تعالوا دوروا لي حل في مصيبتي مع الإشرآآآآآآآف والندب الثالث

السلام عليكم

يا أخوات بستشيركم في موضوعي الله يجزاكم كل خير

أنا من بداية عقدي وأنا معلمه في مدرستين مدرسه أساسي وأداوم فيها فقط يومين لأن فيها فصل واحد فقط والمدرسه الثانيه منتدبه فيها وأروح لها 3 أيام فيها طبعا فصلين ثالث

أنا الحين خلصت الحروف ولله الحمد وماشيه تمام وبدخل من السبت في الأرقام

المشكله ويـــــــــــــــــــــــ ـن..؟؟

المشكله في مديرة الإشراف اللي أنا تابعه له طبعا أنا في الرياض مديرة الإشراف دقت علي قبل إجازة الأضحى وقالت لي تروحين ندب سد عجز للمدرسه الثالثه وطبعا المدرسه الثالثه بعيــد حيـــل عني
السواق رفض وأقنعته قال برفع عليك الإجره هو ياخذ 1000 من قبل المهم دقيت عليها وشرحت لها ظروفي قالتي أنتي إذا رحتي بتسدين العجز لين يجون المعلمات وفيه اصلا 3 معلمات الحين يوقعون عقودهم في المركز الرئيسي بعدين توصلنا أنا وياها إلى أني ما أروح وأنها توجه وحده من المعلمات الجدد للمدرسه اللي كنت بروح لها أو تدور مدرسه حولها وتندبها لها

المصيبه أن مديرتي بالمدرسه حضرت إجتماع يوم الإثنين هذا اللي فات بتاريخ 7-1 وقالت لها مديرة الإشراف المعلمه اللي عندك لااااااازم تندب للمدرسه الثالثه لأن المركز الإشرافي اللي نتبع له مافيه إلا 8 معلمات إنجلش فقططططط
وكل معلمه على 3 مدارس وهي المعلمه الوحيده اللي ماراحت مدرستها الثالثه
قلت لمديرتي كيف وهي قايله لي من أول إنه مجرد سد عجز قال لا تقول أنا كنت أحسبه سد عجز لكن اللي اتضح إنه ندب دائم
وقالت إن المسؤله في إدارة تعليم الكبيرات قالت لها الغنجليزي مو اساسي عادي يمشوونه وبس

هذا يعني إن مدرستي الثالثه ماخذوا ولااااااااااااااااااااااا اا درس لدرجة إن مديرة المدرسه الثالثه كانت حاضره الإجتماع وتقول وينها معلمة الإنجلش تعنيني أنا :(
تقول أنا معطيه وحده من المعلمات اللي عندي تمشي المنهج للدارسات
طيب الحين وش أسوي؟؟؟؟؟؟؟؟؟؟؟؟؟
الناس الحين بالفتره الثانيه وباقي شهر بس ويعطلون الدارسات وأنا بروح لهالمدرسه بس يووووم بالإسبوع كيف بمشي المنهج وش أسوي يانآآآآآآآآآآآآآآآس والله أحس إني بتجنن
هذا غير السواق اللي يجيبني من أقاصي الشمال لأقاصي الجنوب بألف الحين كم بيرف السعر

والله اني أفكر أترك هالأميه أحس إنها ساتين بس دوامها بس فيها ضغط موووو طبيعي
أحس راسي بينفجر من التفكير والهم

وبسألكم تكفوووون هل فعلا كل معلمات الإنجليزي يروحون 3 مدارس؟؟؟؟؟؟؟؟
ياناس كيف نعيش هالعيشه؟؟؟؟؟؟؟؟؟؟؟؟
والله قعدت البيت أبرك مليوووون مررررررررره

هلا حبيبتي
انا ادرس بثلاث مراكز وبمنطقه تبعد عن بيتنا بساعة تقريباً وكل مدرسة تبعد عن الثانية
مشكلتي الي يوديني اخوي ومو لاقية سواق بعد
واخوي بيروح دورة بالعسكرية بنهاية الشهر
مع العلم امي تدرس طالبة بمحو الاميه وعندهم مدرسة انجليزي ماتدرس الا بمركز واحد ومعطينها تدرس مواد ثانية
يعني مو شرط 3مراكز
والله حنا يامعلمات الانجليزي مساكين مشتتات ولا الحين حتى الغياب الاضطراري مافيه كملت من كل النواحي
ربك بس يعينا تاليتنا نجلس بهالبيت ارررررررررررررررررررررررر ررررررحم من الذل

الله يعين الجميع بس مو شرط المعلمة تمسك
3 مراكز يمديك ترفضين دامك اصلا منتدبه لمركز تاني او على الاقل يندبوك لمركز اقرب
وبالنسبة للاطراري ترا فيه 5 ايام اضطراري بالسنه مين قال مافيه

غلاتي انتي مو مضطره تروحي .. استخيري وشوفي .. بس انا منتدبه بمدرستين واتوقع لو جاتني الثالثه ح اوافق .. الله ييسر لك أمرك ويهون علييك

هلا انا من الشرقية في مدرسين بس السنة سكروا بعض المدارس وفي مدرسات بس في مدرسة وحدة
واختاروا وحدة مشرفة علينا من المدرسات