درس نموووووذجي :(

[الترسيم يبيله]

تكفووووون بليزززززز ارجوووكم الله يوفق ويسعد ويفرج للي بيساعدني انا عندي درس نموذجي وبيجيني مدرسات من برى المدرسه مع الموجهه والمديره ومدرسات المدرسه وماعرف شي ولا اخترت درس ولا سويت اي شي تكفوووووون ساعدوني وش اختار درس ووش الافكار اللي اسويها :smile (56):

[نادية7]

الله يعينك و يوفقك


متى ح يكون درسك

لازم تختاري وقت عشان ماتتلبكي

و خلي البنات يساعدوكي

افضل وحدة هي shopping

احسها فيها متعة اكثر

[الترسيم يبيله]

اخت ناديه اتشرف بردك صراحه انتي انسانه مميزه وكثير استفيد من ملازمك بس انا ولا مره سويت درس نموذجي وخايفه مره ومو عارفه بالضبط وش اسوي ولا اعرف احد هنا تقدري تساعديني؟ والله ادعي لك ليل ونهار

[الترسيم يبيله]

up :smile (97):

[avhdt]

الله يوفقك
اختاري درس discussion ويكون سهل..وسوي لعبة الحروف المتقاطعه عشان هم يكتشفوا موضوع الدرس..وسوي عرض وورك شيت.

[الترسيم يبيله]

درسي بـ 21 _4 يعني مو الاسبوع الجاي اللي بعده وانا ماجهزت لأي شي بس اخترت المرحله لأني ادرس ثاني وثالث ومحتاره وقررت اخذ ثاني

[الترسيم يبيله]

ممكن اتواصل معك على الايميل انا مره سويت لك اضافه وماقبلتيها عشان ملازمي الترم الاول؟

[الترسيم يبيله]

up:girl face (153):

[Miss. BeshoOo]

مساءك خير حبيبتي , انا عندي درس نموذجي الاسبوع الجاي لثالث متوسط
اخترت discussion and conversation احس هالدرس ينفع لان فيه كلام كثير
خليني اقولك خطواتي يمكن تستفيدين منها بما اننا نختلف بالمراحل
اول شي راح انتظرهم لحدما يدخلون الزائرات كلهم , حرام ابدا بالدرس بعد التعب هذا كله ومايشوفونه من البداية
اكتب بيانات الدرس عالسبورة واسال عن الواجب القديم
اسال سؤالين خفيفة من الاسئلة العامه في الوحدات الماضيه
افتح عرض البروجكتر وابدا بصورة ترحيبية للحضور بعدين ابدا بالعصف الذهني ( انا درسي عن الطعام الصحي ف راح اجيب صورة بباي وبلوتو اللي بافلام الكرتون واناقشهم في وش ياكل بباي ؟ بيقولو سبانخ , طيب وش ياكل بلوتو ؟ بيقوو همبرقر بقولهم مين الاقوى دائما بيقولو بباي باقول ليش بيقولو لانه ياكل طعام صحي وبكذا استنتجنا عنوان اليونت ) وهذا هوه العصف الذهني والتمهيد مره وحده
انتي شوفي حاجه تناسب درسك , ومو مشكله تعطينا اسم درسك ونفكر معاك
بعدها اجيب جدول المعرفة اللي يسمونه kwl هذا استراتيجية تعلم جديده اذا ماعندك خلفية عنها من قبل انتي وطالباتك لاتوجعين دماغك فيها لكن انا مشرفتي طلب مني استخدمها وشرحتها لي ,,
بعدها ننتقل للشريحة الثانيه صور طعام صحي ويسمونه لي
وصور طعام غير صحي ويسمونه لي
وابدا اناقشهم فيه وفي مجموعات الغذاء وليش انه صحي وليش البرجر مو صحي وهكذا
بعدها ننتقل عالكلمات الجديده بالدرس اشرحها لهم على فلاش كاردز
بعدين المحادثه دمجتها صوت وصورة مع عرض البوربوينت
يسمعون المحادثة مع كتابتها على العرض مرتين
بعدين يقراون اسئلة المناقشة اللي بحطها على المحادثة ويعطوني اجاباتها من المحادثه بعدين نرجع نقول المحادثه كل ثنتين مع بعض
بعدها القبعات الست هذي كمان استراتيجية تعلم
والتطبيق ورقة عمل
واعطيهم واجب ويفتحون الدفاتر ويكتبون الدرس وبس يابعدي

الله يعيننا ويفرج همنا ويشرح صدورنا وييسر امرنا ,, والله قلقانه وشايله همه
المديرة خيرتني بين احطه قبل الاجازه او بعد قلت لا راح اضغط نفسي واعمله قبل الاجازه عشان ارتااااح نفسيا من همه واستانس باجازتي .

[الترسيم يبيله]

مس بيشو شكراً لك على الجهود الرائعة
جزاك الله كل خير وبارك الله فيك انا اخترت درس المسلمون في الصين والظاهر انه بيصير بعد الاجازه عشان امخمخ عليه ودي اطلب من المديره مدري توافق او لا

[الترسيم يبيله]

تعرفين كيف اسوي كلمات متقاطعه لعنوان درسي ؟؟
تراني مادري وش السالفه ولا اعرف للكمبيوتر

[نادية7]

الله يوفقك

قولي الدرس و ان شاء الله نساعدك عليه


ولا تشيلي هم

[الترسيم يبيله]

درسي muslims in china
ديسكشن

[الترسيم يبيله]

قولي آمين الله يجعل لك من كل هم مخرج ويسعدك يارب

[tamara24]

هلا اختي
بصراحه انصحك بدروس الديسكشن لانك انتي تتحكمين فيها من معلومات و مقدمة ومانتي مقيده بشي وانا معاك باختيارك المسلمون في الصين لانها وحده متكامله ورائعه وعندي مقاطع فيديو وبربوينت رائعة اخدتها من المنتدى اذا حابه انزل لك بس اكيد انها موجوده هنا

[نادية7]

هلا اختي
بصراحه انصحك بدروس الديسكشن لانك انتي تتحكمين فيها من معلومات و مقدمة ومانتي مقيده بشي وانا معاك باختيارك المسلمون في الصين لانها وحده متكامله ورائعه وعندي مقاطع فيديو وبربوينت رائعة اخدتها من المنتدى اذا حابه انزل لك بس اكيد انها موجوده هنا

الله يسعدك و يوفقك


اللي موجود عندك ليت تنزليه الكل ح يستفيد و لك دعوة من القلب


و خير الناس انفعهم للناس

[الترسيم يبيله]

تمارا ياليت تنزلينهم واكون لك من الشاكرين

[piece of cake]

انا ادرس ثاني ثانوي أنصحك تاخذين درس الشاي الdiscussion في المنتدى باور بوينتس عليه رهييييبه وشامله لكل فقرات الدرس وبرضو وسائله متنوووعه وفي متناول اليد وجذابه كمان راح يكون عندك فقرة انو البنات يسووا شاي في نهاية الكلاس ويسووا قهوة سريعة بحيث انو انتي راح تكونين مجهزه غلاية ونوعين شاي وسكر وكاسات وكيك او بسكويت و إذا قررتي عليه انشالله بساعدك عالويك إند

[لمسة حنونة]

http://img134.imageshack.us/img134/4222/14159515ue7.gif

[السنيوره الحلوه]

مساء الورد يسعد الحلوين فرحانه فيكم كلكم ................. جدا اختي الترسيم. معك وانا اختك نفس الحكايه بالزبط خنطق منطق على قولت السوريين هههههه.

عندي درس نموذجي ثاني ثانوي وقررت يكون يوم 25\4
وطلبت موجهتي ااجله الى بعد الاجازة عشانه في دورة برا المنطقة فاخترت الاربعاء الثاني بعد الاجازة

ومثلك بغيت المسلمون في الصين في البدايه . بس كل صديقاتي واعضاء المنتدى نصحوني بالشاي ولقيته يستاهل فعلا

لا يفوووووتك يهبل وفيه حركات حلوه وتقدرين تسوين في الهوايل الحلوه طبعااااا. ههههههه
درس خفيف لطيف ومعلوماته تجنن
طبعا خذت الدسكشن بس دخلت عليه بعض موضوعات الريدينق للمناقشه طبعا والله انه روعه
واذا اعتمدت عليه انا مطلعة عليه افكار تجنن بتناقش معك فيها
وبالتوفيق ياعسل في اي درس تختارينه
دعواتكم يابنوتات ياقمرات لنا في دروسنا النموذجيه ياررررررب تطلع قد التعب واكثر

[الترسيم يبيله]

بيس اوف كيك وسنيوره ماتتخيلون كيف انا مبسوطه لتعاونكم معي الله يعطيكم اللي تتمنون ويسعدكم ويوفقكم وين ماكنتو بس انا مشكلتي مجهزه هذا الدرس مع الموجهه لأنها تبي تنوع في المواضيع كذا معلمه بتحضرلها وفي معلمه مختاره الشاي انا بعد موجهتي بدوره وان شاءالله يتأجل لبعد الاجازه يارب

[ريشة]

أنا مع الأخوات ..
درس الشاي جداً روعة ... و مجاله واسع و شيق و قريب جداً للطالبات..
أنا سويته العام الماضي.. و وزعت على الطالبات شاي و بسكويت.. واللي ما يحبو الشاي جبت لهم قهوة..
و السنة هاذي كنت ناوية أسوية في التدبير..بس يوم شفت فكرة الأخت اللي جابت الغلاية, أعجبتني و راح أسويها.. إن شاء الله

[الترسيم يبيله]

ياناس انا الموجهه رفضت وحده الشاي تقول كثير مسوينهااااا :(
انا وحدتي المسلمون في الصين فيه احد عنده فكره؟؟ اكون له من الشاكرين

[moon2008]

اختي السنيوره ممكن تساعديني بوحده الشاي والقهوه لانه درسي النموذجي الاسبوع الجاي ومشكووووووووووووووووووووو ره مقدما

[الترسيم يبيله]

الحمدلله تأجل درسي لبعد الاجازه تكفون ساعدوني من الحين مره خايفه

[α ή ғ α ş ќ ¬]

البنات ماقصصروا يعطيهم العافيه..
ويعطيك العافيه يالغلا..^^
والله يوفقكم ولا يضيع لكم تعب ..

=)

[علاء]

شكرا على بذل المساعدة اخواتي الفاضلات الله يجزاكن خير
بالتوفيق اختي

[shagawah]

http://img134.imageshack.us/img134/4222/14159515ue7.gif

[fofo7]

ايش صار ع درسك ياليت تقولي لنا...

صحيح من زممممممان بس تحمست معك:)

[دنيا البوح]

يعطيكم الف عافية على التعاون الرائع

[مس لوليتا]

السلام علييكم

ادري الموضوع قديم بس دايم يتجدد وماننقطع عن الدروس النموذجية الله يعيينا يارب
انا درسي عن الشوبنق وابي منكم افكار
اللي هو الريندق بلييييز لا تبخلون علي بافكاركم وعروض البوربوينت اذا عندكم

[مس لوليتا]

الله يسعدكمممم

وش الاستراتيجيات اللي اقدر ابدا فيها درسي ؟؟

[رون الراشد]

بارك الله فيكن