اي افضل تتكلم مثل النيتف سبيكر والا تبين اللكنه العربيه؟؟؟

[English Lover]

طراني رد ابو لمى في موضوع اللهجات الامريكيه والبريطانيه للماسي ..وذكرني بموضوع ودي اعرف عنه اكثر ..

كنت استغرب كيف ان اللى من اصل هندي
وخاصه اللى ساكنين بامريكا وبريطانيا اذا تكلموا انجليزي يبان وبوضوح لكنتهم الهنديه ...وكنت اسال نفسي وشلون عايشين هناك وماهم قادرين ينطقون مثل اهل البلد..

والاغرب ان بعض السعوديين يبان عليه من النطق انه من السعوديه او اقل شي تحس انه عربي يتكلم انجليزي مكسر بالرغم من انه دكتور او عايش هناك فترات طويله ..

تدرون وش جاء على بالي : ان الامريكين او البريطانيين يفضلون ان الاجانب ينطقون الانجليزي ويبينون لغتهم الاصل فيها ..وانهم يعتبرون اللى يتقن لهجتهم مثلهم بالتمام يعتبر مقلد او شئ من هذا ..


وش رايكم ..

هل تعتقدون انهم يفضلون انك تنطق لغتهم وتبين لغتك الاصل والا ...؟؟

[Abo Lama]

انجلش لوفر












موضوع جميل مره


لكن من خلال معرفتي البسيطه طرحت اسأله على بعض اللي اعرفهم من النيتف وخاصة البريطانيين وكانت الاساله تدور حول نفس الموضوع


واللي لاحظته انهم مايحبون احد يقلدهم .. يعني مثلا الهنود.. نلقى بريطانيا مليانه منهم وبعضهم يتكلم بلهجه انجليزية بحسب المنطقه اللي يعيش فيها ويتكلمون اللهجه بطلاقه .. لانهم عايشين ببريطانيا على مدى ثلاث اجيال تقريبا او يمكن اكثر.. ومع ذلك تلقى ناس باقي فيهم اللهجه الهنديه..


وطبعا اغلب اللي سالتهم القى نفس الاجابه وهي انهم يفضلون انك تتكلم بوضوح وطلاقه لكن بلهجتك الاصليه..


وانا بصراحة تعجبني لهجة الفرنسيين اذا تكلموا انجليزي:D


ويعطيك العافيه

[English Lover]

يسلملي ردك الرائع ابو لمى


واللي لاحظته انهم مايحبون احد يقلدهم .. يعني مثلا الهنود.. نلقى بريطانيا مليانه منهم وبعضهم يتكلم بلهجه انجليزية بحسب المنطقه اللي يعيش فيها ويتكلمون اللهجه بطلاقه .. لانهم عايشين ببريطانيا على مدى ثلاث اجيال تقريبا او يمكن اكثر.. ومع ذلك تلقى ناس باقي فيهم اللهجه الهنديه..


ويمكن كونهم مايحبون احد يتحدث بلكنتهم الاصليه يشعرهم بان الشخص اللى امامهم شخص ناسخ ومقلد و مايعتز بأصله وبلده ولذلك يخفيه من خلال اتقان اللهجة الاصليه سواء بريطانيه والا امريكيه ..

او انهم ينظرون لاي شخص يتقن لكنتهم على انه يتباهى ويدعي اجادة اللغه بطلاقه وكانه يقولهم شوفوني اتقن لهجتكم ميه بالميه ..وهم اصلا فيهم غرور يملى الدنيا ومايقبلون الغرور يجي من غيرهم ...

مشكور اخوي الغالي ابو لمى

[miss. English]

اكثر من يجيد نطق اللغات الاخرى بنفس مخارج حروف النيتفز هم العرب
لان اللغه العربيه غنيه بكل الحروف
بينما اللغات الاخرى تفتقد لبعض الحروف في اللغات الاخرى او دمج الحروف مع بعضها بطريقه اليه مثل الهنود اللي ينطقون ال(ر) بطريقه مزعجه في كل كلمه
بالنسبه للسعوديين اللي يبين عليهم الاصل فهم اصلا اتقانهم للغه غير تام واختلاطهم غير كامل
ولا لو اكتمل كان علوم *_^





بالمناسبه البريتيش معروف عنهم تعاونهم مع الغير متحدثين بلغتهم لتعليمهم اللغه بصبر وبدون استهزاء
على عكس الامريكان

[English Lover]

هلا مس انجلش

ويسلم لي مشاركتك


اكثر من يجيد نطق اللغات الاخرى بنفس مخارج حروف النيتفز هم العرب
لان اللغه العربيه غنيه بكل الحروف


هذا كلام صحيح وكثير قالوها



بالنسبه للسعوديين اللي يبين عليهم الاصل فهم اصلا اتقانهم للغه غير تام واختلاطهم غير كامل
ولا لو اكتمل كان علوم *_^


فيه سعوديين اذا تكلموا انجليزي كانه واحد امريكي او بريطاني وممكن تشكين انه سعودي اذا كنتي تسمعينه بالاذاعه ....بس مع ذلك تجدينه يفضل انه يتكلم ويبين لكنة اللهجه السعوديه ..!!!

[رهوفه]

<<<<<<<<جاها احباط
يسلمو على المعلومات

[English Lover]

رهوفه

احباط من ايش ؟؟ ههههه

الله لايجيب الاحباط

[dandoon101]

حي الله أبو خالد

بالعكس أنا وجدت الأنجليز متعاونين جدا لتعليمي الأنجليزية ومحاولة التحدث مثلهم وخاصة العائلة اللي سكنت معهم لمدة ستة أشهر تقريباً

وكنت أتكلم السلانق كإني واحد مثلهم خاصة في التسوق أوخارج أسوار الجامعة والتعامل مع الأنجليز نفسهم ومو مبين علي لأنه كان معظم وقتي وانا بينهم ومأبين لهم انا من فين

ولكن داخل الجامعه كنت أتحدث عادي وباين من كلامي إني سعودي

والحين ضاعت نص الطاسه تقريباً:p


شكراً ابو خالد لطرح الموضوع

[English Lover]

حياك الله ابو ريان

عني ماعمري فارقت هالديره

بس من كلامك ان بعضهم يحب تنطق اللغه مثل النيتف

وممكن الغالبيه يحبون تبين لكنة بلدك في كلامك


ولكن داخل الجامعه كنت أتحدث عادي وباين من كلامي إني سعودي

بس لاهنت ابو ريان

ايش السبب ...وجود سعوديين بالجامعه والا الدكاترة يحثونكم على كذا

[زهرة وشوك]

موضوع شيق ياليت يستمر النقاش اكثر حتى نستفيد اكثر

[hanoof23]

من جد احباط احس اني زي البيبي الي جالس وسط مجلس كبار ويبي يسوي مثلهم لكن اذا احد طالع فيه يصرف نفسه ولايقوم ......

[dandoon101]

منور يابو خالد



ايش السبب ...وجود سعوديين

اوووه الجامعه أيامها كانت تنغش سعوديين والدكاتره والمدرسين عارفيني أنا من فين

وخارج الجامعه ماكنت أتواصل معاهم إلا قليلاً أو وقت المناسبات

[ابو متعب 3]

(تدرون وش جاء على بالي : ان الامريكين او البريطانيين يفضلون ان الاجانب ينطقون الانجليزي ويبينون لغتهم الاصل فيها ..وانهم يعتبرون اللى يتقن لهجتهم مثلهم بالتمام يعتبر مقلد او شئ من هذا ) يابو لمى شاكرين لك على الموضوع ولكن حط نفسك مكان شخص بريطاني يعني انك لو كنت تكلم هندي وحصلته يتكلم عربي بطلاقه -وبالذات الاخوان الهنود في الغربيه بعض الاحيان تكتشف انه هندي او اجنبي بشكل عام بعد ايامومع ذلك يتكلم زي السعودي ويمكن افضل -يكون هذا الشي يريحك حتى في معاملاتك معه ولكن اتووقع مابيتبادر الى ذهنك انه مغرور او شي من هذا . ايضا انا اتمنى اتكلم بالاكسنت البريطانيه بس تصدق انها صعبه اتوقع مابتحصل احد يتكلم بها بسهوله خاصه السعوديون ايضا ياشباب مهما حاولت تتقمص الكلام في هذه اللهجه اعرف ان هناك شي يبين انك عربي او سعودي او غيره وهو الشكل والتصرف وبعض الاحرف وهكذا ولا تاخذ كلامي مقياس بعض السعوديين يتكلم اللهجه البريطانيه بكل طلاقه واللهجه الامريكيه ايضا هذا من وجهه نضري

[NINA-NINA]

اول مرة احس نفسي تنفتح للكتابة من القلب ........... ولكن ياجماعة لاتنسوا اننا معلمين ومعلمات ..... فاالاولى والاحرص ان نتكلم الانجليزية بطلاقة .... خاصة الصف السادس .... وانا متأكدة ان الكل متفق معي في ذلك ...... ولكنكم ذكرتوني بدكاترة الجامعة ..... وجعلتموني أسأل نفسي ... لماذا لايتحدثون بطلاقة ..... حرصا علينا نحن الطلاب الجامعيين ؟؟!!! ....... وبحصوص اللهجة البريطاني ... انا سمعت انها تحتوى على مفردات وكلمات اكثر من اللهجة الامريكية .... ان من يتعلمها تنفعه في دراسة الادب الانجليزي ...... ولكن في سؤال اتمنى من خبير فيكم الاجابة عليه ...... هل نستطيع اعتبار اللهجة البريطانية هي اللغة الانجليزية الفصحى ؟؟؟؟!!!! ............. واخيرا اتمنى الاستمرار في هذا الموضوع المفيد ......... مع الشكر الجزيل لصاحب الموضوع

[English Lover]

(لكن حط نفسك مكان شخص بريطاني يعني انك لو كنت تكلم هندي وحصلته يتكلم عربي بطلاقه -وبالذات الاخوان الهنود في الغربيه بعض الاحيان تكتشف انه هندي او اجنبي بشكل عام بعد ايامومع ذلك يتكلم زي السعودي ويمكن افضل -يكون هذا الشي يريحك حتى في معاملاتك معه ولكن اتووقع مابيتبادر الى ذهنك انه مغرور او شي من هذا . ايضا انا اتمنى اتكلم بالاكسنت البريطانيه بس تصدق انها صعبه اتوقع مابتحصل احد يتكلم بها بسهوله خاصه السعوديون ايضا ياشباب مهما حاولت تتقمص الكلام في هذه اللهجه اعرف ان هناك شي يبين انك عربي او سعودي او غيره وهو الشكل والتصرف وبعض الاحرف وهكذا ولا تاخذ كلامي مقياس بعض السعوديين يتكلم اللهجه البريطانيه بكل طلاقه واللهجه الامريكيه ايضا هذا من وجهه نضري

ابو متعب

مافيه مجال للمقارنه ...يعني وضعنا غير وضعهم ....ومع ذلك مرة قابلت مصري ينطق كلمات بدويه ( مثل كلمة فيها حرف الكاف ينطقها مثلنا بالسين ) وماتجي معه صح ...تدري وش يتبادرلي ....انه لو مانطقها كان احسن لاني احب اقبل منه ماعرفته عنه وماهي لاياقه ومناسبه له ( تخيل مصري يقول : انت عاوز اعمل ده سذا _ يبي كلمة كذا _ ) ومحاولته نطق هالكلمه تسبب له ضحك الاخرين عليه وممكن اشك هل هو جاد ام مازح لان ماينطقها الا واحد متعصب والا واحد يقلد من باب المزاح ..

[English Lover]

Nina-nina

اكيد ان النطق الصحيح مطلوب ...بس الخلاف على ماهو الافضل بالنطق في نظر الامريكين والبريطانيين ...ماهوب حب لرضاهم لكن حب معرفه


اما سؤال اللهجه البريطانيه تعتبر الفصحى عندهم ؟؟؟؟؟

احوله الى ابو لمى لانه معايش الوضع واقدر ...او اي شخص والمتمكنين كثار بالمنتدى


بس ابي اضيف معلومه يمكن الكثير يعرفها حول هالسؤال ...وهي ان اللغه الانجليزيه مرت بثلاث مراحل الى ان تطورت الى صورتها الحاليه :
الانجليزيه القديمه والوسطى او المتوسطه والحديثه