطالبات ..بصراحه مستواهم اقل من مستوى اول متوسط لدرجه ان eightيقرؤنها ايجت

3- متعاقده ..وبمحافظه صغيره.. لايوجد فيها اي وسائل تعليميه

4- الموجهه سيئه ..تعاملها سيء جداَ ..لآتراعي ان المعلمه اللي قدامها مستجده ..


ابي مساعدتكم .. بالطرق الصحيحه عن شرح Grammer والـ Word study والـ Reading

والـ Writting بي اعرف الكلمه الجديده ..يرددونها ولا اكتفي بكتابتها على السبوره ..



لاهنتــم ابي الشرح بالانجليزي .. او الاسئله اللي اسئلهم اثناء الشرح تكون بالانجلش ..


مشكورين مقدمــاَ..

[اختبااار]

هديتي لك لازم تجيبي كتاب تبسيط لغة مره راح يساعدك في فهم القواعد والتمارين واختصار الوورد ستدي وانتي مو كل يوم الموجهه ناطه بوجهك حببيهم بالماده وحاولي تبسطيها لهم واذا تنحوا اثناء وانتي تسألينهم أعطيهم الاجابه على شكل اختياري حلوه هالطريقه تنقذك احياناً...والوورد ستدي طريقة شرحه مره سهله اول شيء عرفي الطالبات بالطبقات النحويه للكلمه مثل أحمد,يأكل,جميل...هذي كلها كلمات لكن تختلف بالتصنيف أحمد اسم ويأكل فعل وجميل صفه فهمتي وش أقصد بالتصنيف النحوي بالنسبه للورد ستدي قسمي السبوره أقسام قسم للاسماء وقسم للافعال وقسم للصفات او الحال وهكذا بعد كذا ترشديهم على اختصار كل تصنيف n-v-adjوهكذا طبعا انتي عارفه ان الكلمه عندهم لازم التصنيف والمقاطع الصوتيه السيلابول يعني مثلا go تتكون من مقطع واحد لكن comfortable تتكون من ثلاث مقاطع ...طيب كيف عرفت انها 3 مقاطع من عدد الحروف المتحركه بالكلمه بغض النظر عن الحرفe لانه ماينطق وهذا يسمى الترانسبكشنس(الكتابة الصوتيه) يعني com fort ableوبالنسبه للمعنى تلقيه بالتبسيط ملخصينه وبالنسبه للترديد لازم يرددون مرتين ويتهجون خليهم يحفظون الحروف واختبريهم نوع من التخويف وانتي اقرأيها مره يرددوا جماعي مره وبعدين بنتين او وحده يرجعوا يرددوها فردي حسب الوقت وممكن التطبيق تحطينه زي فكرة الكلمات المتقاطعه والكلمه الضائعه حركه فرفشه اتمنى أفدك وبالنسبة لثالث ثانوي أسهل مرحله ثانويه بالنسبه لمنهج اللغة...وادخلي قسم 3ث في المنتدى راح تستفيدي كثير وبما انها قريه وانا اختك اختصري لهم واعطيهم اسئلة مراجعه ومو كل شيء لازم تشريحه ولاتخافين هم اللي محتاجينك اهم شيء لاتغيبي
...ودمتي

[ضعت بعالم اناني]

يسعــدك ربي ياشيخه ..انا اتفق معك ان منهجهم سهل جدا ..بس طريقة التقديم احيانا تخوني ..

على إنهم فرحانين فيني يقولون اول مره تجيهم مدرسة انجليزي ويفهمون عليها .. يمكن السبب انا ابي

اكون ملمـه بكل شيء ابتعادا مني عن الأخفــاق ..


مشكـوره ياقلبي ..

[ضعت بعالم اناني]

خبرتـــكم .. ياأهل الخبره ..


بخصوص الـ grammer و كتـاب الرايتنق ..


كل شخص يقرا .. يكتب لو سطرين عن طريقته ب الشرح .. ماابي اتعبــكم ..



المشاهدات : 16 والردود :1 !!!!!!!!!

[Al-SSa'adi]

Who can read the word?
What part of speech is it?
Who can read the definition?
Who can read the example
Who can give me a sentance
These questions for each word and you can ask about the meaning in Arabic
Allah may help you to work hard
Don't forget you're English teacher ..... many students hate you

[أميرة بأخلاقها@]

الله يسعدك حبيبتي


تذكري ان المنهج سهل جدا وانا دايم استعين بطريقة المجموعات اقسمهم واخليهم يتعاونون في حل التطبيق على شكل مجموعات


ابي اتكلم عن الwriting اللي هو قواعد الكتابه اشرحي القواعد ثم طبقي على التمارين انا اقسم الدرس على حصتين حصه للقواعد وحصه كتابة التعبير والتعبير اكون كاتبته على بوستر بس شايله من كل جمله كلمتين او ثلاث واخليهم يشتغلون على شكل مجموعات بحيث يكملون الجمل ثم نصححها سوا كذا اكسر الروتين الممل لدروس الwriting


اما القواعد اشرح القاعده واخليهم يعطوني امثله عشان اشوف مدى فهمهم للقاعده واكون مجهزه تطبيق وبسوترى قواعدهم سهله ومعاده



بالتوفيق

[الفتى الذهبي]

بالنسبة للقرامر اعطيهم امثلة قد ماتقدرين و جيبي لهم الافعال المألوفة في معظم الجمل وخليهم يسوون زيها عالسبورة
الكلمات بسطيها بصورة على فلاش كاردز وعندك قوقل صور او موقع فوتوسيرش
عاملي البنات على قد مستواهم وكم مر علينا بنات مايفرقون بين البي والدي :smile (55):والتعامل الحسن وعدم اليأس مشى حالهم وليكون التركيز على البنات الضعيفات اقتربي منهم في الفصل واجلسي جنب الواحدة وفهميها بحب والله يوفقك :smile (38):

[ضعت بعالم اناني]

يعطيكم .. العافيه جميعاَ ماقصرتوا

والاسبوعين عدوا على خير .. وصلني كتاب معلــم .. وحل لي كثير من المشاكل


احاول احببهـم ب الماده .. صور وترجمه واوراق عمل ..بس اللي لاحظته من خلال مستواهم


وطريقتهم ب القراءه .. إن التأسيس كان غلط ... وركيك جداَ فـا مالي اي حق اجي واطالبهم بشيء فوق


طاقتهم خاصه بعد 5 سنوات دراسه للأنجلش..


قلت ابدى وياهم حبه حبه ..على الأقل اعطيهم اساسيات الأنجلش خاصة ب القرمر

زي Past & present & .....etc


احيانا ازعل من كسلهــم .. واحاول احثهم على المشاركة طبعا هالكلام على القسم الادبي ..


بس اتذكر انهم امـانه بذمتي .. واستغفر ربي وارجع اكمل الدرس ههههههه


يعطيكم العافيه جميعاَ ... جعلها الله في ميزان حسناتكم

[أمنية..]

شكرااااااااااااااااااااا

[jako]

الله يساعد الجميع

[استاذهاشم]

اعانك الله

وتأكد ان الصعوبه في البدايه فقط

[Endless Hope]

جزاكم الله خير جميعا
وربي يساعدكم زي ما ساعدتوها و اكثر

وانت عزيزتي ما شاء الله عليك مجتهدة وعندك دافعية ونشيطة الله يباركلك

و اتفضلي هذا ما لدي وان شاء الله يفيدك


http://www.saudienglish.net/vb/showthread.php?t=76018

http://www.saudienglish.net/vb/showthread.php?t=78730

[teacher9]

جزاك الله كل خير وبارك الله فيك