الافضل توجيهك للابتدائي او المتوسط والثانوي أرجوا افادتي ياكرام ...!

السلام عليكم ورحمه الله وبركاته
اتمنى افيدتي بالتوجيه لانه جاء توجيهي للابتدائي لغه انجليزيه
وانا بكالوريوس لغه انجليزيه
فاريد كيف يتم توجيهنا على اي اساس وهل افضل من التدريس للمتوسط او الثانوي

اب
.............

احسن لك

الابتدائي افضل مرحلة فى التدريس مريحة جدا ومنهجها مريح وعملها فى الحصه ممتع

بس المتوسط سئ جدا لانها سن مراهقه وكمان كل ما تطلعين فى السنوات الدراسية يصعب المنهج وتكثر طلباته انا ادرس من سادس الى ثالث متوسط صراحه الدرس فى سادس بسيط وشرحه مسلى وفيه ضحك بس المتوسط يبغالها تحضير كويس ومتابعه مستمره وعمل دوري لان فيه اشياء كثيرة لازم تشرح والثانوي كمان والمصيبه اللى تعانينها فى الكبار ضبط الحصه

انا من وجهة نظري ان الابتدائية احسن وبكثير واريحلك فى منهجها بس يبغالك تفهمين التقويم المستمر بشكل جيد وخلاص تنحل امورك كلا

الله يوفقك

الله يجزااااك الجنه ريحتني مع ان زميلاتي قالوا لي صعب لانهم صغار ويطلعوا روحك ومايفهموا لانه ماده جديده لانو احتمال ادرس رابع اعتقد
وكمان قالوا في انتداب ممكن وكمان ممكن تدرسي مواد تانيه

اما عن الاقويم المستمر فهذا مرررره مو فاهمته ولا شي الله يستر
تممممممم الله ييسر الامور

بصراحه كل المراحل تحتاج جهد لكن جهد عن جهد يفرق
من وجهة نظري الإبتدائي بصراحه ماأنصحك تتوجهين له لأنه يحتاج مجهود كبيييير
لأنه مرحلة تأسيس
وبالمتوسط برضوا المجهود بيكون كبير فيما يتعلق بالتعآمل مع الطآلبآت لأنهم بطور المراهقه
المرحله الرائعه جداً من وجهة نظري هي الثانوي
تلقين العقليات نضجت شوي والتأسيس أنتهت مرحلته وتقدرين تتعاملين معاهم بكل سلاسه
بالإضافه إلى منناهح الثانوي أكثر من رائعه


لذلك أفضل هالمرحله دائماً
والإختيار يرجع أولاً وأخيراً لك

الابتدائي بصراحه حلو ومتعه التدريس عندهم..كمان المتوسط حلو والله انا ادرس ابتدائي انجلش واول وثاني متوسط والله قمة المتعه وتقدري تتفنني في الشرح والوسائل عكس الثانوي احس منهاجهم جامد مافيه وسائل وصعب ..

انا اشرحلك التقويم المستمر تراه بسيط جدا بس يبغاله انساان منظم ويرتب شغله بس

صاحبي فى الثانوية جاته حاله نفسيه والله انه يسمع الحروف لبعض الطلاب فى صف ثاني ثانوي .. بالله كيف بتشرحين لناس من هالعينه

ولد اختى يجيني اترجم له القطع لان استاذهم بعد ما وصل لمرحلة يأس منهم صار يقولهم جيبولى اى عمل من ترجمه او بحوث حتى يعطيهم درجات مشاركة لانهم مو فاهمين شي وهنا معناة الثانوي

انا احب الابتدائي لان عملك يبان قدام عيونك ويكون عندهم حمااااس للتعلم وادروس تكون ممتعه وفيها fun كثير

ذي نصيحتي وانت بكيفك

حتى المتوسط حلوين كمان...

لا مافي اختيار لي
خلاص خالصين
اداره التربيه والتعليم وجهوني للابتدائي
بس انا
اخاف من الانتداب في اكثر من مدرسه لان الابتدائي ماتغطي حصصهم النصاب او خوفي يزيد اكتر لو بيعطوني ماده تانيه غير الانجلش

انا اشوف الابتدائي حلو بس ابدائي معاهم صح وراجعي باستمرررررررررررار وسوي حصص تقويه لانهم لسى صغار .....................اللغه جديده عليهم و غالبا يكون عندهم فضول يتعلموا شيء جديد انتي الحين اللي تحددي اذا بيحبوها اولا



الله ييسر لها لك ...............انا وجهوني متوسط وثانوي الله ييسرها ويعــــــــــــــــــــــ ــين ويجعلنا من الصابرين اتمنى ثانوي كبار وعاقلات ...... ....................

انا امكن خايفه ا من الابتدائي اقول في نفسي اكيييييد بيغلبوووني ويطلعوا عيوني لاني لمن طبقت في التطبيق العملي في الجامعه كنت بمدرسه فيها ابتدائي ومتوسط ومره خلوني انتظار عالابتدائي وبالتحديد على خامس واااااو طلعوا لي قرون احس مافيهم وحده عاقله الحصه كلها يبغوا حمام او مقصف او بينشدوا طيروا عقلي مني وماانساه من انتظار الي الحين فاكرته وكمان انا طبقت بالمتوسط شهر وبعدها بالثانوي شهر حسيت اني ارتحت بالثانوي احسهم يفهموا علي مااحتاج اترجم عربي .....وكمان المتوسط عليهم حركات ترفع الضفط بصراحه

السلام عليكم ورحمة الله وبركاته
الراحه ستجديتها بأذن الله في ألابتدائي
وأذا كان نصابك 14 مع تدريس رابع أبتدائي أرفضي التكميل ولا راح يسير شي
لا يمكن يسون لك عرض أحلى
المهم لا تتركين مجال للطالبات وأشغليهم
تحياتي

الله يكتب لك الخيرة يا عسل
وأنت جربي وأنت الحكم الوحيد
مادام إن الأمر خرج عن إمكانية التغيير ...

واستعيني بالله ...

؟؟؟؟؟؟؟؟؟؟؟؟؟انا ثانوي افكر انقل ابتدائي

اهم نصيحة لك الابتدائي يبي جهد فردي لكل طالبه على عكس الثانوي