طريقتي في شرح الوورد ستدي .. هنا .< > قصة حياتي في منتداي سعودي انقلش

السلام عليكم ورحمة الله وبركاته
معكم اختكم دانة العالم .. معلمة لغه انجليزيه .. الخبره 7 سنوات

قصة حياتي :- كانت حصص الانجليزي طوال المده التي خدمت فيها حصص روتينيه .. ممله جدا لي قبل ان تكوون ممله للطالبه .. لاحظت هذا الشي في عدم رضاي عن نفسي ولاحظته في الطالبات وفي طريقة اختباراتي .. عوودت الطالبات اللي كنت ادرسهم ع النظام (( الغبي ))- سوري ع هذه الكلمه- نظام التحديد .. احدد لهم مجموعة فقرات يذاكرونها بعضها بيجي في الامتحان وانتهى الامر . كنت اقول ان الخطا من الطالبات والاداره والمواد .. لكن طلع الخطا مني انا. ماكنت راضيه ابدا ع طريقتي هذه ودااايم اطمح للافضل وصرت اطور من نفسي وادخل منتديات ومقاطع يوتيوب واشوف الانجازات بديت اتحرك للامام شوي شوي والحمدلله ربي فرجها

وكانت هذه باكوورة التغييير فيني وفي الطالبات

قسمت كل فصل ادرسه الى 6 مجموعات ع حسب المستويات كل مجموعه فيها خمس طالبات
المجموعه فيها رئيسه ومساعده للرئيسه و3 اعضاء

مهام الرئيسه والمساعده :-
ظبط المجموعه ... مساعدة المعلمه في تصحيح النوت بوك وتسجيل المخالفات والمتاخرات وتفتيش الواجب والمراقبه اثناء الاختبار اذا انتهت بدري
تنفيذ اوراق العمل .. ووونخرج اخر الترم بمشروع المجموعه ... بعدين باقول لكم عليه ...

من حق كل رئيسه تكريم المتميزات في مجموعتها في الطابور الصباحي بحسب ماتراه الرئيسه من اوجه التميز سواء في المستوى في التفاعل مع المجموعه في انظباطها في درجتها في الامتحان وهكذا
.. يعني صار معي 12 معلمه في الفصل
وانا اشرف ع الرئيسات والمساعدات فقط .. واحس نتايجها فعاااله جدا بيكون فيه تميز تنافس ابداع

الكلام كثير .. لكن اي استفسار او انتقاد علموني به

نجي للمهم

انا عضو قديمه في المنتدى وافاااااادني في اشياء كثيره بعد الله
واقترح عليكم هذه الطريقه .. بانفذها ان شاء الله في درس بكره

الطريقه هي :-

الطالبات عندي مقسمتهم 6 قروبات
بداية الحصه اسال في الدرس الماضي اي سوال مثلاً
choose the right meaning for the given words
: :-
1- credits (( money - subjects - marks
2- ((graduate (( finsh school - teach -cook

او سؤال عام او اختياري او تصحيح خطا على كيفك ...


نجي لبداية الدرس

اقوم طالبه واسوي معها هذا الحوار بالانقلش طبعاً:-
ما اسمك
كم عمرك
ماهي مدينتك
ماهي هواياتك المفضله
ماهي موواااادك المفضله ؟؟ اذا جاوبت هذا السؤال .. مثلا >قالت انقلش او مااث اساليها ليش؟؟ لحد مانوصل للمواد اللي في الوورد ستدي

طريقه ثانيه كمدخل للدرس اساليهم عن جدول اختبارهم وش عندهم يوم السبت والاحد طبعا لازم تكون الاجابات انقلش اما الكلمات اللي في الوررد ستدي لاتطالبينهم فيها لانها جديده الا اذا فيه طالبه محضره وجاووبت شجعيها واشكريها بصوووت عالي وقولي لها تعيد الكلمه

او اساليهم كم عدد موااادهم

وش هي الماده اللي يحبونها??? وقولي يذكرون السبب واطلبي من كل المجموعات تجاوب ع الاقل بكلمه انقلش وحده بس

بعدها ابدي في عرض الكلمات والبنات يقرونها مع واساليهم عن ملاحظاتهم في كلمة كيمياء وفيزياء
بالنسبه للحروف ونطقها

فيه مقاطع في اليوتيوب راح تساعدكم كثير بعد الله :-

مثل
http://www.youtube.com/watch?v=sFxuc...eature=related



بالنسبه لكلمة credits اساليهم عن امتحانهم ودرجاتهم .. ووضحي لهم مره ثانيه ان credit = mark

اما كلمة course اساليهم

بالنسبه لكملة course اساليهم كم ترم في السنه ؟؟ اذا جاوبوا قولي لهم في السنه كلها اخذ كورس انقلش ووعاد هم بيقرون التعريف والكلمه

استخدمي صور وفلاش كاردز

بعد كذا كل قروب يحل التمرين اللي بعد الدرس والمجموعه اللي تخلص التمرين اول هي المجموعه الفائزه

اذا باقي وقت من الحصه كل مجموعه تكووون جمله باستخدام الكلمات اللي اخذوها في الدرس وقولي لهم تقدرون تستخدمون اكثر من كلمه في جمله واحده واطلع طالبه من كل مجموعه تكتب جملتها ونناقشها مع بعض ع السبوره اذا صح اوووك واذا خطا اطلب من الفصل كله يوضح وين الخطا ..


وانتظرووني قريبا ان شاء الله في مشاريعي مع طالباتي بالصووووووور :girl face (189): ..

اكتب وانا مواصله وعندي برنامج اذاعي باقي مارتبت له .. بس قلت اكتب لكم الافكار قبل تطير
وماعندي وقت انسسق كلامي بالفيسات والاكسبرشنز :

:smile (71):

الكاتبه :- دانة العالم حاليا ... (( روح الدعوه)) سابقا والراجيه عفو ربها في كل لحظه

دعواااتكم

ابي تصوويت لطريقتي ..

نسيت اقول لكم ان عرض كلمات الوورد ستدي والتعريف بيكون ع البروجكتر .. وهو عباره عن عرض اخذته من المنتدى .......

:smile (71)::smile (71):

نفس طريقتي بالظبط لكن اضيف عليها تقسيم جدول على السبوره الى(V-N-Adj-Adv)
وخلي الطالبات الغير نشيطات يطلعوا يكتبواها عشان يتحركوا واللي تطلع تكتب الكلمه وتخطيء ممكن الفصل يمليها ...
ممكن تعملي لهم الكلمات الجديده puzzle وفيه مواقع تعمل لك بدون تعب ولا جهد
المجموعات يجتهدون في كتابة جمله على كل كلمه والمجموعه اللي جملها مميزه وزعي عليهم (ايس كريم اخر النهار )
بعد كذا اعطي كل مجموعه مجموعه كلمات جديده في الدروس القادمه وخليهم يقوموا بدور المعلمه الصغيره وبتشوفين الابداع !لدرجه ان البعض عملوا اوراق عمل لكلماتهم ...والبعض طبع صوره
شجعي الفصل كله بشيء بسيط والمجموعه الفايزه اعطيهم شيء افضل من الباقي ....

فيه افكار كثير للورد ستدي منها انك تعملي قصه صغيره وتعرضيها على البروجيكتر بحيث يكون فيها مترادفات للكلمات اللي عندك في الكتاب وتقولين لهم :اقترحوا كلمات نبدلها مع هالكلمه؟(اتمنى تكوني فهمتي الكلمه )
حلو الموضوع ييته يكون مرجع لنا والكل يضيف افكار جديده
اتمنى اكون افدتك ...

شكراً لكِ الاستاذة الفاضلة
طريقة ممتازة وفيها تعاون وتفاعل
شكراً على الشرح المفصل

وشكراً للأستاذة جودي على الإضافة
يعطيكم العافية جميع

جووووووووووووووووووودي .. انتي رائعه .. ردك اروع ... تصدقين اني مهمله نوعا ما في حكاية الجدول .. زين نبهتيني لها علشان اذا جات تكون جمله على الكلمه تكون عارفه وش نوعها .. واعجبني كثير فكرة الكلمات المتقاطعه .. الله يسعدك ويفرج همك ياورده يا اميره

البارع منكم استفدنا
العفو

اخجلتي تواضعي يادانه :)
الشكر لله ثم لكي يالغلا

جزاك الله كل خير وبارك الله فيك

ماشاء الله ماشاء الله
طريقة ولااروع حفظك الله


جزاك ربي الجنة

بارك الله فيك
وزادك حرصا وفهما

حياكم الله .. وشكرا ع ردودكم الرائعه .. وعلى تصويتكم للطريقه

جزاكم الله الف خير


افكاركم رااااااااااائعة

جزاك الله كل خير وبارك الله فيك

الأخت جودي ,, ممكن لو سمحتي تدليني على المواقع الليتسوي puzzleوشكرا..

يعطيك ألف عافية
مرة معلمة متميزة
خبراتك رائعه بإذن الله راح أجربها

جزاك الله كل خير وبارك الله فيك

انا بالنسبه لي في كل حصه وورد ستدي اهم شي ان الطالبه تستخدم الكلمات في جمل
يعني لازم يكونو جمله على كل كلمه و طبعا لازم قبلها نحدد نوع الكلمه اذا كانت اسم او فعل او صفه او حال و هكذا

الله يسعدكم اللي نورتوا موضوعي .. ردودكم تشجيع وتحفيز لي لتقديم ماهو مفيد لي وللطالبات

مشكوووووووووره

good ideas thanks very much

يعطيك العافية على التميز الدائم ؟

احب الابداع لكن عيبي الوحيد اذا الطالبات ما تجاوبي معي او كانوا بليدات بسرعه امل واطفش
الله يزيدكم ابداع والى الامام

أِشكركم ... وأبشركم .. أدائي من حسن للأحسن والحمدلله

بيوتي .. أنتي مبدعه وابدئي شوي شوي مع الطالبات .. انا انجازاتي اللي الان ترا بعد 7 سنوات .. يعني 7 سنوات ما احس ان قدمت هذاك المستوى وكنت في داخلي ابغى ابدع واستسلمت مرااات كثيره للوضع الممل اللي كنت فيه .. لكن الان الحمدلله كلللللللش تمام وأطمح للأفضل والأحسن

السلام عليكم ورحمة الله وبركاته

ما شاء الله تبارك الرحمن
جودي و دانهأفكار رااائعة بصراحة
لا حرمنا هذا الفكر النير

اللهم يا باسط الارض وناصب الجبال
ومجري الانهار ويا مطعم الجنين في ظلمة الارحام
اجعل لهما دعوة لا ترد ورزقا لا يعد
وافتح لهما بابا الى الجنه لا يسد
اللهم آمين آمين آمين
كل الشكــــر

http://forum.fathinet.com/richedit/c...B/thanks06.gif

افكار رائعة

الله يعطيك العافية :)

مشكوووووررررررررررررررررر ين ع الردود اللي تفتح النفس