تجمع | كفايات المعلمين والمعلمات | تخصص انجليزي -1436هـ -2015

بسم الله الرحمن الرحيم
السلام عليكم ورحمة الله وبركاته

درت ولفيت المنتديات , ابي احد يدرس معي فقلت ما الي إلا منتديات سعودي انجلش لانها في التخصص.
نستعد سوى , احلى إذا صرنا متعاونين نعين ونعاون ونتحمس

تذكير بمواعيد ( اختبارات قياس )

المهم الله يسلمكم هذا الموضوع باين من عنوان ( لا اقصد step ) وإنما اقصد الاستعداد لاختبار المعلمين والمعلمات اللي بشهر 4 وللي تخصصهم انجليزي
نوع الاختبار ( كفايات المعلمين والمعلمات )

والحين احنا بشهر 2 , يعني يمكن ما نقدر نلم بكل المعلومات لو بدأنا ابكر كان ,, لكن ممكن نلحق لو على شوي , لان اساسا يبغالنا بحث عن طريقة الاختبار و الالمام باللي نقدر عليه من معلومات .

الله يجزاكم خير خلونا نتشارك هنا , طبعا ولا مرة دخلت الاختبار , وهذي أول تجربة لي , ومن خلال بحثي في النت عرفت ان فيه اسئلة عامة وأسئلة تخصص , يعني بتجينا اسئلة في الانجليزي وأسئلة عامة المهم أي معلومة بخصوص أسئلة التخصص أو الأسئلة العامة خلونا نتشاركها الله يسعدكم.

اللي اختبروا من قبل وما اجتازوا تعالو ندرس سوى..

هنا نضع ملفات , شروحات, اسئله وحلولها

بالمناسبة يا ليت اللي عنده حساب على تويتر ويبي يجذب دارسين معنا , يغرد بهالموضوع علشان نصير اكثر ونفيد بعض بمعلومات اوسع .

خطر على بالي فكرة

وبما اننا تخصص فقلت يمكن يجيبون اسئلة من اللغويات فإيش اللي سوسيته رحت الله يسلمككم طلعت كتاب اسمه The Study Of Language - George Youla

طبعا تعرفون اللغويات أوسع من هذا الكتاب , لكن اذكر اننا درسنا من هالكتاب تحت مادة اسمها ( مدخل إلى اللغة) ولقيته شامل للمعلومات الاساسية . فقلت الحق عليه على الاقل.

الفكرة

بما اننا نتعاون في هذا الموضوع فاللي بترفع معلومة أو ملف تحطها هنا , أما اللي بتشرح كتاب محدد تخصص له موضوع خاص فيه ( إن شئتوا )

فودي أخصص موضوع لهذا الكتاب , وبفتح الموضوع في القسم المناسب على منتديات سعودي انجليش ألا وهو قسم اللغويات , والسبب أن الموضوع ممكن يحتاجها طلاب أو أي احد آخر, وممكن يكون مرجع للسنة الجاية لو لا قدر الله ما اجتزنا , فيكون مرتب متى ما بغيناه.
فما ابي احوسه بين ردودنا هنا.. يعني مجرد فكرة. وإذا صار عندي تساؤل بخصوص شيء ثاني ان شاء الله بجي أحطه هنا.

انتبهوا مو بس نركز على هذا الجانب , ترى الاختبار متنوع , فيه مفردات , وقواعد , وشيء عن طرق التدريس على ما أظن , يعني انتبهوا
بس اني قلت بحاول بالمقدور عليه وحاليا بدأت باللغويات .. ( الحين احنا شهر 2 يوم 18 ) لعلي اخصصه للغويات وشهر 3 الله أعلم ! )

شوفوا فتحت موضوع خاص بشرح معلومات في ( اللغويات )
من كتاب The Study of Language- Gorge Yula

في قسم Linguistics courses

هذا هو الموضوع :
مدخل لدراسة اللغويات من كتاب The Study of Language- Gorge Yula

السلام عليكم >> لو سمحتوا كيف تم تسجيلكم للاختبار ؟ :( مكتبا فاشل والموجهه تختار من راسها المعلمات مع العلم اني جديده بالمجال كيف اقدر اختبر لانه الشغل واسطات عندنا

..............

يعطيك العافيه

اقتباس:

---

المشاركة الأصلية كتبت بواسطة always smile

السلام عليكم >> لو سمحتوا كيف تم تسجيلكم للاختبار ؟ :( مكتبا فاشل والموجهه تختار من راسها المعلمات مع العلم اني جديده بالمجال كيف اقدر اختبر لانه الشغل واسطات عندنا

---

لا بعضنا مو مدرسات . شرط للتوظيف اننا ندخل الاختبار . العام أتوقع والتخصص . نسجل من مركز قياس نفسه
حطيته بالمقدمة .

الله يعطيك العافيه

فالنا الإجتياز ان شاء الله..

الله يوفق الجميع

للهم اميييين يارب ان شاء اء الله نجتاز ونرتاح من قياس
من المفترض يقتصروا الاختبار على التخصص فقط العام ماله دخل مرررا بالتعليم اكيد الامور التربوية العامة الكل ملم فيها ويعرفها اهم شىء التخصص .. ~

للهم اميييين يارب ان شاء اء الله نجتازو نرتاح من قياس
من المفترض يقتصروا الاختبار على التخصص فقط العام ماله دخل مرررا بالتعليم اكيد الامور التربوية العامة الكل ملم فيها ويعرفها اهم شىء التخصص .. ~