وربي فاهمة معاناتك وكأنك تحكين عني
انا كذا مع فصل خامس ابتدائي
اما رابع وسادس وثاني متوسط وثالث متوسط رائعين وحلوين ومايجي منهم ازعاج ونخلص الدرس ونكتب بالدفتر وماشين بالمنهج تمام
لكن المشكلة بخامس فقط
الفصل كلهم قروب واحد
وتفكيرهم اكبر من سنهم بواااجد
تصوري انهم الحصة الماضيه فتحت باب الفصل الا كلهم قاضبين كتبهم بايديهم ويقولون لي ياابلى ماراح ناخذ الدرس بالفصل
قلت وشووووووو !!
موب انتم اللي تقررون انا ياحلوات ياللا ارجعوا
وشوي الا خرجوا بالممر كلهم وجلسوا بالارض قالوا مااحنا داخلين الفصل ولازم ناخذ الحصه برا الفصل
الساحة او السطح او التدبير
قلت ياللا عالتدبير الله ياخذكم
انا مشكلتي معاهم قدرت احددها , انهم مسوين قروب واحد ومتكاتفين علي عشان يضيعون الحصه
حتى العاب واكتيفيتز ماعاد قدرت اعمل معاهم لان مااصدق اسكتهم واضبط الفصل واخلص الدرس حتى بدون تمارين واجلس اعيد بالدرس لحدما اسمع الجرس بعدين اقولهم يكتبون بدفاترهم , ماابي ولادقيقه تمشي بدون مااشغلهم بالشرح لان بيبدأون رحلتهم الفوضويه كالعاده
اللي قاهرني اني صرت متاخره بمنهجهم كثيييير يمكن 6 حصص عن توزيع المنهج
وماني عارفه وش ممكن اعمل معاهم عشان اوقف تكاتفهم الجهنمي لافشال سير الحصه الطبيعي >> خخخخ
حاولت اجيبهم بالطيب وعملت لهم لوحة تعزيز وقلت المؤدبة راح نعملها بارتي نهاية الترم وتصير كوين وتلبس فوستان وتاج ويحضرون لها كل الفصول وانبسطوا من هالحفله وتادبوا عشانها حصه واحده بس بعدين نسي
المفضلات