دعوة للنقاش ( ماذا تفعل لو علمت بان طلابك؟؟؟)

السلام عليكم ورحمه الله وبركاته

تحية طيبة ,,,


ياليت الكل يشارك في هذه الدعوة وهي ///

لو علمت بان طلابك يقولون( وصلني من احدى المعلمات ادرس بنتها) بان الطالبات لا يشعرون بخوف من مادة اللغة الانجليزية ؟؟ ماذا سوف تكون ردة فعلك ؟؟؟

اقول لكم القصة ::: :smile (22):

كنت اوري وحدة من المدرسات ااجابة بنتها في الامتحان الشهري واخذت عندي ( 9) من ( 10) والاغلبية درجاتهم عندي ( 9) الا يمكن اربع بنات ماخذين مابين ( 3_ 5)

المهم قلت لها شوفي وين بنتك غلطت فيه ..
قالت لي والله اني بنتي يوم اللي قبل الامتحان شفتها ماتذاكر وقلت وليه ماتذاكرين عندك بكرة انجليزي قالت البنت
اصلا معلمتنا ما تصعب الاختبار كل اختباراتها سهلة ؟؟ :smile (72):

انا بصراحة تفاجات من كلام الام وقلت في نفسي ( اذا البنات مستهترين فيني وفي مادتي )))

انا اشرح وما اخلي شئ الا واحاول ابسطه لهم لكن اسلوبي في الشرح ( سمعته من وحدة) انه سلس وقريب للفهم بشكل سريع ,,,
يعني ما ادخل في متاهات ولا احاول اتوه الطالبة اعطيها على قولتهم الزبدة والمهم ,,
اعطيهم اوراق عمل ,, تطبيقات وكلها اخذها من هذا المنتدي ,,,

تقريبا نفس التطبيقات اللي ياخذوها اجيبها لهم في الامتحان ,,,

في نفس اليوم ( قالت المديرة ان ام دقت عليها وقالت (( معلمة انجليزي تشرح للطالبات بالعربي , وانا بنتي شاطرة بالانجليزي ,, فياليت تقولون لها تشرح بالانجليزي )))
انا بصراحة عرفت ان المقصودة انا لان القاعدات اشرحها بالعربي وشوي بالانجليزي ابغى الطالبة تفهم ,,,:smile (33):
:smile (33):بصرحة حسيت اني فاشلة يعني في نفس اليوم هذا الكلام كله ,, صعبة شوي

اول سنه تعينت فيها ( كنت اتكلم بالانجليزي ,,, واشتكوني الاهالي يقولون بناتنا ماهم امريكان علشان تكلهم كله بالانجليزي :smile (54):

ماعرفنا لهم ( اذا شرحنا كله انجليزي مافهمو وزعلو ,,, اذا شرحنا فيه شوي عربي زعلو ؟؟؟

علشان كذا انا قررت ::smile (22)::smile (22):

لاشرح كله باالانجليزي وجعلهم مافهمو معي :smile (33)::smile (33):

واسالتي والله لاصعبها وجعلهم ما نجحوا ,,,

لاني خلاص طفح الكيل منهم

وعليكم السلام ..

نفس اللي صاير لي :smile (69):

انا لسى متعاقدة .. يعني جديدة ..
تفاجأت ان البنات يشتكووون علي لكل الابلات .. والابلات يتوسطون عندي ويقولون ارفقي عليهم !

تخيلي عشان ايش ! .. عشان اشرح بالانجليزي !!:smile (82):

اضطريت اني احول بالعربي .. وصرت زيك اشرح القاعدات بالعربي
والكلمات اذا مافهموا معناها .. اقولها عربي ! .. بس صدقيني ارضاء الناس غاية لاتدرك
محد يعجبه ولا احد بيفهم غير اللي تبغى تفهم .. وزين اللي جابوا درجات حلوة عندك ماشاء الله :smile (38):

الله يوفقك .. وان شاء الله اللي عندهم خبرة اكثر يفيدونك : )

هدي ........ هدي
بسم الله عليك

وصلي ع النبي




يا حبيبتي امسكي العصاية من الوسط


واشرحي كله باللغة الانجليزية كما ذكرتي

واكيد سيفهمون خصوصا اذا كان بطريقة سهلة مبسطة


وربي يوفقك

فعلاً .. أختي ...


كل واحد وله طريقة يبي يوصل للفائدة عن طريق هذه الطريقة المقتنع فيها ..


فمنهم إللي يبي بالعربي .. والآخر يبي الإنقلش ..



المهم أختي ..


أشرحي بالإنقلش .. وخلي وحدة من الطالبات هي إللي تعطيك الزبدة بالعربي ... وراح يفهمون عن طريقها ...


وتوكلي على الله ...

orion + balqees + مها

تحياتي لكم و شاكرة لكم تفاعلكم معي والله اني ارتحت شوي لاني قسم بالله اني مرررررررررررررررررة واصلة معي منهم ,,,
اثلجتوا صدري بردكم ,,,

زي ما قلتوا انا خلاص باسير اشرح كله بالانجليزي وما راح اوقول ولا كلمة عربي

تحياتي لكم

انا مثلكم جديده
ان شرحت يوم عربي قالوا ليش
ويوم انجليزي قالوا ليش
والله احترنا معهم
واستنتجت الحل
اني اتكلم انجليزي بس الكلمات الصعبه اقربها لهم اما بالصور او بعض المواد او الرسم على السبوره او اخلي وحده من البنات تقولها بالعربي

لو انـــــي رسميــــه كان شرحــــت بالانجليــــزي

وبالطقـــــاق ما عــــدا القاعـــدات ممــــكن ادخــــل شوي عــــربي


لكــــن الشكلـــه انـــــي متعاقـــده اخـــاف لو كثــــرت علي الشكــــــاوي يصيــــر لي

ما لا يحمـــد عقبـــــــــــــــــاه

الله المستعــــــان

بالعكس منتي فاشله

واذا طالباتك ياخذوون درجات زينه

فهذا دليل على نجاحك وانك توصلين لهم المعلومه بطريقه صحيحه

اما الام اللي تقوول بنتا فاهمه انجليزي اعتقد وبشكل مختصر انها تبي(تهايط):)


ورضا الناس غاية لاتدرك


لكن امسكي العصا مثل ماقلو من النص


والله يعين على الطلاب وبعض اولياء الامووور

ياحبيلكم أنا متعقده قصدي متعاقده صار لي 6 سنوات
أشرح بالإنجلش إلا القاعدات أعيدها بالسريع عربي
ومستوى البنات عندي كويس

وعليكم السلام ورحمة الله وبركاته ].~

الله يكون في عونك.."

وانا عن نفسي .. وسط أو أحاول اكون متوآزنه وأحقق العدل بالبنات وفهمهم ..


شرحي : كله بالانجليزي .. واذا حسيت عدم تجآوب (( عدم )) .. يعني ولا بنت قالت عربي عطيتهم عربي شوي ..
( ( لانهم بالعاده يرددون اللي اقوله بالعربي ) ) ويوضحّون لي انهم فاهمين .. ..



او اذا كانت فيه بنت تقول بالعربي .. خليتها هي تشرح لهم ..]


اتذكر كان عندي بنت شرحت عندهم كنت اقول الشي وتقول وراي لزميلتها جنبها بالعربي الله يحفظها كانت ممتازه ..

وكانوا البنات يرجعون لها ويسألونها .. ويمدحون في شرحي .. لانهم فهموآ ..


صعبه اني بتكلم عربي وانجليزي مع بعض :s

جربتها تعبت وصارت لهجتي معهم بالشرح ( غبيّه ) .. :(


لذلك اخليها انجليزي وبس .. وشوي عربي نهاية الحصه مثلآ .. او عند اللزوم .. كمآذكرت ]


وانتي اشرحي للبنت اللي ماتفهم بالعربي وقولي لها المره الجايه راح اخليك انتي تشرحينه بالانقليزي ] ]

عشان تحرص انها تحوّل العربي عندها الى انجليزي ]


/~




الله يكون في عونك .. ويعين الجميـع . .


[ .. وإرضاء الناس غاية لاتدرك ..]



بالتوفيق ]

الصراحة اكثر شي ينرفز الواحد هو اللوم من اولياء الامور اللي ينتقد المعلم وطريقته وكأنه معلم مكمل 40 سنة خدمة ! وآخر تفكيرهم ان ولدهم او بنتهم هم اللي مقصرين وهذا الغالب . خصوصا ان الطاسة ضايعة في تعليمنا . والله مو ماكلها الا هالطلاب الضعوف اللي ظالمهم المنهج وتقليدية التعليم . بس مااقول الا خل الدرعى ترعى !

معاكم حق ماحد عاجبه
لكن دام انا معلمة انجليزي ابدرس بالانجليزي
اللي يبي يفهم والا بالطقاق تعبونا
وبالتهايه لاشكر ولاتقدير بس انتقاد
يسلموو على الموضوع

الله يعينكم ويجزاكم خير وهذا كله بموازين حسناتكم وربي يكتبلكم الاجر

هذه حصة انجلش يعني لازم نشرح بالانجلش

و الله يعينك على توفير الوسائل اللي تسهل لك توصيل المعنى

الحل عربي انجليزي تتكلمي بنجليزي و على طول ترجمة بعربي

الله يكون فعونك

http://img412.imageshack.us/img412/4...1mj2bq4cj4.gif

انا عن نفسي اشرح انجليزي وبعدين اعطيهم الزبده بالعربي .
بس والله طالباتي رايحين فيها. جيتهم بديله بس في وقت متأخر. مستواهم ضعيييف مرة بس حسيت انهم بدأوا يتحسنون.

I used to speak english in the class but sometimesI need arabic in explaining gramme r but I try to avoid using Arabic as possibible as I can I advise explain in english and dont carefor familieswho like complaining teachers DO you r bes t and use body language cards posters everything you know best good marks foryour students tha tmeansyou area good teacher dont care

حبيتي عدم خوفهم من المادة دليل نجاحك وترسيخ المادة في ذهن الطالبات عشان كذا مايحتاجو يذاكرو كثير فاهمين

نصيحة لاتسمعين الا لضميرك ودعي كلام الناس فلا عليك مما يقول اسألتك سهله و ما الى اخره فلا ارى احدا يشتكي من صعوبة مادة الا وارى ان المعلمة لا تجيد شرح المادة

بالنسبة للشرح اشرحي بانجليزي وترجمي بعده انجليش او استخدمي صور او وسائل تؤدي المعنى

اما اغلب الحصه عربي والمادة انجليش ؟؟ اسمحيلي لاتعتبر حصة انجليش

كل التوفيق لي ولك وللكل
اللهم اني اسألك علما نافعا ورزقا طيبا وعملا متقبلا