الى معلمي ومعلمات اللغه الانجليزيه ....كيف اطور مستوى طلابي

[highway]

السلام عليكم

انا ادرس ثاني متوسط مستوى طالباتي باللغه الانجليزيه ليس بالسئ ولا بالممتاز

يعني اذا طلعوا لثالث متوسط هيتعبون من المنهج

وبما ان الترم طويل حبيت اجيب لهم كتب تعليم اللغه الانجليزيه فاذا تكرمتوا ممكن

تقترحون علي اسماء كتب تثري لغتهم

[عادل القرني]

أتوقع أن المنهج كافي ووافي والطالبات لا يحبذن بكل معنى الكلمة أشياء من خارج المنهج بل إنهم سيتذمرن من ذلك لكن ومثل ما قلت الكتاب كاااافي جداااااااا وخذي منه الأشياء المفيدة يعني لا تعطين كل شي .

وبذكائك تقدرين تجذبيهم إلى مادتك.
جميل أن نرى منهم بمثل إخلاصك
لك كل الاحترام والتقدير

[highway]

الف شكر لك

[جواهر ام راكان]

أنصحك تنزلين لهم من النت تمارين والعاب مكتوبة لمواضيع الكتاب لأن تمارين الكتاب غثيثة ومختصرة مخلة بالمطلوب.

[EnglishAddict]

أنا أقترح تستفيدي من طول الترم في أشياء غير الكتب لأنو الطلاب طفشوا من كثر الكتب والأوراق يعني ممكن تستخدمي ألعاب باللغة الإنجليزية أو تساعدي الطلاب يعملوا مشاريع بحث أو نشاطات غير المنهج. لكن أهم شيء غنوا المدرس يكون قادر على توجيه النشاط والمشاريع بطريقة تخدم المنهج المقرر عليهم مع تطوير مستواهم العام

تحياتي

[7lm_]

بـآرك الله فيك .. اقول آنو لو تعطيـــن الزبده فقط بـ طريقــه تجمع بين الجد والترفيــه هنـآ تكونيــن دخلت قلوب وعقول الطـآلبـآأت ,
موفقـــةةة ,

[The Consellor]

اولاً أهنيك أختي على اهتمامك و إخلاصك و بادرتك الطيبة
شي حلو لو كل معلم ومعلمة للغة فكروا هالتفكير الراقي
ثانياً بالنسبة للتطوير اخواتي ماقصروا باقتراحاتهم وأنا مؤيدة لكلام أخوي عادل القرني فكرة الكتاب راح تنفر الطالبات لان الكتاب مكروه لديهن فأفضل شي الالعاب والمسابقات
سوي لهم مسابقة ترجمة الامثال الانجليزية بشكل صحيح
انا سويت لهم المسابقه هذي جبت لهم امثال انجليزية و اكتبها لهم على السبورة طبعا كنشاط عليه درجات وجائزه قيمة لأول وحده تترجم المثل بشكل دقيق مو ترجمة حرفية
و أنبِّه الطالبات في البداية الى ان الامثال لابد ان تترجم بدقه وبدون تحريف يعني لها ترجمة واحده بس مو كل شخص يترجمها بأسلوبه
وبكذا راح تنمين هالمهارة عندهم
وبعد ما أكتب المثل على السبورة نترجمه مع بعض ترجمه حرفية بعدين اترك لهم مهمة الترجمة الدقيقة ومن الترجمة الحرفية راح يستنتجون المعنى بس اهم شي يكون مثل معروف عشان يكون سهل عليهم
وصدقيني راح يتحمسون
طبعاً هذي طريقة
أيضاً استغلي درس الفونيكس هذا روووعه ومهم جداً شجعيهم
خلي حصة الفونيكس غير خارج الروتين المعتاد
سوي لهم العاب فيه
حملي برامج للنطق
عيشي جو الدرس هذا بكل حذافيره
وفيه اشياء كثيره وبسيطه تقدرين تستغلينها
بس اهم شي التحفيز ترى له اثر كبير بنفوس الطالبات
وهنا اشير لنقطة مهمة في التحفيز وهي عدم الاستهانه بالطالبات وإعطائهن اشياء بخيسة الثمن
تراهم يحسون والله
والهدية لها قيمة كل ماتكون افضل ومتعوب عليها يكون عائدها اقوى صدقيني
انا ما أقول كلفي نفسك مررره بس جيبي اشياء تناسبهم و ثمنها حلو
للاسف بعض المعلمات تجيب سخافات تستحي الطالبة تاخذها

وأخيراً اقول حتى الهدايا ممكن تستغلينها بتطوير مستوى الطالبات
مثل دروع شكر تكتبين فيها كلام حلو من ذوقك ويصير طويل شوي
وعلى طول راح يتحمسون الطالبات لمعرفة المعنى وأكيد راح يجوك عدد من الطالبات يطلبون الترجمة
هنا ارفضي وشجعيهم هم على الشي هذا
قولي انتم مبدعات اللي وصلتوا لهذا المستوى واستحقيتوا هالدروع وكلي ثقة إنكم قدها وماراح تعجزون عن الترجمة..

أختي عندك فرص كثيره استغليها
هذي بعض الافكار اتمنى من كل قلبي إنها تفيدك
ودعواتك لي بتحقيق أمنياتي وتيسير أموري
وآسفة على الإطالة وربي يوفقك