i need ur help

[Sunshine <3]

السلام عليكم ورحة الله و بركاته :girl face (107):
كيفكم جميعا .. اتمنى ان تكونو في تمام الصحة و العافية

انا معلمة انجليزي ( تمهيدي - روضة ) .. اليوم كان ليا اول يوم
واجهت مشكلات كتير في خلال هادا اليوم .. حسيت اني خلاص ما عادا بدي اشتغل :smile (97):
ولو مو محتاجة لهادا الشغل والله كان من تركتو .. بس انا جدا بحاجة لهادا الشغل
حعرض عليكم المشكلات اللي واجهتها واتمنى انكم تساعدوني

المدرسة اللي انا بأدرس فيها .. لكل فصل معلمة معينة ماسكتو و طلابها 20 طالب معاها طول اليوم
ببيدرسو و بيفطرو و بيلعبو و بيشتغلو اشغال فنية و غيرها من الانشطة

لكن انا اعطوني كلاس .. و قالولي انو اخد 10 طلاب من كل معلمة في اليوم في نص ساعه ادرسهم وارجعهم واروح اخد كمان 10 طلاب بس من معلمة تانيا .. و الـ 10 الباقيين اللي ما اخدتهم .. اخدهم باليوم التاني

وبصراحة لقيت انو نص ساعه بتطير زي الهوا يعني يا دوب حفظتهم حرف واحد و كابتل بس مو كابتل و سمول .. و خليتهم يكتبوه على الصبورة .. و حسيتهم ما لحقو يحفظو تمام يعني الدرس تقريبا كان من دون لعب ولا انشطة ولا حاجة
حسيت الاطفال طفشو مني و كانو يبغو يرجعو فصولهم مع معلماتهم بسرعه
وهادا الشي جابلي احباط بزيادة

والمديرة شديدة يعني صعب يعجبها اي شي و تبغى مني تفاعل و انشطة وانا اول مرة ادرس
يعني مو عارفة كيف ادرسهم و كيف اعطيهم الحروف اول ولا ادخل بالمنهج حقهم على طول
وكيف ممكن اخليهم يستوعبو معايا ؟
وطلبت مني دفتر تحضير . اول مرة اسمع عنوو ما ادرس ايش هرجتو الصراحة ولا ايش ينكتب فيه ؟ :smile (22)::smile (36):

اتمنى تساعدوني كيف ارتب نفسي و افكاري كمعلمة و الله يعطيكم العافية
معليش سامحوني عالاطالة بس والله اني ضايعه =(

[bigevil]

ههههههههههه ذكرتيني لما كنت اطبق وانا بالكليه سويت حفله بالمدرسه وخربت الدنيا وضربت ولد المدير وانا مدري ورحت ضربت واحد ثاني قهرنى طلع ابوه دكتور عندى بالجامعه وبعد يومين ضربت واحد طلع ابوه مدير شؤون الموظفين ههههههههههههههههه


الموووهم

بتعشى وارجعلك نتفاهم بروقان واقولك ايش تسوين

[بيلسآآن]

الله يعينك .. اتخيل نفسي ادرس بزران ... << انطرد من اول دقيقه ..

انا ما عندي خبره ولا هم يحزنون بهالموضوع بس احس 20 بزر ونص سااعه لا وانجليزي ما تكفي صرااحه .. واذا كانت المديره شديده فهميها شلون تصير ذي ؟؟

ما ابي احبطك زيااده .. الله يوفقك ان شاء الله ..
جايك الأستاذ / bigevil .. بعد شوي .. عنده خبره وان شاء الله رح يفيدك ...

[joood-ksa]

يااااعمري الله يعينك

انتظري الاستاذ bigevil بيفيدك ان شاء الله

>> ماشاء الله عليه رااعي فزعااات دااااااائما

الله لايحرمه الاجـــر


وطمنينا وش بيصير معك

[لغة العيون]

والله في بعض بزران اذكياء يحفظوا الحروف بسرعة عقولهم نظيفة
ابداي معاهم بحرفين في كل حصه كبتل وسمول
وقولي لهم يكتبوها في ورقة حتى ترسخ في عقولهم
وبعدين الحصة الجاية هكذا حرفين حرفين
الى ان تخلصي 10 حروف وسوي يوم مراجعة الحروف
وهكذا
الله يوفقك




وانت يا bigevil
ماعندك الا ضرب وبس
ضرب وعنف
انت شكلك >>>>> ماابغى اكمل
هههههههههههههههههههههه

[Sunshine <3]

بيج ايفل : ياااا ساااااتر خخخخخخ كلو ضرب معاك
يلا بالعافية يا كابتن .. نستناك =)

بيلسان : لا هو انا بس باخد 10 من الـ 20 طالب و اخلي الـ 10 الباقيين لبكرا يعني هم مجموعتين
بس من جد نص ساعه ما تكفي =s
امين يارب تسلمي .. و نستنى الكابتن بيج ايفل

جووود : من جد والله الله يعين
نشوف فزعة الكابتن .. ونجرب و ان شاء الله بخبركم ايش بيصير
يسلمووووو =)

لغة العيون : ايوة ماشاء الله فيه واحد او اتنين من 10 شطار و ازكياء
بس صراحة ما قدرت اعطيهم حرفين .. هو يا دوب حرف و بشكل واحد كابتل بس عرفوه
وحسيت انهم ما حفظو تمام .. ملخبطين شوية
نشوف ايش بيصير .. ان شاء الله خير
يسلموووو =)

[bigevil]

انا اسف امس ما فتح معى سعودي انجلش حاولت يمين ويسار ما يفتح المنتدى حتى مع تغيير المتصفح ما يفتح ... هذا من سوء حظي ما قدرت اساعدك

انا عن جد آسف :smile (97):

بس لى رجعه

[نوافي]

حياك الله


بالنسبة للأطفال تجذبهم الهدايا والمفاجأت او المسابقات
استغليها لتنظيم الفصل وتهدئة الطلاب
وزرع التنافس في سرعة الحفظ


طفش الطلاب يدل على تمللهم من حصتك
والمرحلة هذه تتميز بفرط الحركة وعدم الانتباه واللامبالاة للانظمة
الا فيما يشد انتباههم
فكري دائما كيف تكسبي انتباه طلابك
بالتغيير من جو الحصة والتنويع في وسائل العرض والشرح


بالنسبة كيف ترتبي افكارك وتنظميها هذا هو معنى دفتر التحضير
تحضري درسك وتخططي فيه سير الحصة وتوقيتها


موفقة باذن الله

[Sunshine <3]

bigevil : هادا من سوء حظي انا
اتس اوك .. يعطيك العافية

نوافي : شكررا جزيلا وان شاء الله سيتم الترتيب خلال هادا الاسبوع

[Sunshine <3]

اخر الاخبار : تم ترك الشغل d:

[لغة العيون]

يؤ يؤ يؤ يؤ
ليش ماعندك صبر
كان صبرتي عشان شهادة الخبره
مو عشان سواد عيونهم
لكن الله يوفقك
اكيد الخيره فيما اختارها الله

[Don’t Be Sad]

الخيره فيما اختاره الله


والله يوفقك في وظيفه افضل منها


موفقه عزيزتي..

[joood-ksa]

اخر الاخبار : تم ترك الشغل d:


لألألألألأ


الله يعوضك باحسن منها ان شاء الله
واستمري بالبحث عن غيرها وربك كــريم

دعواتي لك بالتوفيق

[بيلسآآن]

الله يعوضك بأحسسن من هالوظيفه ... أهم شي راحة بالك .. والله كريم ..

[نادية7]

صحيح الخيرة فيما اختاره الله


اهم شي سلامة راسك


اذا كان ب خير و عافية ف قولي الحمد لله

و بعدين اشتري صحتك الى متى و انتي تروكضي ورى الاطفال


الله يعين اللي يدرسهم

[لغة العيون]

والاطفال يبغوا وحده وسيعة بال وصدر رحب وصبوره
نحنا مانستحمل اطفالنا بالبيت كيف اطفال الناس

[Sunshine <3]

:الله يعطيكم العاااافية جمييييعا ما قصرتوو :smile (75)
واكيد الخييرة فيما اختاره الله
ومن جد اهم شي راحة البال .. والله ارتحت راحة نفسية الحمد لله
شكرا كتيييير لدعواتكم و اهتمامكم
و الله يسعدكم ويوفقكم :smile (71):