عرض للطباعة
ياناس طفشانه .. ملل .. كل شي صار ملل عندي :(
نزلت كل التحاضير اللي تخصني واشتريت احلى دفاتر التحضير واشتريت وسائل تعليميه وسويت انا بعضها ..
بس ما اقدر اكتب شي ولا لي نفس اكتب كلمه في دفتر التحضير .. حاسه بملل مو طبيعي من الطالبات والمدرسه كلها ..
والمشكله عارفه الحل بس برضو ملل ..
كلنا حاسين بالملل
مر اسبوع ولسا ماقلت ولا كلمة في الفصل لأن الوقت طويل قدام وانا لسا عالكتب القديمة يعني 12 اسبوع تكفيني بزيادة
اسمعي اليوم كله كم ساعه دوام
ادخلي الفصل وانتي في بالك انه للتسلية مو للعمل
وافضل طريقة للتدريس هي اللعب
يعني حاولي تدخلي الالعاب قدر المستطاع في دروسك لأن الطلاب ماعندهم رغبة لتعلم اللغة الانجليزية بالالعاب ممكن يتعلموا ويتسلوا
ممكن نتعاون سوا في المنتدى وننتج دروس والعاب للدروس وانا من جهتي على استعداد اعطيكم مساحة 100 ميغا بايت لحفظ كل الاشياء المهمة وممكن تزيد المساحة في حال احتجنا لها
اختي العزيزه مجرد التفكير في الملل بيجيب لك الملل
على فكرة مثل ما قال لك الأخ العزيز عبادي حاولي انك تفكري ان العمل هذا هو تسيلة جميلة ورائعه
والله لو تشوفين بعض الطلاب في بعض المدارس تهون عندك مصيبتك
حاولي انك تدخلين الفصل وانتي مبتسمه ووسعي صدرك
وربك بيفتحها عليك
وتذكري انك انتي جالسة تقضين وقت حلو واخر الشهر حلو هههههههه صح
الله يعينك ويوفقك
يوووه اروى وربي مثلي..احس بطفش بس لاه انا احسن منك شوي عالاقل اعطيت دروس بس وربي مادري هل انا متحمسه بزياده وانا اعطي الدروس والا البنات متنحين؟؟؟!! سؤال عجزت اعرف اجابته بس ماعليك هو والله اللي ينشطني بالحصه انو اضحك واسولف معهم ماحس بملل بس هو بدايه الترم كذا بس بعدين انواع الفله<<احلفي؟
المهم وسعي صدرك وووالله التدريس مب شين بس التحضير قرف وربي بس لو انك تحضرين عالكمبيوتر كان احلى ..تحضرين حق اسبوع بالويكند..وخلال الاسبوع تحضرين كويزس..
يلا اتمنى لك التوفيق خيتو..
لحل مثل هذه المشكلة النفسية لابد من بحث الاسباب وبعدها تكون المعالجة !!!
أتوقع شي طبيعي مع بداية الدراسة عند أغلب الناس هالشعور..<<<<< جابت شي جديد؟++++++!!!!!!!
المهم وسعي صدرك و مثل ماقال سعودي إنجلش مجرد التفكير بالملل يجيب الملل..
و TAKE IT EASY dear
see u
هلا فيك أروى
انا مع الاعضاء في اللي قالوه
وصدقيني لو تاخذي الموضوع لعب وتسلية وانك تحتسبيه اجر عند الله راح تستمتعي وتبدعي كمان
الله يوفقك حبيبة البي ويبعد عنك الملل
<--------------------------------------- اول تيرم تدريس والله لا يجيب الملل ;)
والله طفش وبرد وحاله الله يعين ياجماعة الخير ادعوا لي تكفون مالي الا الله ثم أنتم
ياجماعه حتى أنا عندي ملل مو طبيعي لا تقولون تسليه ولا غيرها
ما نفع معاي شي
مللللللللللللل والتحضير رفع ضغطي ولاني لاقيه تحضير
اقول تكفون ساعدوني ياللي نزلتوا تحضير وين حصلتوها
عارفه اني داخله عرض بس من جد انا توي جديدة ومتوهقة بالتحضير تكفون دلوني على مواقع تحضير كويسة وادعي لكم من قلبي
الأخت victory
بالنسبة للتحاضير فتجدين عندك في كل صف منتدى الفصل الول ومنتدى الفصل الثاني
اضغطي على منتدى الفصل الثاني لأي صف وتجدين تحته مواضيع التحضير وكل ما تريدين
ولك خالص تحياتي
ياجماعه تفائلوا وفكرررو بالاجازه عشان تتحمسوون
حطو اشياء حلووه في طريقكم للحماس والتشجيع
والله يوفقنا
عبادي .. سعودي انجلش ..
عارفين اني اكثر من مررررحه .. وكل طاقتي احطها في المنهج .. ولا استخسر اي وسيله حلوه اقدمها للطالبات ..
بس عارفين ان الطالبات انفسهم جابولي الملل .. حتى بالعربي صرت اشرح واحاول اكون اخت لهم مو معلمه ..
بس فرق بين طالبات سادس وطالبات الثانوي .. ادخل هنا صغار مررره احاول انزل لمستواهم وحبه حبه في الشرح ..
اروح لثالث ثانوي .. يتملوو ومو طايقين الحصه .. مع اني ما احاول اضغط عليهم بالعكس احاول اغير جو الملل ..
بس شكل الحاله انتقلت لي :( :(
مشكورين اخواني واخواتي على ردودكم الحلوه ..
الله يرحم الحريري :( اخرتنا القبر
ادري ماله علاقه بالموضوع> بالغلط<
عزيزتي...الملل شعور طبيعي بيجيك من تكرار المناهج...حاولي كل سنه تغيرين المرحله اللي تدرسينها يعني هالسنه ماسكه اول ثانوي مثلا ..السنه الجاية امسكي ثاني او ثالث...وحاولي تنوعين في اسلوب التدريس والطرق وخلي بعض الحصص بما ان الترم طويل خليها حصص مسابقات او نشاطات ثقافيه واعطي البنات اكسترا وورك يسوونه ويكون ثقافي وخارج المنهج عشان مايملون هم بعد..............................وقبل كل شي احتسبي الاجر اختي:)
ولك مني كل الدعاء ان ربي يبعد الملل والرتابه من حياتك
ودمت للمنتدى:)
والله ياعزيزتي لاتشكي لي وأبكيلك..
من جد تدريس اللغة الانجليزية "جهاد".. أغلب الطالبات ماعندهم أي طموح أو رغبة ويصيبونك بالاحباط.. والمشكلة لمن تتعبين وتبذلين أقصى جهدك وماتشوفين النتيجة اللي تطمحين لها...
أحياناً أفكر أغير وظيفتي وأطلع من نطاق التعليم الممل :)
لو طلب من احدكم ان يجلس في بيته لا ياكل ولا يشرب ولا يكسب مالا يا ترى ماذا سيكون حاله اكيد الهلاك
كيف نمل من عملنا الذي هو مصدر رزقنا وانا متاكد ومتعجب من هؤلاء الاخوان واخوات والذين بعضهم لم يتجاوز او تتجاوز خبراتهم في التعلي اقل من خمس سنوات ويقولون اننا ملينا من التحضير والتدريس والطلاب والطالبات فكيف بمن اكل 20 او 25 او اكثر من 30 سنه في مجال التدريس وانا اعرف بعضهم ما شاءالله تبارك الله الى الان وهو نشيط ومجتهد واتقوا الله في انفسكم وفي اعمالكم فالعمل عباده كالصلاه والصيام وكيف تقولون اننا ملينا من الطلاب والطالبات وهم مصدر رزقنا ونحن لا نسوى شيئا بدون الطلاب فقط تخيلوا مدرسة بدون طلاب كيف سيكون حالنا وهذا ما يحصل اواخر كل سنه فهي بلا طعم ولا لون ولا رائحة ومثل ما قال احد الاخوان ادخلي الفصل بابتسامة واشرحي درسك بكل بساطه ولا تعقدي الامور لاننا نحن المدرسين والمدرسات محنا ناقصين تعقيد عشان نعقد غيرنا
وبالله التوفيق
farescool
ليه زعلان طيب .. اكيد اي شي مافيه اي حيوية يصيب بالاحباط و الملل .. انا نفسي .. ما احب التدريس .. لكن انت عارف احنا وين .. و البنت بهالمجتمع وش المفروض تشتغل .. لكن جالسة احبب نفسي فيها بالغصب .. و يالله ..!
و اذا على الاجيال القديمة .. هذا بلانا و الله .. لان الملل من صفات الجيل الجديد .. يعني لا تستغرب اذا شفتهم نشيطين .. لانهم ما يحبون يغيرون شي عاشوا عليه اكثر من نص عمرهم !! :)
اخي Farescool
اللي لهم 20 او 30 او حتى 10 متعينييييين على المستوى الخامس واخدين حقهم بالكامل
احنا من عهد الرشيد يعني مظلومين كيف تبغانا نشتغل ؟؟؟؟
:( الكل طفشان بس مااتوقع في احد مثل معاناتي خريجة لغة انجليزية ممتاز مع مرتبة الشرف نسبة 96% ورموني بقرية وقلت الحمدلله سنة تجربة بالحياة ماتضر وبعدها ان شاء الله راح انقل :p وكنت اقنع حالي بأني لازم اخدم وطني حتى لو كان بالصحراء والمصيبة طلع شيب راسي وصار لي اربع سنوات مانقلت جربت كل انواع الباصات والسائقين اربع سنوات والبلد محتاج تخصصنا بالهبل والتعاقد شغال واحنا يالمساكين لنا الله حسبي الله ونعم الوكيل :o