مشكلة عويصة اعاني منها كل سنة

السلام عليكم و رحمة الله و بركاتة

تحية طيبة للجمييييييييع

حبيت اليوم اشارككم بمشكلة اعاني منها كل سنة بتدريس مرحلة اول متوسط و ما لقيت لها حل ناجع حتى الان


مشكلتي وهي تدني مستوى الطالبات الي يجوني من سادس و عدم معرفتهم لابسط مبادئ اللغة الانجليزية و هي الكتابة السليمة على الاسطر الصحيحة و عدم قدرتهم على التشبيك السليم

و للاسف هالسبب و لاغلب الطالبات هو ان معلمتهم بسادس ما تعلمهم هالشي فيجوني باول ما يعرفون وين يحطون الحرف و لا يعرفون شلون يشبكون الحروف ببعض و الادهى و الامر ما يعرفون حتى يكتبون الحرف بالشكل الصحيح كثير منهم يجيوني يكتوب تخيلوا من اليمين لليسار !!!!!!!!!!!!!!!!


يعني بالله وش اسوي !!! ارجعهم لسادس عشان يتعلمون هالمبادئ البسيطة الي المفروض انها شي مفروغ منة !!

يعني اقعد ادرسهم دروسهم الجديدة و لا اقعد اعيد عليهم منهجهم القديم

ممكن البعض يقول اني ما مر علي منهج سادس بالعكس انا صار لي 5 سنوات ندب لسادس و لله الحمد مو مدح بنفسي لكن اغلب طالباتي يوصلون لاول وهن متقنات التشبيك و الكتابة السليمة و خطهم يكون قمة بالرووووووووووووووعة ناهيك عن مستواهم الحلو


لكن الي يجرح و يحز بالنفس ان المعلمات الي يمسكون سادس عارفين انها مرحلة تأسيس و هي عماد الي يرتكز علية كل تعليمهم القادم من اللغة لكنهم يهملون فيها

و نعم اقولها بافم المليان يهملون فيها لانهم اولا ندب للمرحلة و غالبا مغصوبين عليها

ثانيا يعتقدون انها مو مهمة و تمشية حال

ثالثا ما يهتمون بتقوية مستوى الطالبات لان الطالبات هذول ما راح يجونها باول متوسط لانها ممكن تدرس بمدرسة بعيييييييدة عن مدرسة ندبها فليه تتعب نفسها عليهم ؟؟ و انا سمعتها من اكثر من معلمة لما ناقشتهم بنفس الموضوع



عارفة اني كثرت الكلام بس والله من حر ما فيني لان اهمال معلمات سادس بالمدارس الي حول مدرستي كل سنة انا الي اتحملة و تجيني الموجهة تقول لي لية مستواهم كذا بالخط ما يعرفون يكتبون !! كأني انا الي درستهم الكتابة مو معلمة سادس الي هي المفروض تحاسب على هالشي


والله اني احاول ارفع من مستواهم و اجيب لوحة عليها الاسطر الاربعة و احاول اعلمة الكتابة الصحيحة عليها و اعلمهم التشبيك لكن في ظل زحمة المنهج و الدروس ما يكون شغلي مكثف مثل سادس و في البعض يجتهد و يمشي معاي لكن الاغلب خلاص رسخ عندهم طريقتهم بالكتابة بسادس


فاتمنى منكم جميعا اذا في طريقة سهلة و بسيطة و الاهم نافعة انكم تساعدوني فيها لاني خلاص استنزفت كل الي عندي

اعتذر مرة ثانية للاطالة

و بارك الله فيكم

صدقتي والله اختي العزيزه انا بأعاني من نفس المشكله!!! الله المستعان ..
الى الان وانا بأعلمهم اشلون يكتبو الحروف ويشبكوها تخلص الحصه ودرسي المفروض اكمله ما كمل:smile (82):

حياك الله
والله لا يجيب المشاكل


عندك حق في شكواك و وجهه نظرك

لكن,, كل محاسب من الله عن عملة وعلمة

فلا تتعبي نفسك وانما غيري ما يمكن تغييرة

من كم سنة وجد سادس

واذكر اني درست المنهج على اول سنة طلع من غير منهج سادس وهذا هم ممتازات باللغة

سنه اولى متوسط ايضا سنة تأسيسة وتحتاج لمتابعة وتركيز وهمة ونشاط

ركزي على الكتابة

واعطيك اكثر من طريقة لمتابعة الخط والكتابة

1- عن طريقة ورقة الكتابة وقد عرضت فكرتها مسبقا

http://www.saudienglish.net/vb/showthread.php?t=78233

2- عن طريق تقسيم السبورة بنفس شكل خطوط الكتابة ومع اي كلمة جديدة دعي طالبة تتهجئ حروف الكلمة عن طريق الكارد والاخرة تكتب ع السبورة وبكذا يتسنى لك متابعة اكثر من طالبة

3- عن طريق الكتابة خلفك( لن تحتاجي لشرح قواعد الكتابة سوى حصة واحدة )
انت تكتبين ع السبورة وطالبة تكتب بنفس الرسم في الدفتر ومن ثم مرورك السريع بينهم لملاحظة طريقة الكتابة


المهم الموضوع يحتاج لنفس وطول بال ولو درست ثانوي ستتفأجين ان ابسط قواعد الكتابة لا تطبق في الكتابة

فريحي بالك واعرفي ان الوقت لم يفت ومازالوا طالباتك ايضا في مرحلة تأسيس

اسأل الله لك التوفيق

جزاكم الله جميعا الف خير على ردودكم الجميلة و الله يجعلها في ميزان حسناتكم


اختي الغالية صمت الورد الله يعيننا و اياك و ان شاء الله ربي يسهلها علينا و ما يحرمنا من الاجر


اخي نوافي الف شكر على ردك الجميل و انا كمان درست باول سنة نزل فيها منهج سادس بس كنت عقد

و انا معاك بان كل محاسب على حسب عملة لكن الي يحز بنفسي لما تجي الموجهة تحاسبني على اخطاء و اهمال معلمة سادس الي اغفلت تعلمهم كل هالامور و ترمي الحمل على ظهري لاني انا المسؤولة الان بتصحيح اخطاء من سبقني !!! فلية ما تروح تحاسب المعلمة المهملة مو تجي عندي الي اتعب نفسي و احاول اجتهد تقول لي خوذي حصص اضافية عشان اعلمهم !!!

و انا باذن الله ما راح اقصر و اعمل الي ربي يقدرني علية اني ارفع من مستواهم لكن ودي بحلول مناسبة يعني اقدر اطبقها ب 45 دقيقة مدة الحصة بدون ما تضغطني و تخليني اخل بشي من الدرس فاغلب دروس اول كلمات جديدة باعداد مهولة بالدرس الواحد ناهيك عن تدريبهم على نطق الكلمات الجديدة و تهجأتها و شرح المحادثة و وضع اسألة عليها و قرائة الطالبات لها و غيرها من التمارين الي بالكتاب الي تاخذ وقت فاذا طبقت الطريقة الي اقترحتها وهي تقسيم السبورة اعتقد انها راح تاخذ وقت كبير من الحصة !!

اما طريقتك الثانية فباذن الله احاول اجربها بالاستعانة بلوحة فلين مغلفة تكون عليها الاسطر الاربعة و افكر استعين بطريقة المعلمة الصغيرة فاخليهم هم الي يدورون عالبنات و يشيكون عليهم لانك لو تشوف الاعداد الكبيــــــــــــــــــــ ــــــــــــــــرة عندنا بالفصول تنهبل فانا وحدي ما راح اقدر عالطالبات كلهم

و على فكرة انا خليتهم يقسمون دفتر الفصل الى قسمين قسم للدرس و قسم للخط يكررون فية الكلمات الجديدة الي اخذوها بالتشبيك لكن خلال هاليومين الي فاتوا ما شفت منها نتيجة لكن ممكن مع الطريقة السابقة تفيد اكثر يارب


اما بالنسبة للثانوي الله لا يبلانا فيهم هههههههههههههه صراحة يجيبون الاحباااااااااااااااااااا اااااااااط


موفقين جميعا

سبحان الله حتى انا عندى نفس المشكله ..

انا استلمت اول متوسط ولقيتهم ما يعرفون من اللغه الانجليزي شئ .. والله صفر تماما ولا شي .. وابدأ معاهم العاام الماضي كامل وتعبت معاهم من حيث اوراق العمل والتطبيق والشرح والعمل المتواصل طواال العام واالان انتقلوا للصف الثاني متوسط والله مستواهم صاار خياالي انى الان صرت اخاف ادخل الحصه وانا مو محضر لان اسئلتهم صارت كثير ومتنوعه ومشاركاتهم صرات كثير لدرجه ان الفصل كامل يشارك ...

المصيبه جانى ذي السنه طالب فى ثاني متوسط جديد .. وطالبين فى اول متوسط .. والله العظيم بينهم وبين طلابي هوه تعليميه كبيره وخصوصا اللى جاانى بثاني متوسط مسكين ما يعرف ولا ابجديات اللغه الانجليزيه لا كتابه ولا قراءاه ولا حتى يفهم قواعد بسيطه مثل تصريف فعل to be والله محزني مرره .. وصراحه كل الطلاب اللى جوني منقولين من مدارس ثانيه دائما يجوني ما عندهم اى ابجديات باللغه لا كتابه ولا قراءه ونفسي اعرف المدرسين اللى يدرسون وش كانوا يسوون بالحصه ..

حسبي الله ونعم الوكيل فيهم ...

الله يعينك يبغالك جهد كبير ... انا دخلت ذي التجربه العام المااضي والحمد لله السنه ذي انا مرتااح تماما معهم ..

اهلين اخي

والله شكل مشكلتي مو طلعت انا الوحيدة فيها ههههههه

والله جد شي يقهر لما تتعب و تعلم و لما ينتقلون طلابك للمرحلة الي بعدها يستلمهم معلم غيرك و يجيك يشكرك على جهودك بمستوى الطلاب الي مريحة جدا لكن انت بالمقالب تستلم كل سنة دفع مستواها متدني جداااااااا

ما اقول الا الله يعيننا جيمعا و لا يحرمنا الاجر

ما راح ازيد على من سبقوني بالكلام
لكن هذا شي طبيعي ونشاهده في هذه المرحلة, نفس طلابي العام الماضي في اول متوسط علمتهم كيفية كتابة الحروف, وكررتهم معهم في ثاني متوسط الاسبوع الماضي لأن لاحظت انهم يحتاجون ترسيخ مهارة الكتابة كل سنة..
والمطلوب منهم في هذه المرحلة الكتابة بالأحرف الصغيرة واتقانها قبل معرفة المشبك cursive

انا عودت نفسي الدفعة اللي ادرسهم بسادس يواصلون معي للمتوسط عشان ارتاح مادام تعبت في سادس واسستهم صح
لكن اللي زي حالتك صعبة فعلا انا سبق ودرست ثاني متوسط وباولى مادرستهم ولقيت جزء كبير منهم اشياء بسيطة مو عارفينها الله يكون بالعون والمديرا يقولون لك وش يعني تاسيس

مشكلة التشبيك ليست بمشكلة لأن الغالبية العظمي تكتب مفصل ولكن المشكلة تبقى في كتابة الانجليزية من اليمين الى اليسار وضعف المستوى ولا ارى إلا تكثيف تمارين الواجب عليهم وربي يوفقك ويجعل التوفيق فالك .

أعتقد من الأفضل محاولة تعليمهم الأشياء الأساسية ولو حتى على حساب منهج الصف الأول خصوصا معرفة الحروف وطريقة كتابتها فقط أما التشبيك فلا أعتقد أنه ذو أهمية فنحن تخرجنا من الجامعة ولم ندرس تشبيك الحروف

كنت أحسب اني انا فقط اللي أعاني من هالمشكله لاني ادرس في مدرسه مستواها تعليميا اقل من المتوسط ... والله انني احمل هم العام الدراسي الجديد لانهم ياتون وكأنهم لم يدرسو اللغه الانجليزيه من قبل ؟؟ لايعرفو كيف ينطقو ولايفرقو بين الحروف ولايعرفو صوت الحرف نفسه تقريبا الفصل الاول كله معاناة مع الحروف وكيف نجمعها عشان ننطق كلمه رحمااك ربي ... بس انا بلغت المشرفه وذكرت لها اسماء المدارس اللي تخرجو منها وقلت شوفو المعلمات وشددو عليهم شوي .. لكن الوضع زي ماهو ماتغير شي .............الله يعيننا واياكم

يابنت الحلال الموضوع سهل المتوسط امرهم هين وتأسيسهم انتي تقدرين تقوينه
بس بتتعبين احتسبي الاجر فيهم ..
انا كنت ادرس ثاني وثالث ثانوي موعارفين الاحرف ..
تعععععععبت وصرت اوزع اوراق الاحرف عليهم ومن اول وجديد اشرح رغم ضغط الحصص
الحمدلله على اخر السنة صارو احسن بكثيييير..
والقرامر مهم جدا ..تراجعينه

انا كارهة التدريس كله ..ان شاء الله اصير مشرفة عالكمبيوتر بعد تشرط وارتااح !!

وعليكم السلام ورحمة الله وبركاته

عطيهم ملازم فيها الكلمات الجديدة مشبكة, و تحتها سطور بحيث انهم يشوفونها و ينسخون. و خلي النسخ يكون في آخر الحصة.. وإذا ما فيه وقت مري على مجموعة في كل حصة عشان تشوفين كتابتهم.

الله يعينك

أختي أنا أعاني من نفس المشكلة ودائما أنا أدرس أول متوسط وفعلا ماكأنهم درسوا انجليزي من قبل!!! لإانا أبدأ معاهم كأنها أول سنه بيدرسوا المادة وأنا كل دروسي معاهم بعروض بوربوينت وهذا بيساعدني كثيير وباعرض الدرس على سبورة والسبورة الثانية باسطرها واكتب عليها الأحرف وباطلب من بعض البنات يقومو يكرروا الحرف على الأسطر .. وبكذا يمشي الحال ..وطبعا أنا باترك أول حصتين أساسا لمراجعة الأحرف نطقا وكتابه والبنت اللي عارفة الأحرف باعطيها هدية كتشجيع واللي مو حافظتها باعطيها فرصة تحفظ وكمان باشجعها .. أيضا اضافة للملزمة في نهايتها باعطيهم خط طبعا هو جاهز ومطبع والصفحة مسطرة وباعطيهم الخط واجب والبنت اللي كاتبة صح وخطها حلو باشجعها في الفصل واعطيها هدية بالإضافة إلى بطاقة تشجيع وبكذا البنات بيحاولو يحفظو ويحسنو خطهم وتلاقيهم كل وحدة فيهم بتسأل كيف خطي حلو والا لأ؟ أما التشبيك فأنا باتركه دائما للفصل الدراسي الثاني وباتبع نفس الأسلوب معاهم
أتمنى أكون أفدتك

آآآآآآآآآآآآآآآآآآآآآآآآآ آآآآآآآآآآآآآآآآآآىهه انا ايش اقول انا كبيرات اما منقطعات من 17 اومتخرجات من محو الامية والانجليزي عدم بس الله يعين

معاناة مشتركة