شايلة هم الله يوفق اللي ترد علي

اخباركم يامعلمات عندي كم سؤال شايله همهم قبل
الترم الثاني وهو عن الانتداب :smile (95):
انا سبق تعاونت السنه اللي فاتت واجبروني على الانتداب برغم اني كنت حامل ومنفخه وماقدر امشي وكان معاي نزيف وحملي كان موثابت يعني كنت اخذ مثبتات :smile (22):واجبروني على الانتداب
برغم حالتي الصحيه واضحه لكن قالوا انتي ماتعاونتي من قبل ولا زم تتعاونين لو مرة وحده
طيب رضخت بعد التهديد بعدم التوقيع بمدرستي لو رفضت وانا مغتربه وبحاجه راتبي حسبي الله:smile (16): ومشيت المنهج والله لايوركم الطريق كان جلد مو مزفلت والباص اللي اركب فيه زفت لاتكييف ولا هومريح طبعا اتأثرت بالشهر التاسع وتنويم بالمستشفيات وتعبت بالولاده والجنين جا حجمه صغيييييييييير مره وتعبان
طبعا انا مدرسه بالابتدائي
اتفاجأ السنه كمان جاوا يجبروني على الانتداب وقلت لهم انا خلاص تعاونت شوفي غيري قالوا نشكر لك تعاونك لكن انتي اقرب للمدرسه المتوسطه وكمان رفضت وسووا لي استدعاء عاجل وتحقيق وعملوا نفس السنه اللي فاتت تهديد بعدم التوقيع بمدرستي حسبي الله:smile (97): وضغطووووووووني لين وافقت كمان ورحت طبعا انا موجوده مكان وحده باجازة امومه

انا سالت المشرفه قلت لها كمان الترم الثاني اروح على المتوسطه قالت الله يعينك ايوه .. :smile (92):

سؤالي الان ومن خلال قراءتي للتعميم ان المعلمة لاتنتدب ترمين ورى بعض يعني مره واحده بالسنه فقط هل يمكن انهم يجبروني مره ثانيه وهل انتدابي ينتهي بانتهاء الترم الاول والترم الثاني يكون بخطاب جديد لانتدابي ؟؟ ام انه يكون دايركت الترمين مشبوكين مع بعض برغم ان التعميم يقول الانتداب يكون ترم واحد فقط

سؤالي الاخر بما اني مكان معلمة مولده يعني اجازة امومه يعني تنتهي صلاحياتي بنهاية اجازتها صح؟؟؟ طيب انا سمعت انها بتاخذ اجازة رعايه مولود الترم الثاني فهل هذا معناه اني اكون مكانها مباشره ولا المفروض اجازة رعايه المولود لازم ترفع طلب انها تبغى اجازة وعلى اساسه تستغني عنها المديره ببديله صح؟؟ يعني المفروض يكون هذا طلب جديد لبديله وتكون مش انا :smile (48):

التعميم يقول ان المعلمة لاتنتدب اكثر من شهرين واذا معلمة خرجت اجازة طويله مثل رعايه مولود او استثنائي من الضروري طلب معلمة متعاقده
طيب حنا ايش دخلنا نشتغل مكان اللي طالعين اجازات بأختيارهم وليه الادارة والتوجيه مايمشون على التعميم ولا بس شاطرين يطبقون اللي يبغون والباقي في الهوا

انا طفششت عندي مديرتين وكل وحده تنزع فيني من جهه :smile (88)::smile (24):
المتوسطه بيومين امسك 12 حصه واقفه على رجليني من الحصه الاولى لين الاخيره
والابتدائي كمان مارحموني مديني تخصصي وتخصصات ثانيه ورياده ومناوبه
انا لحد الان ماشفت ايجابيات وحوافز الندب وماشفت غير السيئات

طيب اذا جا زوجي بالمنطقه اللي اشتغل فيها وراجع الاداره ووضح انهم يضطهدوني تتوقعون يجيب نتيجه؟؟؟

بليز ردوا على تساؤلاتي لاني بموت من القهر لو طلبوني مره ثانيه
الغربه صعبه وزود عليها الضغط من الادارة وخصوصا اذا عرفوا اني محتاجه للنقل يهددوني فيه حسبي الله ونعم الوكيل

بليز ردوا علي قبل لا اشق جيبي من القهر :smile (75):

سويت


الله يعينك والله ..


حسيت إني أقرأ خطاب ( معروض )


المهم أختي


الانتداب واضح تعميمه مثل ما تفضلتي ( لإنك فاهمته بقوة )

ووضحي لموجهتك إنك فاهمة كل شئ ..

حتى الموجهة عليها ضغط لابد توفر بديلة ومنتدبة ..


عارضي بشكل جدي وقوي وثابت .. وعطي اسبابك ( مغتربة - عدم توفر محرم أو سائق )

الشئ الثاني .. الترم الثاني المعلمةلو أخذت إجازة لابد لها بديلة ,انتي ما دخلك فيها ..


ولو زوجك أشتكى ( خلاص صارت موضة قديمة ) عندهم .. اشتكي لمرجعهم الرئيسي .. مب لهم ..



أسأل الله لك التوفيق



..

شكرا لك اختي مها على الرد

اولا الله يعينك وييسر امرك
الشي الثاني اللي اعرفة انة لازم تكملين انتدابك الى اخر السنة حتى لو ماجاء خطاب لك ثاني بالتكميل- ممكن زوجك يجي يراجعلك على الاقل يقربوك اكثر -والله يعينك

لكن اخوي الشامخ المعلمة بتطلع اجازة اخرى وانا مومسؤوله يعني طلب الاجازة اللي راح ترفعه يتضمن توفير بديله يعني يلزم يرفعون اجازتها وانهم بحاجه لبديله

في المدرسة الثانية المنتدبة لها ليس لهم حق في اعطائك اي شيء اخر غير تخصصك

ولا ريادة ولا اي شيء مجرد حصص وتطلعين يعني تروحين بمجرد انتهاء حصصك لست ملزمة بالدوام طوال اليوم

ثانيا اجازة رعاية المولود لا تلحق بالامومة بل تداوم المعمة ويرفع لها خطاب بعد نهاية الاجازة انها تنوي اخذ اجازة رعاية مولود وبعد كذا الادارة توافق لغاية ما تشوف في بديل


وبالنسبة لخطاب الانتداب حسب ما هو مكتوب يعني لو مكتوب لحين انتهاء اجازة الامومة ولا لحين عودتها بس انا اعتقد ان بانتهاء الشهرين


ولو في اي استفسار ان شاء الله تلقي الجواب الشافي


فرج الله همك لاني بصراحة مجربة مو سنة اربع سنوات 3 سنوات ابتدائي وسنة متوسطة


وفوق كذا يقولوا لي المعلمة لا تنتدب مرتين ورىى بعض

اختي sweet
الى نعرفه انه يندبونك سنها كامله او الى يتم مباشرة الموظه التي انتي مكانها
اما يكلفونك في مدرسه ثانيه في السنه التي بعدها فليس من حقهم حيث يتم تكليف معلمه ثانيه من نفس المدرسهالتى انتي منها او من مدرسه اخرى هذا المتداول عليه في جميع المناطق
هذا وتمنياتي لكي بالتوفيق