يوم تمهيدي لسادس

تعبت ادور في الموقع عن أحد يتكلم عن اليوم التمهيدي والدي يتضمن توعية عن اللغة الإنجليزية واهميتها وعقد ورش ومطويات وكيفية المداكرة لهده المادة الجديدة اريد بعض الأفكار والكل يستفيد

وأنا نفس الشي ، تعبت وأنا أدور من منتدى إلى منتدى أي أنشطة ليوم سادس التمهيدي
الرجاء منكم المساااااااااااااااااعدة

ممكن تعملوا اوراق فيها رسومات حلوة للتلوين
ومكن مسابقات بسيطة جدا, وعبارات ترحيبية بالانجليزي مترجمة بالعربي وبشكل حلو تكتب على بالونات او اوراق تتعلق في الساحة

الله يفتح عليك يا هوني موون أفكار حلوة وبسيطة ومتوفرة لدي لكن ضغط العمل يعمي البصيرة. وياتوت بري ترى عندي أفكار منها استخدام البروجكتر اللي نوصلوا بالكمبيوتر وتعالي شوفي الألعاب والحروف الغريبة حتى يتعرفون عليهاوهده مطوية ارشادية لمداكرة اللغة الإنجليزية لأبو فارس ناسية من أيية منتدى حصلت عليها. لكن فشل الرفع مع أن الملف وورد 92 ك ب سأحاول مرة أخرىفي وقت لاحق؟ وآسفين

وانا بعد تعبت وانا ادور بس انتي يوم تمهيدي انا اسبوع تمهيدي والله ماني عارفة من وين جابوا هالخرابيط والمصيبة اني اول مرة امسك سادس الله يخليكم يا اهل الخبرة الحقونا بافكاركم

سلام يااخواني و اخواتي اعتقد بأن المطويات التي تعرف باهمية اللغة الانجليزية مهمة تتوزع على الطلاب والطالبات وممكن نسألهم ليش نتعلم الانجليزي بأسلوب محبب ممكن اذا كانوا حافظين اي أغاني او الحروف الانجليزية و الأرقام ممكن نحفظهم نشيد ترحيبي بالانجليزي ألفوا من راسكم ها ها ها لانهم والله طفشانين من المدرسة وهذا ما عندي يا الربع وسلمتم باي باي

تفضلوا المطويات وإن شاء الله تؤدي الغرض
ايش أسوي برضوا التحميل failed مع أن عندي ثلاث مطويات

بالنسبه للمطويات راح تلقونها بالنشاط اللامنهجي بهذا المنتدى الرائع حملوها من هناك
وغير كذا بالنسبة للاسبوع التمهيدي كل يوم ساعه
اول يوم: وزعوا فيها المطوية وتكلمو عن اهمية اللغه الانجليزيه وناقشوهم فيها راح يستانسوا اذا قلتوا مواقف عنكم قبل تتعلموا الانقلش.. ورحبوا فيهم بكلمات بسيطه Welcome , Iam.... What about you ? وهم بدورهم راحوا يتعارفون بهالطريقهIam ....., hi ,Iam.... وهكذا
ثاني يوم: شوية مسابقات عن الحروف والارقام لخبطوا اول ست حروف مع مجموعتين والمجموعه اللي ترتبها قبل هم اللي يفوزون ونفس الشي مع الارقام.. ويكون معكم بالونات تختارون كذا طالبه يطقو بالوناتهم ويكون داخلها اي رقم او حرف انتي تفتحينها وتطلبي منها تكتب هذا الحرف او الرقم اذا هي تعرفه...الخ
ثالث يوم: بعض الكلمات البسيطه تعرفونهم عليها مع صور وسووا مسابقات عليها اقترحوا اي شيء انشاءالله يمشي الوضع
واخر يومين راح نكون منتدبين كالعاده السنويه اعيدوا نفس البرنامج مع المدرسه 2 وسلامتكم اتمنى اني افدتكم جميعا