عرض للطباعة
أنا معلمه منذ 4 سنوات خريجة كلية التربيه بكالوريوس لغه انجليزيه
بتقدير جيد جدا مع مرتبة الشرف
والحين أبغا أكمل دراستي للماجستير المدفوع بفلوس طبعا
الدراسه مسائيه 3 أيام بالأسبوع
بس مافي نفس تخصصي بالجامعه
وأخترت أدرس بتخصص إدارة أعمال
هل هذا ينفعني ويصلح حتى لو كان غير تخصصي وهل بيزيد
المستوى والدرجه بوزارة التربيه والتعليم ؟؟
أبي رأيكم الله يسعدكم وش نصايحكم لي أنا رفعت الطلب
ومنتظره الموافقه من الجامعه ..
جزاكم الله خير سلفا ....
الله يوفقك ياختي ماعندي خلفيه علشان افيدك بس حبيت ادعيلك بالتوفيق
صبـــــــــــــــا ح النور ,,,,,,
اول شي مبروك التخرج ,,,, ( بدري ):smile (68):
شوف حبيبي المفروض قبل ماتختار التخصص ,,,
ترجع الى موقع ادارة التدريب التربوي ,,,,
وتبحث في التخصصات اللى ممكن المعلم او المعلمة يواصل فيها ,,,,
وفي نفس الوقت الادارات التربوية والوزارة تحتاجها مستقبلا ,,,,,,
اللى اعرفه ومتذكرة انه ادارة اعمال مش مطلووبة من التخصصات,,,,
بمعنى انك حتى لو كملتي ورقة قبول من الادارة او الوزارة لتكمله دراستك ,,,
لا تستطعين الحصول عليها بمعنى انه حتى لو جبتي الشهادة لا يوجد ترقية الى المستوى
السادس ,,,,
اكثر اللى يدرس ماستر ادارة اعمال يبي الفكة من التعليم مستقبلا ,,,
اتمنى افدتك اختى ,,,, :smile (96)::smile (96)::smile (96):
sunlight44
شاكره ومقدره لك إهتمامك
وربي يوفقك ويحفظك
سمـ الاحساس ـو
ألف شكر لك على المعلومات القيمه الي افدتني بها
ربي يجزاك الجنه ..
بس حاسه اني متردده لأني مابستفيد شي من دراستي
مشكورة على هالدعوااات وكثري منهــــا ,,,
شوف حبيبي ,,,,
اذا انت فاضي وماعندك شغل غير التدريس ,,,,
طقطق عليها ,,,,
بمعنى ماتدرين مستقبلا يمكن الوزارة تبغى هالتخصص ,,,
عاد الوزارة كل يوم تختار تخصصات ,,,,
بالتوفيق ,,,
هلا وسهلا...حياك الله
ومبروك التخرج..ادري متأخره بس ماعليه
ثانيا بخصوص الدراسه...
يرجع لك انتي..يعني وش الهدف من الدراسه
يعني اذا مثلا مثل ما قال اخوي لك نيه على ترك التعليم...بتفيدك
اذا كان لك نيه في التعليم...انا انصحك في طرق التدريس
يعني بتفيدك ..وصراحه انا ماخذت ماستر ولا شيء..
بس انصحك انك تشوفي ايش الاهداف اللي عندك وتجلسي تبني عليها
أفضل من انك تدرس لمجرد الدراسه وبالتالي تشعرين بالمتاهه في منتصف الطريق
وتشعرين بالندم والحسره على ماتم دراسته..
انتي لا تتعجلي روحي وأسالي في أكثر من مكان وعند اكثر من شخص
وقارني كلامهم مع اهدافك...وقرري
وان شاء الله يكون هو الصواب
اتمنى لك التوفيق من كل قلبي
مرحبا فيك
وبالتوفيق لك
بالنسبة للدراسة بالبرنامج الموازي فهي اصبحت بدون رسوم الآن بدعم من وزارة التعليم العالي
ومفتوح للجنسين
بالنسبة لسؤالك عن المستوى وفائدته مستقبلا , فمن قبل تبدأين راح وزارة التربية يعطونك خبر
هل هذا مطلوب ومعتمد أولا
وراح اعطيك الخطوات
بعد القبول في الجامعة
تقدمين خطاب القبول مع خطاب لإدارة التربية والتعليم في منطقتك تطلبين فيه موافقه للدراسة المسائية
وهم يحولون طلبك لإدارة التدريب والإبتعاث
و إدارة التدريب يعطونك خبر هل راح يفيد ويعطونك موافقة
او لا
وفي حال عدم الموافقة تقدرين تاخذين الماجستير ولكن ما راح يكون له اي ضمان فيما بعد
وانا اقترح عليك تاخذين هاتف إدارة التدريب والابتعاث وتتصلين عليهم تسألين
أساتذتي الافاضل :
سمـ الاحساس ـو _ فـيصـل _ البـارع
جزاكم الله خير الجزاء على كل كلمه ومعلومه مفيده أفدتموني بها
بس أحس اني بكنسلها لأن آخر موعد للتقديم يوم الأربعاء ومايمديني أسأل ويجيني الجواب إلا
وانتهى التقديم .
أما بالنسبه لطرق التدريس مانزلت من ضمن التخصصات المطلوبه بالجامعه .
والتخصصات بجامعتنا كما يلي :
1) برنامج ماجستير إدارة أعمال بالمسارات التاليه :
1- مسار التسويق
2- مسار إدارة الموارد البشريه
3- مسار إدارة الأعمال
4- مسار الأعمال الألكترونيه
_________________________
2) برامج الماجستير المقدمه في كلية التربيه بالمسارات التاليه :
1-مسار التسويق
2- مسار إدارة الموارد البشريه
3- مسار إدارة الأعمال
4- مسار الأعمال الإلكترونيه
__________________________
3) برامج الدبلومات العليا
1- برامج الدبلوم العليا في التوجيه والإرشاد
2- برامج الدبلوم العليا في مصادر التعلم
3-برامج الدبلوم العليا في الدبلوم العام في التربيه
________________________________
هذي التخصصات الي نزلت أفيدوني أثابكم الله جميعا" ...
السلام عليكم ورحمة الله وبركاتة
حبيبتي ليش ماتأخذي من الدبلومات العليا؟
3) برامج الدبلومات العليا
1- برامج الدبلوم العليا في التوجيه والإرشاد
2- برامج الدبلوم العليا في مصادر التعلم
3-برامج الدبلوم العليا في الدبلوم العام في التربيه
اقصد هالتخصصات مطلوبة الان في المدارس و اكيد راح ترفع من مستواك
هو صحيح دبلوم لكن بعده تقدري تكملي و تأخذي ماجستير في السنوات القادمة بإذن الله
انتي فكري فيها الدبلومات مصادر تعلم و ارشاد و تربية يعني بصراحة فرصة حلوة
هذا و الله اعلم
الله يوفقك
أختي الفاضله M.o_o.N
ربي يوفقك ويسعدك بالدنيا والآخره
أشكرك على إفادتك ونصحك .
بس عندي خطأ مطبعي في التخصص رقم ( 2)
والصح هو :
) برامج الماجستير المقدمه في كلية التربيه التاليه :
1- تقنية المعلومات والإتصالات في التربيه .
2- القياده التربويه .
3- التربيه الخاصه لرعاية الموهوبين والمتفوقين .
__________________________________
اخواني وأخواتي أبسألكم عن الايفاد الداخلي لدراسة الماستر هل يجيني راتبي كامل أو ينقطع أو ينزل نصفه أم ماذا مع الشكر ؟؟؟