ابي شوركم :(

[berry]

السلام عليكم ورحمه الله وبركاته


بقولكم مآساتي مع طالباتي وابي شوركم وش الحل معهن


اعطي اول ثانوي وثاني ثانوي


مستوي الطالبات عدم


اتعب اقول عدم


ماتخيلون ان حتي الحروف مايعرفوها:smile (97):

حاولت النصف الاول كله معاهم بالشرح البسيط للدروس بالاختبارات الدوريه

بالتبسيطات اللي اسويها لهم

بكل انواع الاساليب

الواجب اعطيهم اياه يحلون من بعض

الكتاب مايروح معاهم البيت بالدرج يتركونه طبعا الا ماندر

مااقدر اقول ان عندي ممتازات ابدا
بالرغم ان مدرسات المواد الثانيه يقولن ممتازين ماادري عشان انجليزي مايحبونه ومايفهمونه

اول مره بحياتي اكره التدريس
اول مره احس اقرا الكلمه اقول ياترى يعرفون معناها اولا

قبل الاختبار عطيتهم مراجعه مبسطه ومن المراجعه حددت لهم اسئله يعني المنهج ككل مايجي 3 صفحات

اابي يجيبون درجات مابي ينخسفون

تخيلو ياجماعه الخير من اجمالي 130 بنت وحده بس ماخذه 30

والممتازات الباقيات 24 واقل

احس ببكي وانا اصحح

التعابير حددت لهم تعبيرين بس ومحادثتين بس ولاحلوهن ولاحاولو حتي


ابي عونكم ياجماعه وش الحل معهم:guy face (62):

ناويه لهم نيه الترم الثاني ان الله احيانا:smile (56):


ابي طريقه اتبعها معهم عشان اطور مستواهم بس هم مايساعدوني مايبون حتي

[tamara24]

نفس المشكلة حتى البعض ماعندهم اي طموح , اكلمها ع جنب (بيني و بينها ) مافيه فايده ماهمهم الا اللعب
عندي حل رائع نجوزهم و نرتاح منهم

[سمسم11]

الله يعين عليهم بس

انا نفس المعاناة مع طالباتي
المستوى عدددددم

مافيه أمل
ماخليت شي ما سويته معاهم لكن لا حياة لمن تنادي

انتي سوي اللي عليك ولايهمونك
اذا هم ما حرصوا ع مستقبلهم واجتهدوا وش بيدنا احنا

الله يعينك ياقلبي \ موووووفقة يارب

[Ella]

الله يعين عليهم بس

انا نفس المعاناة مع طالباتي
المستوى عدددددم

مافيه أمل
ماخليت شي ما سويته معاهم لكن لا حياة لمن تنادي

انتي سوي اللي عليك ولايهمونك
اذا هم ما حرصوا ع مستقبلهم واجتهدوا وش بيدنا احنا

الله يعينك ياقلبي \ موووووفقة يارب

نفس المشكلة :(

[واثقة]

مرحبا يالغاليه
وسعي خاطرك معاهم ترى انتي اللي راح تتعبين للأسف مو هم
بس خطوه خطوه ولآ تستعجلين النتيجه
والله نفس الشي عندي
بس ماعصبت قدامهم .. حاولت اكون هاديه واقول دايم ممكن ونقدر وراح نحاول
شجيعهم وكافئي المجيده بشي بارز
ترى التحطيم له ضرر
والتشجيع ولو بسيط .. مفيد جـــــداً

الله يعينا ويصبرنآ

[سبيل الرشاد]

نفس المشكلة عندي بس اجرنا ع الله # البنات ماصارو يهتمون بالمذاكرة الله يرحم ايامنااااااااااااااا
بس مايمنع نحاول ترجمي لهم كل كلمة

[pink panther]

خليك وراهم ولاتملين ولاتتعبين

لان مع المحاوله راح يتغيرون

حاولي تشجعينهم وتسوين جو منافسه بينهم

[السنيوره الحلوه]

هلا اختي ترانا نعاني من نفس المشكله كلنا كمعلمات انجلش .
وانت لو ماانك معلمه جديرة فعلا وتعبت مع طالباتك كان ماجاك هالاحباط النفسي . عاذرتك لاني امر بنفس اللي تقولينه وتراني اكتشفت متاخر وللاسف متاخر بعد تعبت وتعبوا نفسيتي ان العيب ماهو فينا والله ماهو فينا..................
نشرح باحسن الطرق والوسائل واستخدمنا كل طرق التشويق وطرنا ووقعنا وفي الاخير الي تبغى تتعلم او اللي تبغى درجات يبدعون ويكونون في القمه وتشوفين تعبك فيهم والباقين اللي جايه تقضي وقت بس لانها ماتبي تكمل دراستها واللي تبي تعرس وتنتظر الزوج واللي مقفله عقلها تماما امام المادة وكل شوي صعبه وصعبه لانها حاطتها في بالها كذا ولا تحاول تعطي لا للمعلمه ولا لنفسها فرصه ...............
ايضا اختي المناهج ضعيفة جدا ولا تساعد والنجاح في الانجليزي سهل يشيله الحاسب يعني البنت ضامنه مافيه رسوب طيب ليش تعب نفسها ...................
وكل والله اخذ من نفسياتنا وصحتنا حتى التدريس كرهونا ياه ............ليه ؟
والله احسه غباء دام ان مخلصه في عملي وسويت كل اللي علي خلاص والله يعينا عليهم .........

[BloumagrieT]

السلام عليكم ورحمة الله وبركاته

berry

أعاااااانكـ الله و لا أضااااع لكـ جهداً

عزيزتي نفس مشكلتي انا 2 فقط جابوا 30

وعلى قد ما أعمل وأشيل وأحط دروسي ميته حتى عند العلمي

لكن لا تيأسي ولا توقفي حطي لنفسكـ مستوى حصة معين وع أساسه اشرحي

أنا إذا كانوا كذا أمسكـ دفتر الدرجات و أبدأ أوزع أوراق العمل وأقوم وحدة وحدة

بالدور وكل وحدة سؤالها حسب ما يوقف الدور عندها والله يمشوا زي الألف

جاوبت أخذت الدرجة وما جاوبت وقفت لحد ما هي ترفع يدها من نفسها وتجاوب بنفسها على أي سؤال

مو ضروري تحب مادتي أو لأ أهم شيء واجباتها تجاهي تعملها بدون تقصير

أنا ليا 6 سنوات بأعاني من مستواهم لدرجة إنهم رجعوني ورا بمستواااااهم المتدني

دروسي أتعب في الاعداد لها و تموت عندهم شيء محبط جداً

لكن مالهم إلا الشدة لأن اللي هما فيه كسل وإهمال فقط لا غير

وفقكـ الله و يسر لكـ وهداهم الله

[The Consellor]

هلافيك أختي..ماشاء الله عليك واضح إنك مخلصة ومتفانية في عملك..الله يوفقك ويرزقك على قدر نيتك..
أنا من رأيي إنه من صفات المعلمة الناجحة إنها تخطط لمادتها من بداية الترم يعني ترسم خطة مدروسة للترم كله..هذي الخطة تشمل طرق التدريس والقوانين اللي راح تمشي عليها خلال الترم وأول حصة لها بالترم تبلغ الطالبات بكل جدية عن القوانين اللي تبغاهم يسيرون عليها وتطلب منهم إنهم يسجلونها بآخر الدفتر أو بآخر الكتاب عشان ماينسونها..يعني مثلاً من القوانين:
1. الطالبة التي تتأخر عن الحصة للمرة الأولى توقع مخالفة،، وبعدها لو تكررت يخصم منها درجتين ولا تدخل الحصة إلا بورقة عذر من المراقبة أو المرشدة والعذر لازم يكون مقنع..
2. هناك درجات للمحاولة ولو كانت خاطئة..كما أن هناك درجات لحسن السلوك والأدب..
3. الطالبة التي تواظب حل الواجب والمشاركة سوف تكرم تكريماً خاصاً في نهاية الترم.
وهكذا..
ولاتنسين التشجيع تراه مهم جداً كثير مايجهلونه الأساتذة وحاولي تغيرين من روتين الحصة بالأنشطة والألعاب التعليمية وحاولي تربطين المادة بالواقع صدقيني راح يحبونها ويستمتعون وكل حصة حاولي تجيبين لهم حكمة مثلاً أو معلومة إضافية <<سواءً ثقافة عامة أو بالقرامر او النطق لبعض الكلمات أو ملاحظات على شي>>لكن يكون متصل بالمادة..
خلي حصصك منافسة مثل الدورات قسميهم قروبات مثلاً وكل قروب عطيهم سبورة بيضاء صغيرة أو ورقة يسجلون فيها النقاط اللي يحصلون عليها خلال الدرس<<حسب مشاركتهم يعني كل ماتشارك وحدة من المجموعة يحصلون نقطة ويسجلونها عندهم طبعاً وحدة تكون القائد عليهم
وبعدين المجموعة الأكثر نقاط هي اللي تفوز..وكل حصة خوذي معاك هدية بسيطة لو علبة تشوكليت للمجموعة اللي تفوز..صدقيني راح تكون حصصك جنان
بس أنتِ اجزمي وجربي..
ونقطة مهمة لا تتأففين وتتضجرين من بعض الطالبات يعني لو حسيتِ منهم بطىء فهم أو استجابة
بالعكس شجعيهم واوقفي معاهم وخليك مثل أختهم واحرصي عليهم..خوذي عندهم انتظارات واسأليهم عن المشاكل اللي تواجههم بالمدرسة حسسيهم باهتمامك صدقيني راح تكبرين بعيونهم
الطالبة اللي تحسين إنها تعبانة تجاهليها بالحصة ولاتجبرينها تجاوب ولاتحرجينها وبعد الحصة ناديها وحطي يدك على كتفها وتكلمي معها بكل اهتمام وحب قوليلها مثلاً<<عسى ماشر حبيبتي اليوم شعلتك طافية وتراني حاسة فيك وماحبيت أحرجك وأقومك بالغصب قدام زميلاتك..عشان كذا ناديتك..فيك شي حبيبتي أقدر أساعدك عادي أنا أختك..ولو قالت مافيني شي بس مصدعة مثلاً قولي ترى مشاركتك تهمني أتمنى تكونين شعلة الحصص الجاية..بانتظار حماسك
صدقيني بعدها راااح تطيييييييير من الفرحة وخليك كذا مع كل طالباتك ولا تهتمين بأحد دون الآخر ترى هذا أسوأ سلوك..أظهري لهم جميعاً حبك واهتمامك ولاتحطمينهم مهما كان ترى بناتنا بحاجة إلى اهتمام شوي..صدقيني راح يسوون كل اللي تبغين وأكثر بدون نقاش وراح يتلهفون على حصصك..
وشجعيهم على المحاولة بأي شكل قوليلهم يكفيني إنك تحاولين إذا حاولتِ معي راح أعطيك درجات مثل اللي يشاركون صح..أنا ماتهمني صحة الإجابة..أهم شي نحاول..والتعلم يجي بالمحاولة والخطأ..ولو وحدة حاولت وأخطأت لاتقولي لها خطأ ترى هذا اللي يحطمهم..قولي محاولة رائعة ممتاز لكن أبغى الإجابة الدقيقة مين العبقرية اللي راح تجيبها..صدقيني العبارات هذي تترك أثر كبير وتشجعهم على الإنجاز
حاولي تحتوي دروسك على أشياء غريبة و إبداعية تجذبهم
مثلاً سوي مقدمة للدرس بشكل قصة ويكون معك وسائل توضح لهم ايش تقولين
مرة ابدأي درسك بلعبة وهكذا...يعني أمامنا عدة طرق لجذب الطلاب وامتلاك قلوبهم بس احنا نغفلها
وشي مهم بعد لو حسيتِ إن طالبة تحبك وتزين لك دفترها شجعيها واشكريها على اهتمامها أمام زميلاتها لاتسهجيها مثل بعض المعلمات الله يهديهم..واكتبي لها عبارات مميزة تميزها عن غيرها
وإذا جمعتِ الكتب أو الدفاتر لاتكتبين عبارة وحدة للجميع لا نوعي في العبارات حسب جهودهن يعني كل وحدة واللي تستحق لاتساوين اللي حالة الواجب أي كلام باللي حالة صح ولاتساوين اللي مرتبة دفترها وتعبانة عليه باللي بس يادوب تكتب الملخص..
سوي لهم بطاقات تشجيعية لكل وحدة <<مثلاً الوحدة تحتوي 8 دروس يعني كل درس له بطاقة
واللي تجمع بالوحدة 8 بطاقات لها تكريم خاص بعد ماتنتهي الوحده
خلي فيه فاصل بين كل وحدة ووحدة يكون فيه مراجعة للوحدة وتكريم للي جمعوا بطاقات الوحدة
واللي راجعوا الوحدة زين
دائماً شجعيهم على الطموح والتفاؤل والنجاح حسسيهم إنهم متميزين
قوليلهم كل وحدة منكم متميزة عن الثانية بشي معين..ربنا خلقنا متفاوتين بكل شي وكل واحد عنده مزايا بشخصيته لازم يستغلها عشان يثبت تميزه ويطلع فوق..افتحي لهم الطريق للنجاح
قوليلهم أبغى طالباتي أسماء لامعة في سماء النجاح..أبغى أشوفهم بعد سنوات بالقمة..عشان أفتخر إني درستهم يوم من الأيام..
وأهم شي اربطي المادة بالدين وأخلصي في عملك صدقيني تكبرين في عيونهم وتتركين بصمة رائعة في قلوبهم..
والله يوفقنا وياك أختي..آسفة طولت بس حبيت أفيدك من خبرتي
بس أهم شي جربي اللي قلتلك هذا وارسمي خطة جديدة مادامك لسا في بداية الترم..
وأتمنى تتواصلي معاي على الخاص وتبلغيني عن أخبارك مع التجربة...
ولاتنسيني من دعواتك حبيبتي بتيسير أموري وتحقيق أمنياتي..
محبتك في الله..
The Counsellor