لمعلمي ومعلمااات مدينة جده او من يعرررف عن قررراهااا

السلااااام عليكم ورحمة الله وبركاااته

لو سمحتم يامعلمين ويامعلمااات جده أو أي واحد يعرف كثير عن قرى جده ابغى اعرف اسماء قرى قريبه عشان اطلب النقل لها :D طبعا قريبه لمدينه جده وبرضوا ابغى استفسر كم تبعد ذهبان وخليص وعسفان عن مدينة جده لاني ماني عارفه غيرها ولاتنسون بعد تضيفون لي اسماء قرى قريبه من جده وشكرا نسيت اقولكم اني ماني بجده الحين :( عشان كذا ابغى ارد لدياري سالمه غانمه ترى اول مره اشارك ردوا علي الله لايهينكم عشان انقل بدل التشرد ::p

اهلا وسهلا بك في منتدانا

بالنسبه للمناطق اللي ذكرتي

عندك عسفان تبعد عن جده حوالي ال 70 كم

اما ذهبان والله ماني متذكر بس ممكن تكون المسافه الزمنيه

من 20 الى 30 دقيقه يعني نقدر نقول قريبه واحسن ما فيها

انها قريبه من الخط السريع او على الخط السريع

خليص والله ماني متاكد بس ممكن تكون حول 150 كم

مناطق اخرى :

ثول بعد ذهبان بحوالي 20 كم شمال

غران

البرزه

حدا

الشعيبه تبعد حوالي 90 كم جنوب تستغرق حوالي الساعه

لو مسكتي الخط الجديد

وياليت تسالي عن ها لمناطق قبل طلبها

يمكن ما تناسبك

وفيه مناطق اخرى والله ما تحضرني



على فكره فيه مناطق تابعه تعليميا لمكه

وبالتوفيق ان شاء الله

مشكور أخوي DARK MAN على مساعدة الاخوان في المنتدى!!

انا لاعلم ولكنا ربما لو تطلب مدينة جدة مباشرة ممكن تجيهاااااااااا
لاني اسمع ان فيه نقص بعد أن تم ادخال المنهج في المرحلة الابتدائية!!!

اخي الكريم بالنسبة لخليص فهي قريبة ولاتبعد 150 بل حوالي 100 كلم اما عسفان فهي اقل من ذلك حوالي 50 واذا جيتي في خليص نقلك راح يكون سهل جدا

ذهبان تبعد 25ك

ذهبت اليها قبل سبع سنوات

لكل اللي ردوا وأبدوااا إهتمامهم ألف شكررر والله .والله ياسوبر لاك اني طلبت السنه اللي فاتت جده لوحدها وماجاني نقل لها بالرغم من العجز اللي فيها بالانجليزي وخبرتي خمس سنوات المفروض ينقلوني :mad: بس يمكن أنقل هذي السنه ولا عساهم لانقلوني :mad:
<<<عصبت :mad: :D

اهلـــــين ...

اختي بالنسبه للنقل حسب معلوماتي انك تطلبي المندوبيات اللي تابعه لجده والمندوبيه اللي بنفس القريه يكون تابع لها عدة مدارس بعدة قرى تابعه لهذه المندوبيه .. واحيانا تكون المندوبيه بعيده عن جده بس المدرسه اللي تابعه لهذي المندوبيه تكون اقرب .. ارجو انك فهمتيني ..
وبالنسبه للمندوبيات التابعه لجده هي :

مندوبية خليص >>> 85 ك
طبعا وتابعه لخليص عدة قرى حولها ممكن تكون اقرب لجده من خليص نفسها .. وممكن تكون ابعد منها ..

مندوبية البرزه >>>120ك
ونفس الشي تابعه لها عدة مدارس

مندوبية الجمعه والظبيه >>>135ك

مندوبية رابغ >>>150ك

وبالنسبه لعسفان وذهبان وثول فهي تابعه لمندوبيات شمال جده ..

طبعا لو طلبتي مكه فهناك قرى تابعه لمكه تكون قريبه جدا لجده يعني على طريق جده مكه ..
وطبعا لاتنسي ان في قرى ايضا تابعه لمكه من جنوبها وشمالها و و ..

اتمنى اكون افدتك بشي ..

الله يوفقك ويسدد خطاكِ..

أروى

هلا من جديد شكرااختي اروى على اهتمامك وردك علي لأني بجد محتاره ايش اكتب بس ممكن سؤال أخير ايش هي القرى التابعه لمكه بس تكون أقرب لجده غير بحره طبعا ؟؟

اهلين اختي انا تحت امرك باللي اقدر عليه :)

بحره طبعا وبعدها >> حدّا >> الجموم >> اعتقد الشميسي قريه
وزي ماتفضل الاخ Dark Man الشعيبه قريبه بس باتجاه الجنوب شويه ..

ويارب يريحك من هذي كلها وتجي بوسط جده عن اهلك وحبايبك .. آمين يارب

ألفف شكر أختي أروى والله يجزااك ألف خير

دمتــي بخيــــر

جده مدينة تشعرك بالدفء

لا تحس فيها بالغربة او البعد عن الأهل

الله يوفقك اختي وتنالين ماتتمنين

يارب انقل وينقل كل اللي يبي النقل اااامين