مميزات الانتداب

انا معلمة لسادس ابتدائي لاول مرة و مشكلتي ان الاشراف مصرين ينتدبوني مدرسة ثانية وانا ماني لاقية:drive1:وحكيت لزميلتي(معلمة ابتدائي في مدينة غير مدينتي) قالت ان فيه مميزات للمعلمة المنتدبة من بينها عدم تقيدها بالحضور المبكر للمدرسة اللي انتدبت لها وكمان تقدر تروح بيتها اذا خلصت حصصها ولا تكلف بالمناوبة في مدرستها الاساسية ودفتر تحضير واحد طبعا رحت اتاكد من زميلاتي في نفس المدرسة قالوا لا مميزات ولا يحزنون مثلك مثل اي معلمة في المدرسة تكرف حتى تطلع روحها ودفترين تحضير وكمان تحضير كتابي باليد ممنوع طباعة التحضير فيا ليت اللي عندها تعميمتعرضه لنا عشان ندافع عن حقوقنا واللي مجربة الندب تقول لنا على المميزات اللي حصلت عليها:neutral:

جربت الانتداب السنة الماضية..











اخترت الأيام اللي تناسبني حتى أداوم في المدرسة الثانية..

اخترت موعد الحصص ((خليتها الثانية او الثالثة))

في المدرسة الثانية مالي علاقة بأي عمل آخر ((سواء مناوبة أو جماعات ......)) غير حصصي المندوبة لها..

وبمجرد انتهاءها ..أطلع للبيت..

دفتر التحضير كان واحد مطبوع للأثنين..



ووبس!




















موفقة

فـــــــــــوز,,,,

مثل ماااقالت برومه هذه هي مميززززات الأنتداب,,,,

و بالنسبة للتعميم ماعندي بس ممكن تسألين الأدارة أو المندوبية اللي انتي تابعه لها,,,,,

الله يوفقك,,,

بحسب منطقتك
وبحسب شخصيتك فاخذ حقك لان المديرات احيان يطلعون انظمة من عندهم

اختي الغالية فوز انتبهي لا تغلطين غلطتي لأني اعتمدت عالموجهة انها تبلغ مديرة المدرسة اللي انا منتدبة لها بالمميزات لكن ضحكو علي الثنتين (كيف ؟) اقوللك : قالت لي موجهتي وقعي على ورقة الندب ولك كل المميزات والوضع عادي وثقت فيها خاصة اني كنت رح أفك أزمة المدرسة اللي رايحة لها فقلت أكيد راح يرحبون فيني وبيتفهمون وضعي كمنتدبة ولما رحت للمدرسة اللي ندبت لها استقبلتني المديرة (قبحها اللة) بالاستهزاء والسخرية وانا مش فاهمة شالسالفة ( cute)مررررررةوشوي تقول شوفي حبيبتي زي ماكنتي شايلة هناك احتياط ومناوبة ونشاط تشيلين هنا بعد في الأول انصدمت من وقاحتها وبعدين تطاااااااقيت وياها وشكيت لموجهتي قالت خلاص انتي وقعتي عالندب وقعدت تتفلسف الامانة والامانة بس مااقول غير حسبي اللة ونعم الوكيل المهم انتي خليكي واثقة من نفسك ولاتوقعين على ورقة لانتداب الا بعد ماتكلمين الموجهة والمديرة وتتأكدين أنك بتحصلين على مزايا الندب

مشكورين على ردودكم واختي ضريبة اخلاق قلبي معاك حاسة اني باغلط غلطتك الله يستر بس نفسي اشوف تعميم لاني اعرف ان اي تعميم في مصلحة المعلمة يختفي واذا كان ضد مصلحتنا تلاقون الادارة تلاحقنا به في كل زاوية ولازم توقعين عليه وانتي ما تشوفين الطريق

foz2006


الله يكون بعونكِ والمميزات موجوده وطالبي بها

وبالتوفيق





ضريبة الاخلاق


نفس القصة ونفس السالفة صارت لي ...لكن في الطرف الاخر في عالم الرجال ....حيث يرددون اذا لم تكن ذئبا اكلتك الذئاب


والثقة في هذي الامور هي شئ مشاهد وعلى ورق اما الكلام ياكثر من يبيعه وينادي عليه


بالتوفيق لكِ و للجميع

السلام عليكم ورحمه الله وبركاته

سلااااااااااااام ياحلوة المدرسة اللي انتي منتدبه لها مالك غير حصصك وولك نص ساعة تقدري تتتاخري في الصباح او تطلعي بدري اخر الدوام واضححححححححححححححح
وتحضري تابور الصباح وتخشي احتياط حصة وحدة بس لاغير وخليك قوووووووووووووووووووووووو ية ولا تخافي من احد
وعساهم بعدم العافية المشرفة والمديرااااااات معاهم

تراااااااااااا مديرات المدارس الابتدائية في بعض منهم متخلفييييييييييييييين

انا ادرس في جدة ورقم التعميم349/ 1/5
بتاريخ 6/9/ 1425هـ

انا لي ثلاث سنوات والحين الرابعه وكلها انتدابات يعني مستحيل كنت في مدرسه وحده سنه كامله..مع اني متوسط.. والسنه هذه ابتدائي.. وماعطوني مميزات ولا مايحزنون حسب مديرة المدرسه اذا فيها خير تتساهل وتتجاوز عن اشياء كثيرة.. انا كان عندي لا مناوبه ولا نشاط..
لكن السنه هذه تبيني امسك مواد ثانيه غير الانجلش بحكم ان المدرسه فيها عجز.. وانا معارضه لان صعب ادرس مواد ثانيه.. وجربت السنه الماضية وانظلمو الطالبات...

والله يعين على هذا الظلم.. لو كنا نعرف كنا دخلنا من البداية اعداد معلمات وارتحنا

انا ادرس في الرياض و كل ما اسال المشرفة تقول ما لكم مميزات انتم ربط ومانتم ندب يعني في الاساسية الريادة والمناوبة والاحتياط والنشاط اللامنهجي و كل شي اما المربوطة دوام كامل مع الاحتياط

يا ناس يا عالم من جد شي يقهر
المشكلة ان فيه ناس لا ذمة ولا ضمير
التعميم تلقينه حبيبتي عند مديرتك اطلبيه منها
بالنسبة لنظام النــــــــــــــــــــــ ـــدب:::::::
1- تندب من المدرسة المعلمة التي تكون آخر من باشر في المدرسة يعني لازم تكون أجد المدرسات اللي معها في نفس التخصص.
2- يجب أن تكون المدرسة المحتاجة هي الأقرب للمدرسة المنتدب منها يعني تكون أقرب شي لمدرستك اللي انتي فيها.
المميزات::::::::::
1- لا تطالب المعلمة في المدرسة المنتدبة إليها سوى بإعطاء منهجها ولا تكلف بأي نشاط إضافي يعني لا احتياط ولا ريادة ولا نشاط ولا دخلي البنات.
2- يحق للمعلمة اختيار أيام الندب من الاسبوع . يعني تبينه السبت أو الأحد .......الخ عللى كيفك.
3- تسطيع المعلمة الانصراف من المدرسة عند انتهاء حصصها يعني خلصتي حصصك قولي للمديرة واطلعي كذا يكون خلص دوامك .
الضوابط::::::::::
طبعا زي ما قلنا بعض المديرات هداهن الله لا ذمة ولا ضمير فإذا حاولت انها تبخس شيء من حقوقك قولي لها هذا موجود في التعميم وممكن تكلمي المشرفات سواء مشرفتك ولو برضه هي زي خويتنا ما عندها ذمة ممكن تلجأين للمشرفات الإداريات أو حتى لإدارة التعليم ولو بالتلفون.
العقوبات :::::::::::::
طبعاً إذا رفضتي الندب وكانت الشروط اللي في البداية منطبقة عليك ممكن:::
1- يسوون لك تحقيق.
2- تمنع المعلمة من التوقيع في دفتر الحضور والانصراف في يوم الندب يعني بيكتبونك غياب.
نصيحـــــــــــــــــــــ ـة أخيرة لا تخشي شيء عند المطالبة بحقك ترانا موظفين حكومة ما نشتغل عند أحد
بالتوفيق للجميع

طبعاً احنا هنا نتكلم عن الانتداب الجزئي وليس الكلي
الجزئي اللي يكون على مدرستين مو الكلي اللي يشيلونك مدرسة ثانية تداومين فيها كل يوم يعني فيه اختلاف بينهم ولو ان الشروط الأولية هي نفسها
دمتم بمحبة

مشكورة أختي شمرية .. طيب وماهي ظوابط الندب الكلي؟؟؟

الندب الكلي تنطبق عليه نفس الشروط الأولى اللي هي قرب المدرسة وكونك آخر مباشرة بالإضافة لاستغناء مديرتك عنك
أما بالنسبة للأنشطة الإضافية طبعا زيك زي غيرك عادي تمسكين ريادة ونشاط .........الخ يعني بالعربي ما له مميزات.

اختي شمرية نمبر ون سالت مديرتي الاساسية تقول ما جانا شي من هالكلام والمشرفة دايما تكرر المربوطة تداومين كامل و احتياط وتقول لمديرة المربوطة ترى ماتعاملينها كمنتدبة من لعام ومتحكمين بالايام وبكل شي حتى سالت مشرفة ثانية بمكتب اشراف ثاني ونفس الكلام وانا مقهورة منهم والمدرسة المربوطة بعيدة عن الاساسية ممكن تحاولين تعطينا هالتعميم عشان ناخد حقوقنا و اوزعه على كل معلمات الانجليزي اللي اعرفهم حسبي الله على الظالم لا تهملين الموضوع يا شمرية نمبر ون تراه مهم وبتجيك دعاوي حلوة ورمضان قرب الله يتقبل صالح الاعمال

والله اني خايفة ان التعميم اللي تتكلمين عنه تعميم ندب حق المواد الاخرى زي ماقالت الموجهه وحنا ربط ماحنا ندب وما لنا اي مميزات

ايش يعني ربط ما فهمت؟
المهم إذا مديرتك وموجهتك قالو هالكلام ممكن تتصلين بالمشرفة الإدارية وتطلبين التعميم من حقك تقرينه والمفروض توقعين عليه كمان لكن انتي قولي لهم أبغا التعميم عشان أعرف اللي لي واللي علي أبغا أطلع عليه
إذا كنتي منتدبة من مدرسة لمدرسة زي ما وضحت في البداية فأنا متأكده من كلامي لأني مريت بنفس التجربة وأخذت حقوقي كاملة بالنسبة لك إذا كنتي موقعة على الندب خلاص ما يحق لك ترفضين لأنك وافقتي
حبيبتي السبت إن شاء الله ادخلي على مديرتك وخليك واضحة وواثقة وبنفس الوقت تعالي لها بأسلوب طيب يعني بهدوء قولي لها أبغا التعميم ضروري عشان فيه حاجات ماني فاهمتها أبي أطلع عليها بنفسي واطالبي منها إما تكلم الإشراف وتطلبهم أو قولي لها بأكلمهم أنا وأطلبه خليك حازمة إذا رفضت كلمي المشرفة الإدارية وقولي لها نفس الكلام قولي أنا محتاجة أطلع على التعميم ضروري وانتي وأسلوبك عاد.
عزيزتي كلمة أخيرة قبل لا تبدين بأي شي استعيني بالله ووكلي امرك إليه واقري الأدعية المأثورة في كتيب حصن المسلم طبعاً انتي اللي في المشكلة وانتي ادرى باللي يصلح لك اذا ما كنتي مقتنعة بكلامي لا تسوين شي انا كل قصدي اني أفيدك والتعميم والله مو عندي ولا أعرفمنين أجيبه عالنت لكن هو بكل المدارس أكيد.
دمتي بود

السنة الماضية جا لكل المدارس تعميم خاص باللغة الانجليزية يقول كل معلمات الانجليزي الابتدائي يكملون بمراحل اعلى(متوسط او ثانوي) ومعلمات الانجليزي المتوسط والثانوي يكملون بابتدائي (هدا يسمونه ربط يعني ربط مدرستين بمعلمة وحدة) ووين ما اسال يقولون ربط ومالكم مميزات لا وبعد اجباري مو بزي الندب العادي للمواد الخرى وفعلا زي ماقلتي بعض الزميلات حصلو مزايا الندب لان المديرة تحسبهم ندب زي المواد الاخرى او انها بنت حلال وتعطي مميزات وبصراحة هدا هو المنطق والعدل وبعضهم لا مثلي من اول ما رحت كلمت الموجهة المديرة تفهمها يعني وتقل لها (لا تعاملينها كمنتدبة) حسبي الله عليهم الثنتين وعانيت كثير ويالله فكيت عمري من الريادة والمناوبة في المربوطة وسووني كثيرة مشاكل والله اعلم وش صار في الاداء الظيفي ونظراتهم كلها حقد الله يكافينا شرهم وانا والله قايمة بكل واجباتي في الاساسية مناوبة ريادة وكل شئ والمربوطة دوام كامل وموبعاجبهم ومشكورة يا اختي شمرية نمبر ون على الرد وتفاعلك معي وبسال انشالله السنة هدي عن التعاميم يمكن يكون في شئ جديد