المساعد الشخصي الرقمي

مشاهدة النسخة كاملة : اتخرجت السنه الماضيه..ابي اكمل ماستر ولكن....



No0oNi
22-03-2011, 10:19 PM
السلام عليكم ورحمه الله وبركاته
الى جميع اعضاء سعودي انقلش ومشرفينه وادراته انار الله دروبكم وسدد خطاكم
من معلمه لغه انجليزيه تعمل بمدارس اهليه ابي مساعدتكم الله يجزاكم خير...
عرض علي الوالد فكره الدراسه برا , ولا اخفي عليكم ان الفكره كانت براسي من الاصل ولكنني لم اتوقع قبولها في مجتمعي المحيط بي وخصوصا من الوالد , والحمدلله الان حصلت على موافقه والدي وهي الاهم لدي ورضاه لاحرمني الله بره , واتحمس معي بقوه بس باقي اني اسعى في الشي هذا
انا ابي اكمل ماستر والتحق ببرنامج خادم الحرمين الشريفين حفظه الله (ولكن) اريد من يوجهني ويساعدني.....:smile (97):
1- اولا اريد ان اعرف ماهو التخصص او البرنامج المناسب لي :smile (74):والاقرب لتخصصي في البكالوريوس ادب انقلش ويكون متاح في برنامج الملك عبدالله للابتعاث الخارجي....مع العلم اني احب تخصص طرق تدريس لغه انجليزيه لاني احب طبيعه عملي كمعلمه.....
يعني بالخط العريض( وش تنصحوني اتخصص ؟ )2-
2-مارايكم فانا محتاره بين كندا وامريكا وماليزيا اي البلدان افضل لي؟
بصراحه الوالد يريد ماليزيا لانها ارخص في التكاليف بالنسبه لامريكا وكندا فهي لاتقارن بهما, ولكنني اريد ان اعرف الافضل والاسهل برضو

3- ماهو اقرب موعد للاتحاق بالبرنامج؟:smile (84):
4- بالاضافه الى ذالك تقديري ادنى من المطلوب في البرنامج :smile (87):ولكنني سمعت بانهم في بعض الاحيان يتجاوزون ذلك, لااعلم صحه هذا الكلام ولكنني ساسعى في كل السبل المتاحه امامي لتحقيق حلمي حتى وان واجهتني صعوبات فلن اياس باذن الله
حقق الله امنيات واماني كل من يمد يد العون لي وجعلها الله في ميزان حسناته ... والحقه ربي مايتمناه ....
الله يخليكم ياسعودي انجلش لاتتركوني هيك بلييييز اللي عنده اجابات لاستفساراتي لايبخل علينا ....

bigevil
23-03-2011, 02:38 AM
انا عشت فى ماليزيا سنتين اى استفسار انا جاهز

غدي الحلوة
23-03-2011, 03:25 AM
طيب كيف عن الماستر انجليزي من جامعة الاردن؟؟ّّّّّ!!!!!!!

انا افكر بكذا ...... ما دام ماتوظفت اكمل احسسسسسن ....
وكم التكاليف ؟؟؟!!!!!

انا رايحة ع الاردن قريب و حاسأل ... >>>> بس ودي بأحد عنده فكرة

مع العلم انو تقديري ولله الحمد >>>



جيد

&رنيم&
23-03-2011, 09:40 AM
ما اقول غير الله يوفقك ويفتحها عليك ويكتب لك اللي فيه الخير
لاني وبصراحه عايشة نفس المعاناه تقريبا ونفس تخصصك ادب انجليزي وعندي مجموعه من الاستفسارات اتمنى القى لها اجابات ؟؟؟؟؟؟؟؟؟؟؟؟؟؟
بس حبيت اضيف لك بعض المعلومات اذا ماكان عندك علم فيها الا وهي؟؟؟؟؟؟
انه فيه اختبار قبل دراسه الماجستيروطبعا لازم .. وايضا على حسب مااطلعت عليه ان برنامج الملك عبدالله للابتعاث اغلب المجالات اللي فيه علمية بس بعد لازم نسأل ونتاكد واتمنى اننا نلاقي اللي نبيه يارب..
الطموح موجود والله يوفقنا بس ابقول لك انه:
لا يأس مع الحياة ولا حياة مع اليأس.. نسأل ونبحث وعلى امل ان ندرك مانريد..
(نتعاون معا لنصل للقمة) وبالتوفيق////////

No0oNi
23-03-2011, 11:50 PM
جزاك الله الف خير bigevilوراح اجمع اسالتي واسالك ... مره اخرى جزاك الله خير على رحابه صدرك...وتعاونك....

غدي الحلوه انا برضو تقديري جيد بس من شروط البعثه جيد جدا ... بس ان شاء الله بتتسهل .... والواحد يسوي اللي عليه ويسعى فيها....

خيتو رنيم ايش هو الاختبار اللي لازم نقدم عليه؟؟
مادري اذا تقصدين (القدرات للجامعين) فهذا اتوقع لابد منه لانو في بعض التخصصات هنا بالسعوديه في تقديم الماستر طالبينه واجباري... فما بالك براا... ووحده من المعلمات معي اختبرته... لانها راح تقدم على الماستر في الامام.. وانا باذن الله راح اقدم على الاختبار الذي في الموعد القادم باذن الله ...امممم اتوقع انه في شهر ثمانيه موعده والتسجيل فيه طبعا قبل بمده قصيره...

ع العموم رنيم انا جالسه ابحث عن التخصص المناسب لنا واذا عرفت خبر حلو او شي مناسب راح ابلغك...
عافاك ربي على مشاركتك لي ...

&رنيم&
24-03-2011, 02:59 AM
اظن انه هو لان اللي اسمعه بالانجليزي وفيه انواع اللي هو التوفل وايضا الstep
وطبعا هو على 6 اقسام وهذا اللي عرفته وطبعا لازم تجهزين نفسك وتحضرين له زين....
اما بالنسبه للموعد انت باي جامعه بتختبرينه (والا بجامعتك اللي تخرجتي منها) وهل كل الجامعات نفس الوقت ومن وين عرفتي الموعد تكفين اذا عندك خلفيه خبريني"
وطيب اللي بتقدم برا مع زوجها وطبعا زوجها برا الحين وهي بالسعوديه هل هي تختبر من هنا وبعدين تروح وتلتحق هناك ولا وش تسوي؟؟ تكفين اذا عندك اي معرفه ساعديني عشان اساعد صديقتي او عندك احد تعرفينه عنده خلفيه عن هالموضوع ويقدر يساعدنا...:smile (97): والف شكر لك اخيتي .

No0oNi
24-03-2011, 10:34 PM
بصراحه خيتو رنيم مو فاهمتك كويس بس القدرات تقدرين تقدمين عليه من مركز القياس الوطني بالنت طبعا وهم مايقصرون ... يعلمونك متى موعد التسجيل ومتى الاختبار... وترا مثله مثل القدرات حق الثانوي...واذا قصدك موقع الاختبار .. فهو اصلن اذا قدمتي يحطون لك عده مواقع يختبرون فيها .. مثل جامعه الاميره نوره او سعود اللي بغرناطه او مدارس التربيه النموذجيه .. وفيه مواقع كثيره برضو .. عاد انتي اذا دخلتي وسجلتي وفتحتي لك سجل عندهم تقدرين تختارين من المواقع اللي حاطينها لك..وبرضو الوقت يحددونه لك ...
وبالنسبه لزميلتك هذي اللي تبي تروح لزوجها برا ماعندي خلفيه عن وضعها والله...بس اللي اعرفه انها لو انها رايحه معه مرافق تقدر تلتحق بالبعثه... عاد وشلون مدري ... اتوقع اذا دخلتي على موقع برنامج خادم الحرمين للابتعاث بتلقون اجابات لاستفساراتكم.. والافضل تسالوا ناس مجربه..فالتجربه خير برهان..
واعذرا ع الاطاله >>>> البنات كلامهم كثير:smile (87):

&رنيم&
25-03-2011, 10:13 AM
يعطيك الف الف عافيه ياخيتوووووووووو نوني.
بصراحه رايتك بيضاء ماقصرتي .
وعلى قولتك حنا كلامنا كثير بس لازم نستفسر صح هههههههههه
بس طيب انتي تقولين زي القدرات حق الثانوي بس اللي ماعنده خلفيه عنها ابد وش يسوي لاني مالحقت بصراااحه على القدرات للثانوي.
اما مركز القياس الوطني هل تسجيل قدرات الماجستير عليه .
واخر سؤال هل القدرات هاذي هي نفسها المطلوبه للماجستير وممكن تشمل اللي يقولون عنه التوفل او الstep او بالاصح تكفي عنها...
اما الناس اللي مجربه ياليت لو نلقى احد يفيدنا بتجربته.............ومشكورررررر رره على تعاونك معي لااااعدمناك....

No0oNi
25-03-2011, 02:09 PM
هلا اختي رنيم..
شوفي بالنسبه لسؤالك>>((بس طيب انتي تقولين زي القدرات حق الثانوي بس اللي ماعنده خلفيه عنها ابد وش يسوي لاني مالحقت بصراااحه على القدرات للثانوي))
هو مونفسه نفسه بالضبط بس يشبهه يعني وهذا موضوع لقيته باحد المنتديات يعلمك وش الفرق ووش الهدف منه>>
الى ماذا يهدف هذا الاختبار؟ ومن هم الاشخاص
الذين يشملهم ؟


يهدف طبعا الاختبار الى ..

التعرف على الطلاب الذين لديهم مهارات بحثية وقدرات تزيد من فرص نجاحهم في
برامج الدراسات العليا..

- تبصير الطالب بمستواه في القدرات العقلية الهامة للتعليم ما بعد
الجامعي...

- تقديم معيار يضاف إلى بقية المعايير المستخدمة لاختيار طلاب الدراسات
العليا...

ومن المعروف أن الجامعات العريقة في العالم درجت على اشتراط اختبارات
مشابهة لهذا الاختبار على الطلاب المتقدمين لبرامج الدراسات العليا فيها،
مثل الاختبار المعروف باسم GRE ...


اما من يشملهم الاختبار فهو موجه الى ..!!

الاختبار موجه للطلاب والطالبات الراغبين في الالتحاق
ببرامج ما بعد المرحلة الجامعية ( النظرية، والعلمية)، وتشمل:

- الدراسات العليا في الجامعات
السعودية...(ماجستير+الدكتور ة)

- البرامج العسكرية بعد المرحلة الجامعية (مثل كلية الملك فهد الأمنية).

- البعثات الخارجية للدراسات العليا...

- برامج الدبلوم العليا داخلياً وخارجياً...



نبي نعرف على مما يتكون ؟وكم مدتة .؟ وماذا يقيس؟


الاختبار يقدم باللغة العربيه لطلاب مابعد المرحلة
الجامعيه ..


ويتكون من ثلاثة أجزاء: لفظي (لغوي)، وكمي (رياضي)، ،ومنطقي استدلالي
ومكاني,,

في ستة اقسام

كل قسم يحتوي على عدد من الاسئلة مابين 18 الى 25 سؤال

وجميع الاسئلة على شكل اختيار من متعدد

"أ.ب.ج.د"

في زمن مقداره 25 دقيقة....


اما عن اجمالي ساعات الاختبار فمابين الساعتان ونص الساعه الى ثلاث ساعات
..


علما ان اختبار القدرات للجامعين يقيس بعض من
المهارات اللتي قد لايقيسها اختبار القدرات للثانوية ..

مثل::


القدرة على القراءة بفهم عميق.

• القدرة على تمييز البناء المنطقي للتعبيرات اللغوية.

•القدرة على الاستدلال .

• القدرة على الاستنتاج.

• القدرة على إدراك العلاقات المنطقية، المكانية وغير المكانية.

• القدرة على التحليل.

• القدرة على الاستقراء.

• القدرة على تفسير النتائج.

• القدرة على حل المسائل المبنية على مفاهيم رياضية أساسية.

طبعا خيتو هذا منقووول للامانه:smile (68):

وسؤالك الثاني>>((اما مركز القياس الوطني هل تسجيل قدرات الماجستير عليه ))
ايه تدخلين عى الموقع وتسجلين وهم مايقصرون موضحين كلللش لك ..حتى طريقه التسجيل شارحينهاا بعروض بوربوينت...

وسؤالك الاخير ياطويله العمر والسلامه..>>((واخر سؤال هل القدرات هاذي هي نفسها المطلوبه للماجستير وممكن تشمل اللي يقولون عنه التوفل او الstep او بالاصح تكفي عنها... ))

ايه القدرات للجامعين مطلوبه للماجستير .. بس عاد على حسب البرنامج اللي بتلتحقين فيه في هالجامعه ..لاني يوم اشوف ماستر الامام وسعود فيه بعض البرامج ماطلبوا من شروطها اختبار القدرات.. وبعضهم شارطين درجتك في الاختبار ترسلينها..
وترا القدرات غير والتوفل والstep غير
فالقدرات بوجع عم يقيس قدرتك على البحث والتحليل وو..
لكن التوفل والstep فهي خاصه باللغه الانجليزيه ..وراح تلقين بموقع القياس اختبار الكفايات للغه الانجليزيه واللي هو الستيب..
وفيه موضوع للاخ الفاضل bigevil يقولنا عن تجربته مع اختبار الstep وانه اسهل من التوفل
تقدرين تدخلين موضوعه وتشوفينه فهو ماقصر جزاه الله خير...


وعافاكم الله اخوتي اذا احد عنده رد لاستفساراتي السابقه لايبخل علينا...فانا انتظر من احد ولو معلومه بسيطه تفيدني...:smile (60):

&رنيم&
26-03-2011, 09:29 PM
يعطيك الف عافيه ويجزاك الجنه ياخيتو
واسال الله ان ينولك اللي تبينه عاجلا يارررررررررب ويوفقنا واياك لكل خير ويحقق لنا طموحنا .
ماااااقصرتي افدتينا....

Jala alhelwa
01-04-2011, 04:38 AM
يااارب حقق حلميي

ام يزيد واديب
10-04-2011, 09:48 AM
انا كمان نفسي اكمل بس تقديري جيد ياليت تخبرونا كيفية التقديم ومتى يفتح لانو وحدة من صديقاتي مو مرة علاقتي فيها بس صدفه تقابلنا زيارة بالكلية وقعدنا نسولف مع بعض و خبرتني انة انقبلت بالبعثة حقت الملك وهي تقديرها ماشاء اللة جيد ججدا مرتفع واقبلوها دايركت بس انوهم اختارو لها التخصص والبلد ترجمة على ما اظن وبنيوزلندا وهي ماخترت الاشياء هاذي اختارت كندا عشان اخوها يدرس هناك واختارت تقول استراليا عشان2 من عمانها وزوجاتهم هناك باستراليا وكنسلت البعثة وراحت على حسابها لاستراليا وحاولت اسالها بس ماعطتني اي معلومة وتقول ان اكثر اللي تخرجوا معانا يدرسن ماستر واحس اني من بعد ذيك المقابلة دخلت الفكرة بالي اني اكمل ماستر وافضل شي سويت بحث يقولون كندا عذروني قلت لكم قصة حياتي

بناتي ورداتي
26-04-2011, 08:10 PM
مرحبا

أنا موظفة وأمنية حياتي أكمل ماستر حتى لو على حسابي
وين تنصحوني أكمل ؟

No0oNi
01-05-2011, 11:18 PM
فيه عندك جامعه الملك سعود وجامعه الامام راح يفتح الماستر الموازي قريبا انشا الله ولكن لم يحدد التاريخ بعد.. تابعي المواقع تبعهم..
واذا تبين بعثات .. فيه عندك برنامج خادم الحرمين الشريفين الملك عبدالله بن عبدالعزيز للبعثات الداخليه والخارجيه... اتوقع راح يفتح في شهر 8 >> بس مو متاكده بالضبط..

طبعا اغبلهم صارو يشترطون اختبار القدرات للجامعين...انتي ادخلي على مركز القياس الوطني فيه باقي اختبار في شهر سبعه تسجيله انشاء الله والاختبار في 3-8 ادخلي وتاكدي افضل ...
واتمنى لك التوفيق اختي..

norma
19-05-2011, 09:35 PM
ما شا الله عليكم
اطلبوا العلم ولو في الصييييييين
ما شا الله الله يوفقكم<<<<<عقبااالي

Anori
21-05-2011, 12:20 AM
ماشاءالله كلكم ودكم تكملون
يااااااااااااارب تحقق امانينا وتوفقنا يارب
قولوا امين