من قرأ خبر عدم تكليف معلمة الانجليزي بحصص احتياط ؟

انا سمعت عنه انه منشور عن مكتب الاشراف التربوي بالرياض .. و مفادة ان معلمة اللغة المنتدبة الى مدرسة اخرى .. ماحد له حق يدخلها انتظار و حصص احتياط :D
انا انبسطت .. بس دورته في جريدة الجزيرة الاسبوع الماضي و لا لقيت الخبر ..
مدري وين طار هو و خشته :eek:
المهم لاقيته لاقيته .. ولو اني مانيب اخالف ادخل انتظار .. بس برضو الاحتياط واجب :rolleyes:

يلّه ورونا همتكم .. اللي قرا جريدة الجزيرة كل الاسبوع اللي فات يعلمني بس اي عدد و انا ادبر الباقي ;)

سلام :o

ابلة منى....ولا يبيلها جريده ولا شي ......لاتدخلين حصص احتياط ولا شي هذا معروف من يوم كانت جدتي مدرسه :D ارفضي ودخلي بعيونهم عود بعد.........بعد بعد ماناقص الا هذي ندب واحتياااااااااااااط :confused:

[move=up]

الله ينور عليكن

مشكورات عالخبرية

وكثرن من هالخبريات الزينة

[/move]

مارشمالو ..
طيب مشكلتي و كلمة لا ..! ما اعرفها :)
و ماعندي مشكلة حالياً .. ادخل كل مالقوا حصة فاضية دخلوا ابله منى .. بس مو مشكلة .. لكن تحسباً للامور لا تتطور .. خل اخش بعيونهم على قولة بعض الناس :)

قريتي الخبر ؟؟

---

gass
العفو حبيبتي .. لكن المشكلة اللي ما يوزع التعميم اللي يخدم المعلمة و التعميم اللي يسد النفس يلاحقونك المستخدمات فيه عشان توقعين عليه :)

هههههههههههههه

ابله منى ذكرتني العام لما كنت منتدبه خمس حصص وتجي المساعده وهي مستحيه وتقول عندك احتياط السادسه في فصل
والسابعه في فصل ......

وانا مثلك ماقدر اقول لا لا لا



بس

















بس





مالي خبرفي الجرايد من توظفت

ولا احب اقراها :)

والله اني مااخالف حليلي
عندي نشاط بمدرستي الاساسيه ومقصف بمدرسة الندب
و14 حصه
ومفهيه مع منهج ثالث متوسط ايما تفهيه
كلنا حليلات شوفوا المدرسات العجز وشلون المديرات مايقدرون يكلمونهم :(

زهرة وفى .. ايه قلعتك .. فيه ناس يستحون بالاول همن يتمردون .. :)


مس انجلش .. تستاهلين .. معليش ارتعت من الكلام اللي قلتي !!
اجل مقصف .. اللي كلن يهج منه تمسكينه و بالمدرسة الندب :)
الظاهر انتي تبين الكرف اللي ماله لازمه .. معصبة انا :(

لا انا مابي الكرف بس حليلي قسم بالله اكسر خاطري
اول يوم قالتلي المديره تمسكين 20 حصه ومنهجين وماوبه واحتياط قلت لا انا ندب (قلتها لها ببراءه)
قالت انتي وين تقييمك؟قلت عندك تقييمي
قالت اوكي تعاوني معنا اتعاون معك
ومامداني اطلع الغرفه فوق الا وهي منزله قرارات اخر واحد مخصوص لي دق فمظهري تبي تغصبني اقبل

:( شفتي وشلون انرحم ؟؟ اقسم بالله اكره سلبيتي بمجتمع العجز ذا :(

الظاهر بكل ادارة تعليم لها قوانين وانطمة خاصة !!!!!!!!

هنا في حائل المدرسين المنتدبين او المكملين في مدارس اخرى لا يدخل حصص انتظار ولا اشراف ولا ريادة

خواتي المعلمات الرافضات لكلمة ( لا )

من واقع خبرة سنتين تعليم

اجد المعلم الي يقول ( لا ) ويدافع عن حقوقه يكون محترم ولا احد يقربه
لكن المعلم الخواف صاحب كلمة ( سم ) ( ابشر ) يداس ولا يعطى حقه الا اخر الناس حتى حصصه تكون كلها سوابع

تعلمي تقولي ( لا ) اذا الانظمة معك وفي صفك

اتمنى لكل معلم ومعلمة يعرف حقوقه وواجباته وان يقرأ عنها حتى يكون ملم بالانظمة

هذه ليست دعوة للثورة على المدراء والمديرات لكن بعضهم يستغل طيبة المعلم في سد ثغرات ادارته .

هلا ابلى منى

ترى من حقك انك ترفضين اي شي غير حصصك الرسمية اذا صرتي منتدبة

غير كذا من حقك انك تصفين حصصك ورى بعض مثلا لو هي ثلاث حصص في اليوم وتطلعين الساعه تسعه ونص او انك تأخرينها وتجين متأخره وكل هذا تاخذينه بروقة موقعه ومختومة من موجهتك يعني المدرسة اللي تروحين لها لك حق تشرطين مثل ما تبين

الف شكر لك يا قلبي باذن الله بحاول اجيب لك التعاميم الخاصة فيها

مس انجلش .. الله يعينك .. مشكلتنا مع اللي تحط الوحدة في راسها !!
قمة الهمجية في بعض المديرات .. تحسب انك جارتها و سارقة زوجها هههههه
الله يعينك بجد .. انا احدى مديراتي كانت تنزل في درجاتي بحجة اني منتدبه !! صدق غباء ..
تقول انتي تطلعين من عندي يومين .. على ايش اقيمك .. لانها دايما غايبة و ماتشوفنا كثير :)
المفروض قبولي للندب هذا يرفع من مستواي .. هي عندها ينزل من المستوى .. شفتي كيف الذكاء :)

---

ابو رائد ..
فعلاً كلها و طريقة المنطقة .. يعني كل منطقة و كل مديرة لها اسلوب .. مافي شي يجي من الوزارة ينص على شئ محدد و الكل يعمل فيه !

الف شكر

--
ام الوليد
برضو المدرسة اللي اروح لها ندب على حسب مديرتها .. يعني اذا الحرمة عاقلة و متفهمة ممكن تخليني اطلع بدري .. و ممكن ترفض و تمسكني اعمال اخرى زي مديرة عند اختي .. مدرسة الانجليزي المنتدبة عندهم تبي تعطيها مادة عربي و تبي تمسكها مناوبة و احتياط !! تخيلي :)


الف شكر على مجهودك .. انا بجد ودي اقرأ التعميم .. لان مو كل الادارات يرسلون كل التعاميم اللي واصلة من الادارة .. عشان كذا نشر في الجريدة عشان الكل يقراه ! :)