افتراضي أستفسارات عن الأيفاد الخارجي " الأبتعاث "

السلام عليكم ورحمة الله وبركاتوا

مبارك عليكم الشهر وينعاد عليكم ان شاء الله بالصحه والعافيه

كيفكم يا اخوان واخوات ان شاء الله بخير ؟

حاب استفسار بعض الأستفسارات .. طبعاً قبل ما اكتب استفساراتي .. انا معلم لغة انجليزيه .. ولي سنتين الأن ادرس .. وحاب اخذ ماستر بالخارج

استفساراتي هي :

1- سمعت ان مو متطلب لي التوفل .. على اني اريد اني اخذ التوفل قبل .. اطمح للشهاده هذي .. هل في مقدره اني اروح هناك واختبر التوفل واحققها ثم ادخل الماستر وابتدي ؟

2- هل فيه امكانيه اني اروح قبل الموعد المحدد من الوزارة طبعاً على حسابي .. يعني اروح هناك قبل 3 شهور .. وادرس على حسابي .. المقصد اني خايف ان الوزارة احتاج اني اخلص معاها اجراءات ولا قبول ولا حاجه ؟

3- الراتب الأساسي .. هل راح يجيني كامل مع مصاريف الأبتعاث ولا النص ؟

4- للي دارس ماستر في اللغة الأنجليزية .. وش التخصصات الي اقدر ادرسها على حسب خبرتكم وش الأصعب وش الأسهل ؟

5- واهم استفسار .. انا عارف اني مطالب على توقيع اوراق بأني راح اكون مع الوزارة حتى اذا رجعت من الأبتعاث ما اقدر اترك التعليم .. لكن بعد حوالي خمس سنين .. هل اقدر اني اطلع من وزارة التربيه والتحق بعمل ثاني غير التعليم ؟

6- لو قررت الأبتعاث .. وش افضل بلد ممكن اروحه بالخارج .. طبعاً هذا السوأل مخصص للمتخصصين بالغة الأنجليزية ؟

7- المقابله حقت الوزارة مع المشرفين .. هل بيقابلني مشرفين من نفس تخصصي .. ولا مشرفيين تربويين وبس ؟



عارف استفسارات كثيرة .. بس قلت مالي الا اخواني يفيدوني بالمعلومات هذي

الله يعطيكم العافيه مقدماً نقره لعرض الصورة في صفحة مستقلة

اتمنى ان في احد يرد علي تكفون

اقتباس:

---

المشاركة الأصلية كتبت بواسطة red_fox

السلام عليكم ورحمة الله وبركاتوا

مبارك عليكم الشهر وينعاد عليكم ان شاء الله بالصحه والعافيه

كيفكم يا اخوان واخوات ان شاء الله بخير ؟
الحمدلله تمام
بفيدك بمعلوماتي البسيطة

حاب استفسار بعض الأستفسارات .. طبعاً قبل ما اكتب استفساراتي .. انا معلم لغة انجليزيه .. ولي سنتين الأن ادرس .. وحاب اخذ ماستر بالخارج

استفساراتي هي :

1- سمعت ان مو متطلب لي التوفل .. على اني اريد اني اخذ التوفل قبل .. اطمح للشهاده هذي .. هل في مقدره اني اروح هناك واختبر التوفل واحققها ثم ادخل الماستر وابتدي ؟

إما انك تاخذ توفل من السعودية أو تدرس لغة انجليزية سنة كاملة قبل الماستر

3- الراتب الأساسي .. هل راح يجيني كامل مع مصاريف الأبتعاث ولا النص ؟
حسب معلوماتي الراتب الأساسي

4- للي دارس ماستر في اللغة الأنجليزية .. وش التخصصات الي اقدر ادرسها على حسب خبرتكم وش الأصعب وش الأسهل ؟

أسهل شي لغويات

6- لو قررت الأبتعاث .. وش افضل بلد ممكن اروحه بالخارج .. طبعاً هذا السوأل مخصص للمتخصصين بالغة الأنجليزية ؟
أسهل أمريكا بس عدد سنوات الدراسة ثلاث
ابريطانيا أصعب بس عدد سنوات لدراسة 2

عارف استفسارات كثيرة .. بس قلت مالي الا اخواني يفيدوني بالمعلومات هذي

الله يعطيكم العافيه مقدماً نقره لعرض الصورة في صفحة مستقلة

---

إن شاء الله الباقين يفيدونك بالتوفيق

اقتباس:

---

المشاركة الأصلية كتبت بواسطة twinkle

إن شاء الله الباقين يفيدونك بالتوفيق

---

الله يعطيك الف الف عافيه على مرورك ومعلوماتك القيمه .. نتمنى باقي الأخوان والاخوات يفيدونا في المعلومات الباقيه

وعليكم السلام ورحمة الله
عذرا على التأخر بالرد, واتمنى لك التوفيق. راح اجاوبك ولكن اعطيك بعض المعلومات:
- خطة الابتعاث الخارجي تستطيع التقديم عليها في الفصل الدراسي الثاني من العام القادم , للدراسة في العام الذي يليه 1433\1434 هـ
- الفرص محدودة جداً , مثلاً العام الماضي تم اتاحة 13 مرشح فقط "لغة انجليزية" للماجستير في الخارج من كافة المناطق.


1- سمعت ان مو متطلب لي التوفل .. على اني اريد اني اخذ التوفل قبل .. اطمح للشهاده هذي .. هل في مقدره اني اروح هناك واختبر التوفل واحققها ثم ادخل الماستر وابتدي ؟
نعم غير مطلوب من معلمي اللغة الانجليزية التوفل بالنسبة للوزارة. ولكن الجامعة اللي راح تقدم عليها راح تطلب منك اجتياز التوفل.

2- هل فيه امكانيه اني اروح قبل الموعد المحدد من الوزارة طبعاً على حسابي .. يعني اروح هناك قبل 3 شهور .. وادرس على حسابي .. المقصد اني خايف ان الوزارة احتاج اني اخلص معاها اجراءات ولا قبول ولا حاجه ؟
الوقت اللي تطرح فيه الوزارة برنامج الابتعاث يكون متناسق مع برامج الجامعات في العالم فلا يحتاج تروح قبل الموعد, واصلا لا تسمح لك الوزارة بالدراسة وتعتمد شهادتك الا بعد ترشيحك بشكل رسمي. (تابع شروط الابتعاث على الرابط بالاسفل)


3- الراتب الأساسي .. هل راح يجيني كامل مع مصاريف الأبتعاث ولا النص ؟

يعطى المبتعث من قبل الوزارة نصف الراتب وخصم التقاعد , يعني 41% من الراتب,
ويعطى مكافأة الابتعاث وبدل سكن بحسب البلد المبتعث اليه.


4- للي دارس ماستر في اللغة الأنجليزية .. وش التخصصات الي اقدر ادرسها على حسب خبرتكم وش الأصعب وش الأسهل ؟
الوزارة هي اللي تحدد التخصص في خطتها كل سنة. وأنت اذا ناسبك التخصص تقدم على الابتعاث. في الاعوام السابقة كان تخصص "مناهج وطرق تدريس الانجليزية".


5- واهم استفسار .. انا عارف اني مطالب على توقيع اوراق بأني راح اكون مع الوزارة حتى اذا رجعت من الأبتعاث ما اقدر اترك التعليم .. لكن بعد حوالي خمس سنين .. هل اقدر اني اطلع من وزارة التربيه والتحق بعمل ثاني غير التعليم ؟
نعم تستطيع الاستقالة والتوجه لأي عمل آخر بعد ان تمضي خدمة بمقدار الفترة التي تم تفريغك لها , وهذا شرط الوزارة:
"أن يعمل المبتعث بعد الانتهاء من فترة الابتعاث في الوظيفة الحكومية ولا يستقيل منها إلا بعد خدمة تساوي مدة التفريغ للدراسة."


6- لو قررت الأبتعاث .. وش افضل بلد ممكن اروحه بالخارج .. طبعاً هذا السوأل مخصص للمتخصصين بالغة الأنجليزية ؟
اعتقد هذا يعتمد على الجامعة وانت تبحث عما يناسبك. وعموما البريطانية افضل.


7- المقابله حقت الوزارة مع المشرفين .. هل بيقابلني مشرفين من نفس تخصصي .. ولا مشرفيين تربويين وبس ؟
من التعميم "أن يجتاز المرشح المقابلة الشخصية في الوزارة بحصوله على الحد الأدنى من درجات الترشيح."

.
.
هنا تجد خطة العام الماضي للفائدة اكثر:
http://edugate.com.sa/news-action-show-id-1755.htm


أتمنى أكون أفدتك.

الله يعطيك الف الف الف الف الف عافيه على ردودك الي صراحه نورت دربي .. الله ينور لك قبرك ان شاء الله

بس سوأل اخير .. اذا اخذت اجازة استثنائية .. ورحت على حساب بعثت الملك عبدالله .. هل تتوقع يوافقون ؟

لأني مرة سألت قالوا لي ان نفس البعثه حقت الملك عبدالله هذي ما تقبل انك تكون على راس وظيفة .. هذا هذا صحيح ؟

حياك من جديد

انت جاوبت بنفسك في السؤال الثاني
لا تستطيع الالتحاق ببرنامج الملك للابتعاث وانت موظف

والله هذي مشكلة صراحه .. طيب لو اروح كمرافق مثلاً لأحد من اهلي او حاجه .. هل في امكانيه اني اكون موظف واخذ اجازة استثنائية واقبل في نفس البعثه ؟

روح مرافق واخذ اجازه استثنائيه

انا نفس مشكلتك وجالس اكمل الاجرااءت الان وبطلع التأشيره

قود لك

السلام عليكم هل شرط القبول قبل الترشيح ام بعده لان الجامعات تشترط ان يكون لك جهة تتكفل بدراستك

ارجو افادتي وجزاكم الله خيرا

احسسسس بحالة احباااااااااااط

يعني الموظف كيف يبتعث على حساب الدولة ؟؟

المصاريف باهظة


ممكن حد يجاوب

طيب يا أخوان أنا أتبع إداره معقدة .... لو أتجنن ما راح يعطوني موافقه للدراسة ... والله اتمني اتمني مواصلة الماجستير ... طيب اللي ما ينجح في التوفل وش الحل معاه

السلام عليكم

معليش على المداخله بس حابه استفسر عن شغله

انا تبع برنامج الملك عبدالله وبدات الدراسه في امريكا كمرحله لغه الى ان احضر قبول الجامعه

لكن اثناء دراستي جاني اتصال انو لازم ارجع لوظيفتي عشان يشملني التثبيت كلمت الملحقيه وقالوا في هالحاله بس نبغى منك افادة من عملك

يوافقون على اكمال دراستك

انا حاليا باشرت عملي من نهاية الترم الماضي ومازلت على راس العمل انتظر التثبيت و اجلت البعثه الى الصيف

في هالحاله ايش الحل ؟

انا الى الان ما اعطيت عملي خبر اني مبتعثه رغم ان والدي استفسر من الشخص المسوؤل في الوزارة عن وضعي قبل ارجع ورد عليه حرفيا ( خليها توقع وتباشر اسبوع وتسافر اهم شي انها باشرت )

هل لو كان التثبيت فعلا الترم الثاني يحقلي في نهايته اجازة تفرغ دراسي او اقلها استثتائي مع العلم اني مبتعثه ؟

no answers :(

ربي يوفق الجميع

ربي ييسرها للجميع