درس map reading

السلام عليكم ورحمه الله .... لو سمحتو عندي يوم السبت درس صفحه 5

ابي اعرف كيف اشرحها يعني اقراء القطعه كلها وبعدها استخرج الكلمات
وش المطلوب من هالقطعه


ولو سمحتو اهم الكلمات الي تستخرج من قطعه

المطلوب أن يقرأ الطلاب القطعة و يجيبون عن الأسئلة.

و قد قمت بتبسيط القطعة لطلاب في عمل متواضع هذا رابطه لعلك تجد فيه فائدة:

http://www.saudienglish.net/vb/showthread.php?t=101514

الله يوفقك ويجزاك خير .. عمل مميز اخوي ... الله لا يحرمك جنته

حياك الله و الكلمات الصعبة تعتمد على مستوى الطلاب.

فمثلا الطلاب عندي تقريبا غالب الكلمات عندهم صعبة. فضطررت الى عمل تبسيط للقطعة و لا مانع من الرجوع الى القطعة و المرور عليها بسرعة و حل التمارين.

و هذه القطعة كانت جميلة و لذيذة و فيها معلومات حلوة.

طيب بما ان السوال عم القطعه و انتم متمرسين بالتدريس ... كيف اشرح القطعه بطريقه نموذجيه و بسيطه بنفس الو قت اذا كان الطالبات مستواهم ضعيف .... عطونا الخطوات ؟؟

انا جبت لهم صورة خريطة السعودية و سألتهم (What is this?) بعدين شرحت لهم مفتاح الخريطة و الاشياء اللي ممكن نشوفها بالخريطة و انواعها و بعدين قلت لهم عن الاتجاهات الاربعة .. بعدين طلعت طالبة على الصبورة و خليتها ترسم يدها و طلبت من كل الطالبات انهم يطلعون ورقة و كل وحدة ترسم يدها و بعدين حددنا تفاصيل اليد و كانت كل وحدة تطبق على ورقتها و طلبتهم يلونون الاظافر و بعضهم رسم اساور على اليد و خواتم و طلع الدرس ممتع جدا و حبوه الطالبات .. بعدين فتحنا الكتاب سالتهم اسئلة بسيطة عن العنوان و الصورة ..طلبتهم يقراون بصمت و يطلعون الكلمات الجديدة بعدين شرحتها لهم و قرات القطعة معاهم و جاوبنا الاسئلة.. بالنسبة للورقة اللي رسموا فيها ايديهم خليتهم يعلقونا بالدفتر و انبسطوا كثير عليها.. اتمنى اني افدتك