افكار درس my house

السلام عليكم
بليز الله يعافيكم ابغى افكار لدرس my house
المديره والموجهه بيحضرون لي ومره حايسه وكيف اطبق استراتيجيات التعلم النشط في دروس الانقلش

السلام عليكم ورحمة الله وبركاته ممكن تستخدمي لعب الادوار
تخاي اربع بنات يمثلو العائلة أب وأم وبنت وولد وكل واحد جالس في مكان من المنزل ومعاه اغراض من المكان اللي يمثله الام في المطبخ وتلبسي البنت اللي تمثل دور الام مريلة طبخ ومعاها صحون والاب جالس بالصالة معاه جريدة وريموت كنترول وهكذا

فكره حلووووه ماشاء الله

a great idea

ممكن عمل محادثه عن المنزل فيدوني

كيف اعمل مسابقه في الحروف الصوتيه

الحمد لله خلصت الدرس وحضرت لي المديره والمشرفه واثنوا على الدرس
استخدمت عرض بروجكتور للكلمات الجديده للدرس مع صور وتخللت الحصه تطبيق 4 استراتيجيات من استراتيجيات التعلم النشط
cubing , placeman consensus , والتعلم باللعب ونوعت في عرضها
ولله الحمد

ماشاء الله

بالتوفيق يا رفيقتي :)

ماشاء الله عليك الله يهنيك

طيب ي أخت نوض ممكن تفيدينا كيف شرحتي الدرس وكيف طبقتي ..

انقذينا الله يعافيك ..

مرحبا اختي ياليت تذكريها

ابشروا ان شاء الله بكره احط لكم العرض والاستراتيجيات المستخدمه

حلو ماشاء الله عليكم وانا عند ي عن المنزل الدرس باروح اجيب اثاث منزلي العاب وباشوف اش فيه افكار بمحل الالعاب

السلام عليكم
معليش سامحوني على التأخير واللي ارسلوا على الخاص اعتذر منكم عدد مشاركاتي قليل وماقدرت ارد عليكم
راح اكتب لكم كل شي يخص الدرس هنا
طبعا اول شي سئلتهم عن الدرس السابق وكان معاي صور استخدمتها في شرح الدرس كنت على السريع اطلع لهم الصوره وهم يقولون اسم العضو من الوجه وفي دفتر المتابعه اليومي ارصد للبنت اللي تجاوب طبعا لازم دفتر المتابعه كثير موجهات ينقدوا عليه

بعدين السبوره كتبت عليها الاستراتيجيات اللي راح استخدمها في الدرس على جنب تكتبي
strategies: 1- cubing
2-placemat consensus
3- back to back
4-think pair share
طبعا كتابتة الاستراتيجيات على السبوره مهم

بداية الدرس كان عرض بروجكتور

http://www.gulfup.com/G.png

وقلت ان الانسان قديما كان يعيش في الكهف ثم تطور واصبح يعيش في الكوخ ثم تطور وسكن في المنزل او الفيلا
وبعدين سألتهم عن دعاء دخول المنزل وبعدين عرضته لهم بعدين بدأنا بالكلمات كلمه كلمه نكتبها على السبوره بعد كل كلمه اخليهم يتهجأونها وبعدين يعطوني الساوند حق الكلمه على اساس يعرفوا كل كلمه كيف تنطق
خلصنا بدأت اول استراتيجيه اللي هي المكعبات نفس طريقة لعبه الزهر او النرد
واحد من المكعبات رقمته من 1 -6 ووزعت على مجموعه ارقام في بطاقات من 1 - 6 المكعب الثاني كتبت عليه اول حرف من كل كلمه اخذناها في الدرس كل حرف في جهه
عطيت مكعب الارقام ل مجموعه ومكعب الحروف للمجموعه اللي وزعت عليهم بطاقات الارقام
خليت اللي معهم مكعب الارقام يختارون وحده منهم وتقوم وترمي المكعب فوق وبعد مايوقع على الطاوله تشوف على الرقم كم الظاهر في الوجه مثلا طاح على رقم 4 تقوم البنت اللي شايله الرقم 4 وترمي مكعب الحروف وعلى حسب الحرف اللي يطيح عليه المكعب تعطيني الكلمه وهكذا ممكن 4 او 3 كلمات فقط مو شرط كلهم
الاستراتيجيه رقم 2

http://im72.gulfup.com/Piy16.jpg

الاجماع على تحديد الموقع طبعا الاستراتيجيه طويله ومعقده انا غيرت فيها بطريقه بسيطه

في الدائره في الوسط كتبت حروف مفرقه وملخبطه لكلمتين من كلمات الدرس
خليت طالبه ترتب لي الحروف وتكون كلمه وتكتبها في المربع 1 الطالبه رقم 2 اذا رقم 1 كلمتها اللي كونتها صح تحط الطالبه رقم 2 عندها صح واذا خطا تعيد كتابتها في المربع الثاني الطالبه رقم 3 تقرأ الكلمه بطريقه صحيحه الطالبه 4 اذا قراءت رقم 3 صح تحط عند المربع 4 علامه صح واذا خطأ تحط خطأ وترجع تقرأها مره ثانيه
http://im89.gulfup.com/o5Shd.jpg

الاستراتيجيه 3 جلست طالبتين متقابلين بالظهر عطيت الطالبه رقم 1 صوره لغرفة الجلوس وخليتها توصف الصوره وصف دقيق والطالبه رقم 2 تستمع فقط يعني ماتشوف الصوره وفي الاخير تستنتج الطالبه رقم 2 الصوره كانت صورة ماذا؟

الاخيره جبت لهم من المكتبه صور للمنزل وغرف المنزل كل غرفه في صوره تركيب ووزعتها عليهم وخليتهم اول شي يميزون الصور مفرقه بشكل فردي بعدين يتشاركون مع بعض في تكوين الصوره والمجموعه الاسرع هي الفائزه طبعا كل مجموعه تكون الصوره تطلع تكتبها على السبوره وف الاخير الكتاب حلينا منه كم تمرين على الطاير

بس هذا كان درسي باختصار
واسفه مره ثانيه على التأخير

مشكوووووووووووووووره

Thanks alot

راااااااااااااااااااااااا ااااااائعه يعطيك الف عافيه

الله يرزقك الجنه..

نستفيد من هالخبرات مع مرور السنين

جعلها الله بموازين حسناتك

جزاك الله كل خير وبارك الله فيك