نداء لكل مرشد أو مرشدة طلابية

[املي وامنيتي]

بالبداية وككل عام لابد ان معلمي اللغة الانجليزية يأخذون الكوكتيل
أقصد مناهج متعددة صفوف دنيا وخلوها ليل
المهم
السنة هادي قلت ياشيخة دوري لنفسك مهرب
ومالقيت غير الارشاد مع منهجين والظاهر اني ايتلشت به ماعندي اي خلفية عنه
قلت عاد ماعندي غير الله ثم الاخوة والاخوات وبعون الله ماتقصروا

ماهي السجلات؟ وش طبيعة العمل كل كل شي

انتظر تجاربكم ولكم مني أصدق الدعوات

[bigevil]

انا مثلك بس ما اخذت الارشاد اعطانى المدير النشاط فى المدرسة ...

طيب انت ليش ما تسألين المرشدة الطلابية اللى قبلك وهى تفهمك كل شي

[املي وامنيتي]

اشكر لك مرورك
حنا الارشاد من يوم جيت المدرسة هذه والارشاد لا وجود له وكل سنة مديرة
وبنهاية العام الماضي ضبطوا الوضع شوي وشددت المشرفة على المديرة بتفعيل الارشاد والنشاط
شفت كيف يعني الوضع لك عليه

[نورالنار]

ماعندي اي خبره
لكن
الي اعرفوو انو المرشد لازم ياخذ دورات مطوله
ويجتاز امتحانات وغيروو
لكن كونك مرشدة موقته
حاولي لو تاخذي دوره تدريبيه بسيطه
ولاتنحرجي من سوال الوكيله والمديره

وان شاء الله الاخوان هنا يفيدوكيي اكثرر
بالتوفيق

[Beauty]

أتصلي على مشرفة الإرشآد وهي تختصر لك كآمل الموضوع
وتزودك بالسجلات والأورآق المطلوبه

وعلى فكره ترا الإرشآد مررره رووووعه .. إذا حبيتي المجآل أبدعتي فيه

بالتوفيق

[املي وامنيتي]

الله يجزاك خير مشرفتنا وكمان أخيتي مس بور


والله حست المنتدى ولايهون قووقل المحترم بس للأمانة وحدة من الأخوات هنا بالمنتدى العام ماقصرت حتى السجلات وضعتها مو فاكرة اسمها
ولو اعرف وشلون احط رابط الموضوع لوضعته من شان يستفيد الي مثل حالي
لكن هو موجود بالمنتدى قريب يعني
خالص شكري وتقديري لكل من عبرني وشاطرني همي
الله يسعدكم وين ماكنتم +

[مركز مهارات]

جزاك الله خيرا