المساعد الشخصي الرقمي

مشاهدة النسخة كاملة : جميع ما تحتاجه معلمة سادس ابتدائي .. هنا ..


ناناكاكا
17-09-2011, 10:34 PM
السلام عليكم ورحمة الله وبركاته ..


من غير ما اطول عليكم في الموضوع ..

انا اول مرهـ امسك سادس ابتدائي .. كنت ماسكه ثانوي ..

وطبعا النظام يختلف من جميع النواحي .. اختلاف تام ..

ماراح اقول خايفه من طريقة التدريس .. لا ولله الحمد

لكن مشكلتي في الاوراق المسخدمه للتقييم .. وش المفروض يكون معي ؟؟

وانا نفسي يكون معهم دفتر الانجليزي المسطر .. شرايكم ؟؟ والا بلاش منه .. ؟

والا اعطيهم من عندي اوراق عمل لكل درس ويلصقونه في الدفتر ؟؟

وهنا مشكلتي الكبيره البنات وش يكون معهم ؟؟ وش تفضلون ؟؟

والله متوهقه وماني عارفه وش اسوي ..

طبعا لقيت بالمنتدى اشياء كثيره مفيده وروعه

بس المشكله ماني عارفه استقر على شي معين ..

ياليت تفيدوني يا اهل الخبرهـ ..


الله يفرج همكم اميييين يارب
ولكم مني دعوهـ في ظهر الغيب
Her Majesty
18-09-2011, 12:06 AM
Oh I'm also feel like I'm lost

I NEED HELP
never mind
18-09-2011, 11:21 PM
وعليكم السلام ورحمة الله وبركاته
مرحبا

بالنسبه لسادس راح يكون مختلف اكيد بكل شي
اوراق التقييم راح توصلك من الاشراف - او تلاقيها بالادارة في ملف تعاميم المادة

بالنسبه لاوراق الطالبات : انا بالنسبه لي احط لكل وحده نموذج لمهارات التقييم باسمها
واحدد الي اتقنت في كل مره-اثبتها بالكتاب حق التمارين
والدفتر شي ضروري علشان يكون عندهم تدريب كتابه مكثف
الكتاب لحاله ما يكفي- يعني مثل اول ابتدائي تعيد كتابه الحرف لاخر الصفحه
ولا تتعبين بالخط معهم بعدين
ولازم اوراق عمل اضافيه - وكل طالبه يكون عندها ملف للماده تحط فيه اوراق العمل

اذا تحبين يكون لك ورقة متابعه خاصه لكل طالبه - او تكتفين بكراس الواجبات المدرسيه لتسجيل
ملاحظاتك لولي الامر

و اي شي تحسين راح يكون له فائده للطالبه استخدميه - لاتخلين شي
روعة 2008
19-09-2011, 12:26 AM
اول شي اطلبي من كل طالبة ملف اجمعي فيه كل اوراق العمل اللي تسلمينها لهم انا عن نفسي شريتها انا وخليتها لون واحد:smile (41):
ثاني شي كثفي عليهم اوراق العمل كل درس له ورقة عمل مالها دخل بالمهارات وانتي عاد اوراق تقييم المهارات حددي مواعيد مسبقة واحرصي ان الاهل يعرفون وقتها واكتبيها في مذكرة الواجبات
ثالث شي كثفي عليهم الكتابة وكثفيdiction
سادس مرحلة مهمة لو مااخذت البنت الأساسيات منها مستحيل بعدين تتعلمها بسهولة
ناناكاكا
19-09-2011, 11:06 PM
الله يسعدكن

وجزاكن الله الف خير ..

تيب اوراق العمل بملفات خاصه للطالبات .. هذي عرفناها

تقييم الطالبه يكون باوراق مثل اوراق العمل يعني ؟؟

واحفظها عندي ؟؟ والا شلون ..
معلمة انقلش
20-09-2011, 08:11 PM
السلام عليكم

شوفي عن تجربتي مع سادس لثلاث سنوات
اقول اوراق العمل بعد تصحيحها وتوقيع الاهل عليها لمعرفة مستواهم وتقدمهم باللغه
تحفظينها عندك انتي
اصلا الملفات لازم تكون عندك لان البنات يضيعوها ومافيه عندك شي يثبت لما يخفقو بمهارة الا ذي عشان ترجعين لها كل فتره

ثانيا الdictation ضروووووري جدا تكثفين عليهم

وارجعي طريقة ايام اول لما يغلطو بكلمة يكرروها 4 مرات ولما مايكرروها ضاعفيها لهم عشان يتوبو

واوراق العمل لازم تخبرين الاهل بمذكرة الواجبات متى راح تختبرينهم واي مهارة بالضبط
يفضل كل مهارة على حدة

امممم شو كمان

الكتابة برضو كل يوم ومراجعة الحروف والارقام يوميا حتى لو انتي بالترم الثاني

فلاش كاردز او بوربوينت لازم عشان ترتبط الكلمة بالصورة بذهنهم

مسابقات اخر الترم

حفزيهم دايم بجوايز لانهم لسى صغار وبتشوفين كيف راح يشعللو نار بالكلاس ههههه

عوديهم هم اللي يتهجو لك الكلمة لما تكتبيها ع السبورة

واللي كتابتها جيده خليها تطلع هي وتكتبها بينبسطو

وان شاء الله بالتعب ذا راح تشوفين ثماره السنة اللي بعدهاااا

دعواتك
زهور فهد
20-09-2011, 10:23 PM
استخدامي ورقة عمل والفلاش كارد
new english
23-09-2011, 11:47 PM
http://www5.0zz0.com/2007/12/07/20/61043092.gif
new english
23-09-2011, 11:48 PM
اهم شي المراجعة المستمرة للدروس السابقة