بليز مساعده الله يكتب لكم الاجر

[&Emperor&]

السلام عليكم
بدون مقدماات
انا طالب في المتوسطه وحاليا انتهيت دراسة والسنه الجايه في الثنوي ان شاء الله
وحبيت تساعدووني لاني انا في قريه وكنت اتمنى اتعلم اللغه الانجليزيه
وكنت اذا كان علينا انجليز ادااوم لو اني مريض من كثر حبي للماده لاكن المدرس ما كاان المطلووب كان يدخل الحصه ويفتح الدرس وقال اكتبوا الدرس في الدفتر وبعض الحصص ياتي وبعضه لا ما يجي
والمدرس ذا ما احد يقوول له شيء مع انه كثير غيااب وجلس ثلاث سنواات ومن اول متوسط وهو موجود وكل سنه اقوول يمكن يجي احسن منه لين وسلت الثنووي والحين اخذت عهد على نفسي اني ارووح ادرس في الريااض او جده
وانا امنيتي اتكلم انجليزي وابي اعرف اقراء واترجم
وبعد ذالك كله اود الدراسه في بريطانيا
واريد مساعدتكم
للتعلم
علمن اني اعرف في اللغه الانجليزيه القليل جدا
وياريت الي عنده درووس تطوور من الذي لدي لا يبخل
فمثلا انا ابي اترجم وابي اقراء وابي اتكلم
فياريت تساعدووني بالدرووس وانا ان شاء الله راح اتواجد يوميا معكم
والله يكتب لكم الاجر لانكم سعاتوا واحد مثلي
راح ادعيلكم في كل فرض

[E-courses]

حبك للمادة دافع كبير لنجاحك فيها

حاول تبدأ بأساسيات اللغة من تركيب الجملة وبعدها ستجد نفسك تكبر وتكبر فلا تستعجل وتقول في يوم وليلة لازم اتكلم واترجم

[بحة الناي]

وعليكم السلام .. ماشاء الله تبآرك الله .. الله يوفقك و ي عسى دربك تسسآهيل وتوآفيق ,,

شوف .. اللغه الانجليزيه هي المآده الوحيده الي تعتمد أكثر شي ع شغلك على نفسك .. لأنك بشغلك على نفسك رآح تحقق أضعآف أضعآف الي تحققه من خلال اعتمادك على المناهج الدراسيه الانجليزيه ..
هذي اول نصيحه ..
ثآني شي لااااتيأس أصبر واصبر واصـ(ط)ـبر .. واعرف ان طريق الانجليزي طوييييييل .. وممتع ..
لأنك مو بس رآح تكتسب لغه بالنهآيه .. لآ ,, رآح تكتسب أيضآ المعرفه بعادات وتقاليد الثقآفآت الأخرى الي أتمنى مآتأثر على المبتدئين في تعلم اللغه ..
الشي الثالث .. ترآ الانقلش كلمااااااات .. احفظ بس كلمآت وشوف وشلون راح تقدر تسلك لعمرك .. وأهم شي أهم شي هي الممارسه .. مااارس اللغه .. اي كلمه جديده تحفظها استخدمها عشان ماتنساها ..
سجل صوتك بجوالك او بالآيبود عشان وين مارحت تحط السماعات وتراجع حفظك .. سجل صوتك وانت تنطق الكلمه انقلش .. وترجمتها بالعربي ..
الحركه هذي مرررررره تنفع ..
وفيه كتاب جددددا رائع راح يفيدك .. لأن كل كلمه مترجمه عربي أيضآ معاها صوره توضيحيه لها حتى راح تلقى فيهآ أفعال مثل يختبئ وكيذا يعني .. موضحه بصور طبعاً ..
اسم الكتاب the oxford picture dictionary
موجود في جرير ورخيص مره أذكر خذيته بخمسين يمكن أو خمسين وشي ..
طبعا مهم جدا بما انك مبتدء .. تكون حافظ ايام الاسبوع ,, الشهور .. الفصول الأربع .. الجو(حالات الطقس)~> ممطره مشمسه مغبره <~ وهذي الكلمه صراحه راح تحتاجها كثييير اذا الله يسر وجيت عندنا بالرياض b=
الأحرف أكيد وطريقة نطقها ..
عندنا بعد الترحيبات .. لازم تكون عارف شنو صباح / مساء الخير .. مرحبا / كيف الحال / .. وداعا / أرآك لاحقا ...... هذي لازم تكون حافظها ..
عندنا بعد الأرقآم الي هي واحد واثنين .. والترتيبات أيضا الي هي الأول والثاني الثالث .....
أيضآ الجهآت .. شمال وشرق وجنوب وغرب ..

اهم شي أهم ششششششششششششششي لا تخجل .. ولايهمك تعليقات الي حولك في طريقة نطقك للكلمه .. او في أي شي .. ثق بنفسك واعلم ان الكل يخطئ .. وان شاء الله انك بتصير معلمهم الي يضحكون عليك الحين ..

هذي نصائحي أتمنى انها تفيدك وسوري عشان كثر الحكي .. بس تحمسسست وبقووه ..
نجي ألحييين عند الروابط ..
*هذا للمبتدئين
http://www.english4arab.net/

*وهذا موقع للقراءه .. قصص ماقصص ..
http://www.readbookonline.net/

*هذا الموقع عااد بتاع كُلو .. أتمنى انك ماتنتقل لموقع آخر الا وانت منهي هالموقع ..
اذا فتحته راح تشوف على جمب (باليمين او باليسار لأني مادري عن لغة جهازك) .. المهم راح تقى لغات أخرى .. انت اختار عربي وشد حيلك ..
http://www.englishspeak.com/ar/http://www.englishspeak.com/ar/

*أتوقع هالموقع راح يغنيك عن الكتب
http://www.languageguide.org/%D8%A7%D9%86%D8%AC%D9%84%D9%8A%D8%B2%D9%8A/

*وهذا راح يساعدك بالقرامر ..
انزل تحت آخر شي واختار
( دروس مجانية بالصوت في اللغة الإنجليزية Speak English for Arabic Users with voice lessons
http://st-takla.org/Online_Services/Arabic-English-Dictonary-All-Languages-Free-Translate.html

*واذا طفشت عاد من هالروابط .. خذ لك بريك وريح شوي مع عزوز .. والعب معاه في هالموقع ^^
ههههههههههه وراك وراك الانجليزي
http://www.azooz.net/cat32.htm

الله يوفقك ويوصلك مبتغاك ,, وخل ثقتك بالله كبيره ويارب نشوفك في البيت الأبيض .. مع اوباما ان شاء الله ..
تصير المترجم حقه بإذن الله قوووول يارب =")

[CoolGril]

ماشاء الله طموحك عااالي ان شاء الله كذا لابدا
بداية التعلم الغه لالزم يكون عندك طموح .. تقدر تعلم نفسسك بنفسسك
لدخل موقع وفيه دروس كثيره باليوتب وخذ قصص قصيره وحاول ان تقره
كثير الى ان تطوور مهاراتك ..

[JAWAHIR]

ماشاء الله عليك هذا اطموح بيخليك توااااصل بالدراسة وتعلم اكثر
وان شاء يرزقك ربي بمعلم بالثنوية ويدرسك صح
الله يوفقك

[&Emperor&]

مشكورين اخوااني على الدافع وكمان
مشكور بحة الناي
على المعلوماات
اكرر شكري
لا اجد كلمات اوصف بها فرحتي بهذي الردود
لا ان اقوول شكرا من الاعمااق

[بحة الناي]

ولووو .. م عملنااش حاجه .. أهم شي انك تستفييد من الروابط الي حطيتها .. احفظها عندك بالمفضله وادرس منها كل مافضيت ..
صدقني راح تلاحظ انك خلال شهر شهرين بالكثير تغيرت وتطورت اللغه عندك بشكل ممتاااز ..
ولا بغيتنا لاااايردك الا الكيبوورد ^^
وبشرنا عنك لادخلت الثانويه ان شاءالله ..