ماجستير انجليزي

[*جودي*]

السلام عليكم

صراحة انا كانت كلمة الماجستير اخر شيء افكر فيه بس لي فترة افكر فيها بقووة فعلا ودي اجتهد واشد حيلي واكمل دراستي لكن:(
ماني عارفه من وين ابداء؟؟؟وش الجامعه اللي بتقبلني انتساب او دراسة عن بعد بدون شروط تعقيدية وواسطا ت قوية؟؟؟
ابي ادرس بس على حسابي وفي بيتي يعني اروح اوقات الاختبار...فقط لظروفي
احد ممكن يفيدني؟؟
وهل عندكم فكرة عن الجامعة العربية المفتوحة او جامعة الشارقه او الجامعة الامريكية بلندن؟؟ او اي جامعات تقبل الانتساب والدراسة عن بعد بس تكون معتمدة ....دخت وانا ادور في الانترنت ولا عرفت اوصل لاي نتيجة.......!!!
:confused: :confused: :confused: :confused: :confused:
وجزاء الله خير كل من ساعدني او افادني

[saudirose]

اتصلت على الجامعه المفتوحه وسمعت نبذه عن الجامعه بأن أعلى درجه تدرسها هي البكالريوس ، في السعوديه ومرفوض اعتماد درجة الماجستير في السعوديه ، يعني غير معتمده ، وبإمكانك الاتصال على الدليل وأخذ رقم الجامعه وسماع نبذه عنها او رقمها في الدول العربيه .

[Abo Lama]

جودي










دراسة الماجستير من جامعه خارج المملكة بالانتساب او عن بعد غير معتمد من وزارة التعليم العالي


واذا لديك الرغبه بالدراسه مع عدم معادلة الشهادة ولغرض الفائدة فقط فساحاول مساعدتك بالبحث عن جامعه


والله يحييك

[*جودي*]

saudirose
اهلين اختي... انا بعد.سألتهم علىدراسة الماجيستير قالوا تنزل بعد الصيف وانها معتمده!!!بس طبعا لازم ناخذ الخبر الاكيد بعد ماتنزل من التعليم العالي....شكرا على المرور والافادة يالغالية...

ابو لمى....
صراحه جاني احباااااااااااااااااااط لما قريت ردك....!!
كان عندي امل كبير بس شكله تلاشى.....شكرا على مساعدتك....جعل الله في موازين اعمالك بس وش ابي بها بدون مااتكون معادله واستفيد منها ...الله يجزاك الجنة

:(

[*جودي*]

:( مررره محبطه....مو كفاية احباط الاسهم ....كمان الماجستير...!!!

[Abo Lama]

جودي








اسف والله اختي العزيزة:o


لكن هذا نظام وزارة التعليم العالي!!!!!


يعني بالله عليك شخص يااخذ دكتوراه من جامعة اكسفورد او هارفرد

ولاتتم معادلة شهادته من قبل الوزارة بحكم انه درس باانتظام جزئي:confused:



لكن بحسب ماسمعت ان بعد انظمام المملكه لمنظمة التجارة العالميه ممكن تطبق بعض الانظمه التعليميه والاكاديميه مثل الانتساب والدراسه عن بعد وتعتمد;)


وان شاء الله ربي يوفقك والجميع

[*جودي*]

هو صح مانكون ظالمين ونعادل الانتساب بالدراسة بهارفرد....
لكن شنسوي عاد!!!الله كريم شكرا

[Abo Lama]

جودي









شكلك فهمتيني غلط:rolleyes:



انا اقصد ان الوزارة ماتعادل الشهادة اذا كانت بانتساب سواء كانت من هارفرد او حتى من اقل معهد


يعني هم ماينظرون للجامعه بقد ماينظرون لكونك منتظمه انتظام كلي..


اتمنى اتضحت الصورة

والله يحييك

[safa]

جودي تسلمين على هذا الموضوع وانا بعد اضم صوتي لصوتك نفسي اكمل انا قراءت عن الجامعه الامريكيه بلندن بس ماحصلت تخصص للغه الانجليزيه كلها تخصصات للعربي
ابو لمى.......................................... . (( حرام عليك))

انت متاكد يعني معلوماتك من مصادر موثووووووووقه

يعني استنتج من كلامك يااخذها من السعوديه ولا بتكون غير معتمده


ومشكورين جميع ويعطيكم العافيه

[*جودي*]

ابو لمى
آآآهاااا فهمت قصدك ........الزبدة كذا ولا كذا مافيه اعتماد من التعليم العالي!!!

اختي صفا
شوفي انا سألت عن الجامعة العربية المفتوحة وقالو لي صارت معتمده بس من شهر؟! والدراسات العليا بتبداء بعد الصيف...وفيه تخصص انجليزي.....شيء حلو صح؟
بس برضه لازم نتأكد من سالفة الاعتماد هذي؟؟ اخاف ندرس ونتعب على الفاضي...
اذا عندك اي اخبار او تطورات عن هالموضوع ارسلي لي وانا بعد بارسلك ....ماتدرين يمكن ربي يسهلها وتتيسر لنا؟ يارب

[*جودي*]

عذرا يا ابو لمى ممكن سؤال؟ انت وين قاعد تحظر الماجستير؟؟في السعودية؟؟؟وشلون يعني ترشحت لها ولا على حسابك ولا شلون؟ ممكن تفيدنا؟

[Abo Lama]

صفا







بالنسبة لمعلوماتي فمصدرها وزارة التعليم العالي (قسم معادلة الشهادات)

وانا من ذهبت بنفسي وتأكدت

وبامكانك الاطلاع على هذا الرابط


http://www.mohe.gov.sa/equal/index.asp




جودي






لو اطلعتي على الملف المرفق اعلاه لاستبيان دراستي لوجدتي جميع المعلومات الخاصه فيني ومنها اسم الجامعه والتخصص وعنوان الرساله

عموما انا ادرس بجامعة اكستر ببريطانيا



وبالنسبة لكيفية الدراسة


فقد طلبت تفرغ ورفض من قبل الوزارة ولكني طلبت بعد ذلك اجازة بدون مرتب

واي استفسارات اخرى الله يحييك اختي العزيزة

[Good night]

انا أضم صوتي لصوتكم

وأمنيتي أكمل الماستر

وبإذن الله بيعينا ربي

[المتعبة]

امض قدما . دعواتي بالتوفيق

[النور999]

السلام عليكم ورحمة الله وبركاته

<<<< خاشه عرض

اخوي ابو لمى لو سمحت بسألك سؤال

ليه رفضوا التفرغ؟؟ عشانك بتدرس خارج المملكة يعني؟؟

ولوطلبت انا اكمل داخل المملكة هل يعطوني تفرغ او لا
يعني من حقي اخذ تفرغ؟؟

وشنو شروط اكمل الدراسة ؟

<<< ماصار سؤال عشر اسأله


ويعطيك الف عافيه اخوي

والله يوفق الاخوات ويكملون دراستهم

[farescool]

اختي جودي

مثلك ما كنت افكر في شي اسمه ماجستير وانا لي اكثر من 10 سنوات في التعليم الى الآن ولكن مرة قابلت احد المعلمين وكنت اشرف عليه بالمدرسة التي يدرس فيها وبعد الانتهاء من الزيارة اعطاني ورقة فيها خانه للمشرف المتابع للمعلم اضع فيها الدرجة لآخر سنتين وتوقيعي وتوقيع مدير المدرسة وتوقيع مدير المركز التابعة له المدرسة وهي اعتقد من ادراة التدريب والابتعاث بالتنسيق مع جامعة الملك عبدالعزيز ودراسة الماجستير بالانتساب واعتقد سألته عن الرسوم وعلى ما اتذكر قال لي 18000 على مدار السنه او السنتين لا اذكر بالضبط ولم اخذ معلومات كافية بصراحة عن هذا الموضوع ولكن سوف اسال عن ذلك عندما انوي على دراسة الماجستير بالانتساب بجامعة الملك عبدالعزيز
وهي معتمدة من وزارة التعليم العالي ووزارة التربية والتعليم


للمراسلة fares451@hotmail.com

[لامـار]

انا طلبت تفرغ للدراسه بجامعه الملك عبدالعزيز بس رفضت ادارة التعليم السنه هذه بالذات لان مالي الا سنتين فانشاء الله بااخذ استثنائي السنه الجايه بس المشكله سنه مو كفايه

[Abo Lama]

النور 999








مرحبا فيك اختي



بالنسبة لسبب الرفض فاعتقد بانه بسبب عدم وجود فرص ابتعاث بالوزارة سواء كان داخلي ام خارجي

ورما قد تكون هناك اسباب لااعلمها

لكن اللي سويته انا بطلب الاجازه الاستثنائيه هو نفس اللي صار مع شباب اعرفهم كثير
وهو طلب اجازه استثنائيه بدون مرتب واحيانا اذا تساعدوا معك اعطوك اجازه دراسيه وبدون مرتب ايضا


الشروط اعتقد بان لكل جامعه شروطها الخاصه بها


وحياك

[NINA-NINA]

للرفع + ودي اسأل ابو لمى هل بعد اخذ الماستر
يتم تحسين مستواك مباشرة للمستوى السادس سواء كنت على المستوي الثاني او الثالث سابقا ........ هل هدف الدراسة هو الحصول على وظيفة معيد بالجامعة ...... والسؤال الثالث هل نظام الدراسة مشابه تماما لمن يدرس البكالوريوس من ناحية المواد والاختبارات ( شاكرة تحملك على اسئلتي الكثيرة ^_^ )

[sunflower]

^

^

نفس الاسئله

وسؤال أخير

هل الدراسه صعبه بالنسبه للي تقريبا شبه ناسي اللغه؟!


وتكفى لا تحبطني

ودي اصير حرمه سنعه وادرس مثل خلق الله

يكفي ماجاني من هالدنيا واحبطني.. ):

[همبرقع]

انا معاكم ياجماعه
انا بثالث وانشالله سنه ونص واتخرج
وناويه اكمل بس قريت انواع الاحباط اللي فوق مستواي؟

وين نكمل بالسعوديه؟؟ويكون معتمد؟؟
<==تحطمت من جد

[*جودي*]

مرحبا بالجميع..........

الاخ فارس كوول تكفى لو عندك اي تفاصيل جديده لا تبخل علينا......

انا باستفسر من موجهتي وارد لكم

[NINA-NINA]

للرفع للمرة الثانية

[omega_120]

salaaaaaaaaaam

عزيزتي نينا

انا عندي نفسي الاستفسار
والي اعرفه لحد الان هو لابد من مرور 2 او 3 على الخدمة بالتعليم + الاداء الوظيفي جيد جدا او ممتاز
+ موافقة الادارة التي تعملين بها ..

بالنسبة للاستفسارات الاخرى ممكن تشوفي موقع اسمه التوجيه الجامعي
او موقع وزارة التعليم العالي

ولهذه اللحظة مازلت ابحث عن اجابات شافية من المسؤلات عن كيفية اكمال الدرساة بالنسبة للمعلمات في مجال الانجليزي ...


اتمنى لو يكون بيننا تواصل على الخاص ...لآني جربت امتحانات القبول قبل فترة ...
واتمنى اكون افدتك ..


ودمتي بود ..

اختك اوميغا

[قمر نفي]

^

^

نفس الاسئله

وسؤال أخير

هل الدراسه صعبه بالنسبه للي تقريبا شبه ناسي اللغه؟!


وتكفى لا تحبطني

ودي اصير حرمه سنعه وادرس مثل خلق الله

يكفي ماجاني من هالدنيا واحبطني.. ):نفس المشكلة

[safa]

الله يسهل علينا جمعيا شكلنا كلنا نفس المشكله بس محد حاس فينا

[زهور]

اختي الكريمه اذا كنتي خريجه كليات التربية خليكي على اتصال مع رئيسه القسم تبعك دايم لأته تنزل برامج دراسه عليا وما يلاقوا أحد يقدم عليها لانه غالبا ماتعلن بالجرايد ؟؟ خاصه كليات التربية ,, اما جامعه سعود والامام دايم تعلن بدايه كل رتم ومع ذلك تابعي بالتفلون معاهم ؟؟ واهم شيء تلاقي قبول حكايه التفرغ سهله جدا لاتقلقي الان فتحوا مراكز التدريب والتطوير مع كل مكتب اشراف ,, وصايريين متعاونين جدا واذا قفلت معاك مستقبلا تأخذين اجازه مو مشكله مده سنه لانه غالبا الدراسه ماتتعدى ترميين وممكن ثلاثاه ايام بالاسبوع بس ؟؟ والباقي تحضير دراسه يعني تدوامين في المدرسه وانتي تشتغلين بالرساله عادي وماتروحين للجامعه او الكليه خلاص التواصل مع الدكاتره عبر الجوال ؟؟
والله يوفقك ,,,,,,,,,,,,,,,,,,, وانتي اخت هبرقل كثفي علاقتك مع الدكاتره الان علشان يرشحونك معيده ؟؟؟

[Abo Lama]

مشكوره اختي زهور على الاضافات


ويعطيك العافيه




وبالنسبة لمستوى اللغة وكون اننا لنا فتره عنها او عن ممارستها


فمن وجهة نظري البسيطة ان مافيه اشكال


لانك في مرحلة الماجستير تعتمد بشكل اكبر على قراءاتك واطلاعك


يعني عندك وقت كبير لاسترجاع اللغة

يعني توكلوا على الله :)

[هنادي_14]

السلام عليكم ورحمة الله

انا عندي مشكلة ياجماعة بخصوص نفس الموضوع <اكمال الدراسات العليا>
انا درست في كلية التربية واول سنه لي فيها ماتوفقت شوي ورسبت في بعض المواد وتخرجت بالاخير بتقدير <جيد جدا> وانا معلمه رسميه حاليا لكن لما جيت اقدم على الدرسات العليا رجعو لسجلي الاكاديمي وقالولي انتي مامعك <مرتبة الشرف> لانك عدتي سنه.
احبطوني فعلا يعلم الله انه كانت ظروفي صعبة اول سنه ودخلت لغة انجليزيه وانا اصلا متخرجه من المرحلة الثانويه عن طريق الانتساب كل الثلاث سنوات. يعني كثر خيري اذا حست في اول سنه بس.

ملخص الكلام:
هل اقدر احقق حلمي واكمل دراستي رغم اني مامعي مرتبة الشرف وعايشه في القصيم ولا اقدر اكمل في مكان غيرها ولا عندنا قسم لغة انجليزية للبنات في جامعة القصيم.
اللي يقدر يساعدني لايبخل. جزاكم الله خير وجعلكم ذخر وعون لغيركم.

[CHARLES DICKENS]

how are you all guys

الدراسه اللي قبل مرحلة التحضير سنه بس أو ترم ؟
واقدر اتخصص فيها ؟
Can I choose literary courses only ?
عندكم خلفيه عن نظام دراسة الماجستير بالضبط بالكليات التربويه ؟ الكليه اللي عندي توهم مطبقين التعليم عن بعد ..which filled my heart with hope

M.Dickens

[niceteacher]

مرحبا بالجميع

الحمد لله شفت ناس هنا

تحب تكمل الدراسة مثلي


انا ابي تفرغ مو راضيين

لازم آخذ اجازة بدون مرتب

وهذا شي صعب علي



اخوي زوجته تدري بأمريكا ولا رضو يعطون تفرغ حتى

اظطر ياخذ اجازة بدون مرتب




انا اقدر آخذ ماستر بس ماراح يكون معترف فيها

وبصراحة اب آخذ شي انا اتعب فيه

وابي احد يقدره ويحسبه لي


هذي السنة الرابعة لي في التدريس



وانا لسة افكر بالماستر بجد وبقوة



لكن متى الفرج ياترى


انا سمعتكم تتكلمون عن

الجامعة العربية وانها في الصيف او بعده راح تسمح بالدراسة للماستر

بصراحة شي حلوووووووو


لو حتى مو معترف فيها باخذها

لأنه قريب مني راح تكون

ويمكن يعترف فيها الا انا خلصتها


للتواصل

واذا استجد اي شي
thaker@hot




دمتم بخير

[niceteacher]

الدراسة ماستر عن طريق الجاااااااااااااااااااامع ة

للأسف

محسوبيات وواسطات



وعن لغتي

الحمد لله

محافظ عليها

لأني العصر اقضي وقتي في مكتب ابتعاث للخارج عن طري الحساب الخاص

واتواصل

مع الجامعات ومعاهد اللغة بالخارج
ومراسلات معاهم واتصالات

وبعض الاحيان اجتماعات داخل المملكة هنا


والحمد لله لغتي لازالم تفقد بريقها للآن

لكن الى متى+++++++اريد اكمال الماستر ينااااااااااااااااااااااا اس

[kokah]

وانا بعد

لي اربع سنوات بالتدريس

وكان حلمي اكمل دراستي

بس ماادري الحلم بدا يتلاشى

على بالي المشكله مشكلتي بس

اول مره ادخل منتدى اللغه الانجليزيه

ولاحظت انه مو مشكلتي انا بس

مشكلة الشعب السعودي

بالنسبه لي انا مااعرف شي عن كيف اكمل اوحتى كيف اسجل
او من وين احصل معلومات عن كيفية الدراسه

ياليت نبقى على اتصال وقولوا لي اذا حصلتوا على اي معلومات


تحياتي

خـــــــــــــــــــــــو خه

[F-A-H-D]

مرحبا


اول شي اشكر اختي جودي عالموضوع



ثاني شي


احب اقول للي يبي يكمل ماستر


يدرس الماستر اما ببريطانيا او باستراليا


لان الماستر عندهم ( من سنه الى سنتين بالكثير)

كمان في استراليا طريقه اسمها ( كورس وورك) هي اسهل بكثير عن طريقه البحث


لي زملاء تخرجوا من استراليا ويمدحونها كثير


واعتقد القبول سهل بالمره وياخذ من اسبوعين الى 6 اسابيع

انا شخصياً لسه ماتعينت

وافكر اخذ الماستر من هناك ( بس ادعولي الاقي قبول لاني لسه مخلص ترجمه اوراقي وتصديقها)


بالتوفيق للجميع

[meekoo]

Studing masters in SaudiArabia is a bit difficult. I tried at King abdulaziz /Jeddah 15 years ago. They don't accept you easily, if you have influence you will go . If not you will stay where you are. Keep trying ask Allah's help only.

[مستريوس]

وووووووووووووووووووواو اخيرا لقيت احد يعاني مثلي انا لي سنتين في مجال التدريس وابغى اكمل عندي طمووووووووح لكن انا ادرس سادس واحس الماي لانجوج تلاشت اما بالنسبه لمرتبة الشرف توي ادري انه لازم تكون معك لانه انا بقيت للاعاده الفريست يير في الكولج لكن بعد كذا صرت من اوائل دفعت يعني معقوله يكنسلون مجهود ثلاث سنوات علشان السنه الاولى اخفقنا مش ممكن وين العدل ان كان يسوون اختبار والا ينجح يدخل يكمل الماستر

[عاشق الجوف]

الله يوفقك بدراستك للماجستير اختي جودي واحيي فيك هذا الطموح في مواصلة دراسة الماجستير ومن ثم الدكتوراة