مُستقبلي يحيّر / ابي حل !!!! .. ارجو المساعده من اصحاب تخصص انقلش : (

**Ms Lama** · 24-01-2011, 12:32 AM

السلام عليكم وررحمة الله وبركاته ..

ابي مساعده من قلب راح اشرح قصتي الممُله بالتفصيل , !
من ضمن طموحاتي إني اتعلم انقليزي لكن للاسف طلعت من المتوسط بدون ماأفهمه وحتى من الثانوي ..
ماحد حببّني فيه مع اني انا هاويييييية اني اتعلمه / اختبار القدرات بعد شهر ..... ومحتاره وش اسوي نفسيّ أدخل قسم انقليزي افيد نفسي بالمستقبل واتعلمه واتقنه وارطن حالي من حال الامريكان الاصليين هالشي شبهه مستحيل لما سمعت كلام الناس جداً يخوف

1 - ماراح تتوظفين
2 - ماراح تفلحين والسبب ان معلمة الانقلش بالكليه فاشله وماتمشي الا بالرشاوي لانها اردنيه
3- دراسة الانقلش تختلف يعني مايفيدك بشي نهائيا اذا بتتعلمين روحي بعثه

وكلام كثير كثير / انا فكرت فيها وصار ردي لهم كـ التالي / وضيفه ادري ماراح اتوظف فيه احسن مني واشطر مني وماتوظفوووو لكن ابي اتعلم؟ ابي افهم ع الناس الي تتكلم بطلآقه ابي اساعد نفسي ولاكبرت اساعد اولادي بالماده واحل معهم واجباتهم واعلمهم لاني اشوفها لغة صارت اساسيه بالحيااااه وطز ع الوظيفه اهم شي اتعلللللللللللللللللللللل للللللم والبعثه ادري انها مستعصيه ومستحيله لان خبركم العادات والتقاليد عيب البنت تطلع وهي بكرّ .....

خايفه اني ادخل هالقسم وافشل وتضيع سنين عمري وانا ماتعلمت شي ّ ؟؟ مع اني انا مجهزه نفسي راح اكل الورق من الحفظ بتشقق يعني بالمذاكررره وعندي ثقه بنفسي عاليه يعني راح اتكلم وبحاول وصح اني بغلط مره مرتين ثلاث لكن مقتنعه الي مايغلط ماراح يوصل للشي السليمّ وراح ادعم نفسي بالمعلمات الخصوصياااات الي يدربوني على النطق وراح اشغل وقتي على النت بالقراءه والاستماع لكن فيه مشكله وهذي الي مخوفتني
يقولون ان دراسة الانقلش ماتفيدك بشي بالمحادثه يعني؟ بيكون وضعك مجرد حفظ لا اقل ولا اكثر وكثير من المتخرجات من هالقسم مايفهمون شي فيه !!
ارجوكم ساعدوني وانصحووووووووووووني؟ هل يمكن اتكلم انقلش بطلاقه ان دخلت هالقسسسم مع العلم ان البنات ماراح يساعدوني الي بالقاعه لان بيتكلمو عربي لكن راح اضغط على نفسي واكسر حاجز الا وهو عدم الممارسسسه ارجو من الي تخصصّهم انقليزي يفيدووووني ......

وملاحظه بسيطه تروني افههههههي اذا شفت كلمه طويله او مثلآ سمعت باليوتوب شخص يتكلم بسرعه اخاف ؟ بجد اخاف افششل وما آفلح عطوني نقاط وانصصحوني

وبعد تراني حافظه بعض الكلمات مايتعدون 20 كلمه ~ لكن اكتبهم كتابه غلط ......

صح نسيت اقول حاجه مهمه ان فيه وحده قالت لي شخصياً انها جلست 7 سنوات بقسم الانقليزي وتعيد سنه ورا سنه وتقول عجزت انجح والسبب صعوبته وتقول هجي اهربي اختاري قسم اقتصاد ولاتدخلين قسم انقلش لان بتشّيب عيونك منه !!
لهدرررجه هووو يمرض الواحد يعني؟

**Ms Lama** · 24-01-2011, 02:03 AM

غريبه محد رد ؟؟ مو معقوله

**Ms Lama** · 24-01-2011, 09:14 AM

معقوله مافي احددددددددددددددددددد ؟
كذا تستقبلون الناس الجداد ؟
العن ام التحطيييييم ولا حتى كم حرف

**ܟjust E** · 27-01-2011, 10:24 PM

يــآ هــلآآآ فيــكـ لمــى ^^

طموحكـ و هـآلإرآده العآليهـ اللي عندك بتكسر لك كثييير من الحوآجز ^^

أول شي بمـآ أنو مآكآن فيهـ تأسيس للغة من خلآل درآستكـ حـآولي تآخذي دورة انجليزي في أي معهد (( نيوهورآيزن ـ بيرلز ـ وول استريت ...... )) حتى لو شهر يعني يكون عندك أسآسيآت ~..

و بآلنسبهـ لتخصص الانجلش في الجآمعهـ مو بذآك الصعووبهـ و يعتمد ع الطآلبه اذا أنهـآ تبيه و مقتنعهـ فيهـ .. و انت بمآ أنك تحبيهـ بشغف متأكده حتمشي فيهـ .. كأي تخصص ثآني بيتطلب منك شوية مجهود .. !!

ادخلي موآقع تعليميهـ و اسسسمعـــي كثيير و تآبعي أفلآم أجنبيهـ شوي شوي بتلآقين نفسك تطورتي بكثيير عن قبل ~..

و أهمـ شي لآ تسمعين كلآم يحطم و لآ تتــأثرين بتجآرب غيرك .. النآس مو كلهم مثل بعض و قدرآتهم متفآوتهـ !!

و أي شي تبينهـ لآ يردكـ الآ كيبووردكـ (:

الله يووفقــــكـ ^^

**الواثقة بالله** · 27-01-2011, 11:09 PM

اذا عندك اراده ورغبه ادخلي انقلش

وماعليكي من اللي تسمعينه من البنات

طوري نفسك ادخلي معهد او شوفي اي بريطانيه او امريكيه في المعهد اتعرفي عليها وتواصلي معها
انا تعرفت على جارتنا اجنبيه زمان وكان اول دافع لي اكمل بعد الله
اهم شيء اسلوبك في الكتابه تكون صحيحه

الله يوفقك دوم

**جـــود** · 29-01-2011, 01:48 PM

مرحبا اختي
اممممممم اولا مافي شي مستحيل يعني انتي لاتقعدين تزرعين افكار سلبيه براسك
بالعكس خلي افكارك ايجابيه رددي بينك وبين نفسك (اقدر اسوي هالشي )عشان مخك يتبرمج وراح تقدرين
ا
وبعدين مافي شي اسمه سهل كل قسم له صعوبته انتي قد ماتتعبين بتاخذين يعني لاتقولين باقي الاقسام سهله اللي بيجتهد بيلقى نصيبه..

في وحده كانت معي بالقسم ماتعرف ولاشي لدرجه انها سنتين راحت عليها بس تعالي شوفيها بعد ماعزمت انها تحاول والله صارت كل يوم تشارك وصار وحده مهمه بالمحاضرات

اللي ابي اقوله لاتستلمين انتي اعرفي وش تبين وخططي له وبس وماعليك من كلام الناس
لانهم يختلفون بالقدرات
يمكن هي ماقدرت انتي تقدرين
سوري عالاطاله ان شاء الله افيدك

**Fallen-angel** · 01-02-2011, 11:56 PM

اول شي قوي لغتك خدي دورات وابدأي من دحين وحاولي تستمعي لبرامج وافلام تعليمية بالانجليزي
ولاتقولي انا ح ادخل القسم واحفظ وخلاص واصلا الحفظ ما يمشي وخاصه في مواد التحدث والاستماع
واصلا صعب تحفظي لأنها مهارات وانتي ح تتعلمي الطرق والاستراتجيات وتطبيقها في كل اختبار
مثلا في الاختبار تجيكي قطعه من برا الكتاب بس انتي ح تتعلمي طرق تقدري من خلالها تفهم معاني الكلمات الجديده في القطعه وتعرفي تجاوبي

يعني انتي لو عندك خلفية في اللغه وحابة مو تتعلميها تحسينها ادخلي وح تنجحي وبتفوق كمان بإذن الله

اما اذا بتدخلي وانتي ماعندك اي خلفية حتى تتعبي في البداية وممكن تتعثري لأنهم في الجامعه ما راح يعلموك اللغه من البداية

أنا ما ابى احطمك بس انا طالبه انجليزي وعارفه الوضع وأنا الحمدالله دخلت وانا عندي لغه والقسم افادني كتير واتحسنت لغتي مرة ونصيحتي لك انك تأخدي دوره مكثفه قبل ماتدخلي القسم

والله يوفقك ويكتب لك اللي فيه الخير

**بيلسآآن** · 02-02-2011, 12:28 AM

شوفي خيتوو

لا تسمعين لاحد ,, اذا كنتي تبين القسم جد ادخليه وتوكلي على الله ولا تاخذين بكلام احد,,, ما راح ازيد على كلام الاخوات قبلي بس شوفي

انا حاليا ادرس انجلش والله انه سهل وانا شخصيا استفدت كثيرر مع اني توي مستوى اول

توكلي على الله ,,, وشدي حيلك ,, اسمعي انجلش كثير وتكلمي حتى لو كلام بسيط رح تستفيدين كثير

الله يسهل عليك وييسر لك امرك

**Beauty** · 04-02-2011, 10:12 PM

إذا توفرت فيك العزيمه والطموح
تأكدي إنك رآح تفلحين بالإنجلش وأبو الإنجلش بعد ^_^

ترا الماده سهله .. لكن دايماً الفاشلين يحبون يحطمون ويكسرون مجاديف أي شخص طموح

بالتوفييييييق

**بسمة ألم...** · 06-02-2011, 02:52 AM

شكرآ لك
.....................

**kasandra** · 16-02-2011, 04:21 PM

هلو حبيبتي
شوفي انا نفس الكلام سمعت قبل لا ادخل قسم انكليزي بس ما رديت على احد ودخلت لان كانت عندي ارادة قوية وهسا ما اقول صرت بروفشنل بس الحمدلله زينة وهسا اني مرحلة ثانية وصح متقوي المحادثة عندج بس انتي طوري نفسج بنفسج وخلي عندج ارادة وعزيمة قوية ولا تردين على غيرج .. وربي يوفقج

**حيرى 1427** · 17-02-2011, 12:00 AM

إذا كان عندك رغبة قوية قوية راح تنجحين

**The Consellor** · 26-02-2011, 03:13 AM

تذكري حبيبتي الإرادة العظيمة تصنع المعجزات..هذا اللي حبيت أقول واخواني وخواتي كفوا ووفوا يعطيهم العافية

**TOoOp** · 03-03-2011, 12:07 AM

أهم شيء رغبتك
إذا عندك رغبة وقوية ودافع للتعلم بتتعلمين
والا كييف هالناااااس كلهم تخرجوا من القسم !

استخيري ثم استخيري ثم استخيري
ولو درستِ فترة وما توفقت ، حولي لقسم ثاني
والله يكون بعونك

**مـروهـ** · 13-03-2011, 11:28 PM

صح كلام الواثقه بالله
لاتسمعي ولا اي كلمه من البنات اتوكلي على الله وربي راح يوفقك وراح تشوفي
كيف

**عثمانو** · 13-03-2011, 11:45 PM

بسم الله الرحمن الرحيم
اختي العزيزه عندما تتكلمين عن اللغه فاعلمي جيدا ان ليس من الساهل تعلمها في يوم او شهر او سنه لانها مرنه وقابله للتغيير اما انا فاني مدرس لغة انجليزيه في الاردن ولم اقبل ان اتعاقد مع دول الخليج بالاضافه انني مشارك بجائزه الملكه رانيا ونسبه النجاح عندي في الثانويه 100% حالك كحالي لم اجد من يعلمني ولا احد يهتم بامر الاخر ولكن من خلال حفضي لمعاني اللغة الانجليزية واهتماماتي القواعديه والادبيه اصبحت ولله الحمد متميز على كل اقراني اذا هي الاراده وعدم التخويف والان اصبحت لي عده من المؤلفات المنشوره في المكتبات والمنتديات واروع من يتقن الادب الانجليزي على مر العصور ليسوا اردنيه ام مصريه ام مغاربه بل هم العراقيه الصانعون في مجال الادب العربي والانجليزي
To be or not to be that is the question
HAMLET

**للحياء انغام** · 14-03-2011, 04:03 PM

**pink.sky** · 20-03-2011, 08:36 PM

اختي الغاليه العزيمه نصف العمل انتي توكلي على الله وادخلي هالقسم دام انتي هاويته وهذا شيء طيب ولا تسمعي لكلام الناس تتعبي نصيحه
والله يوفقك يارب يارب

**hazommm** · 21-03-2011, 01:04 PM

الله يعطيكم العافية

**hazommm** · 21-03-2011, 01:04 PM

الله يعطيكم العافية

**hazommm** · 21-03-2011, 01:05 PM

**dlo0o3ah** · 24-03-2011, 10:57 PM

انا مثلك ودي اتعلم بس دخلت القسم الانجليزي من غير مااروح معاهد لكن اتمنى اني اطور نفسي عن النت

**زهـرة التوليب** · 05-04-2011, 06:16 PM

أهلييين
انتي نفس حالتي خخخخ
قهرتني ذي اللغه مع اني دخلت دورة انجليزي بس احس اني مااستفدت شئ
ويمكن استفدت بس انا موحاسه وممكن شئ طبيعي ماراح استفيد من اول مره
بس هذاني احاول على قولتهم بداية النجاح السقوط خخخ
اما عن التخصص فتخصص الانجليزي احسه سهل مره
مارح تتعبين وحتى لو بتتعبين مافيه حاجه تجي بالساهل
واعلمي ان بعد العسر يسر وبعد الظلام فجر
واشوف انه غلط تدخلين الجامعه وانتي ماعندك اساسيات ادخلي دورات واذا رجعتي للبيت راجعي اللي اخذتيه
ولا تناظرين لكلام الناس واذا بتناظرين لكلام الناس ماراح تتغيرين من مكانك
تعرفين قصة السلحفاة اللي تسابقت هي والارنب وصعدت الجبل وفازت على الارنب واللي عندها قالوا ماراح تقدر الارنب سريع ومدري ايش بس هي اللي فازت تدرين ليش لان السلحفاة كانت ماتسمع (أصم يعني )
وانتي بعد صيري لاتسمعين لكلام الناس , طبعاً بس الكلام اللي يحطم
واهم شئ طاعة الله وادعي الله انه يوفقك , اطلبي حاجتك من ربك قبل لاتطلبينها من الناس وتحري اوقات الدعاء والحي بالدعاء إن الله يحب عبده اللحوح قال تعالى ((وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ ))
وشاوري الناس بعد ذلك قال تعالى ((وَشَاوِرْهُمْ فِي الأَمْرِ فَإِذَا عَزَمْتَ فَتَوَكَّلْ عَلَى اللَّهِ))
وخلي عندك عزيمة وهمه ولاتتاثرين باي شئ
واذا اخفقتي لاتقولين خلاص ماراح اقدر لا راح تقدرين ان شاء الله
هذا المخترعين كيف صاروا مخترعين (الله يزيدهم يارب) موتعلم لغة وانا اختك يعني باذن الله راح تقدرين
ولايأس مع الحياة ولاحياة مع اليأس
ولاتضيقين صدرك على اي شئ ولاتفكرين بالماضي ترى كل شئ يتعوض وانا اختك الا العمر
وفكري بالمستقبل بس بحدود ولاتناظرين للماضي
والله اعلم
والله يوفقك يارب ويفتحها عليك وين ماتروحين ويحقق لك مبتغاك
والله يجعل لك من كل ضيق مخرجا ومن كل هما فرجا ويرزقك من حيث لاتحتسبين
ويجعلك من ورثة جنة النعيم والمسلمين ..
وعذراً على الإطاله ..

**أنجليزيه جديده** · 13-04-2011, 04:32 PM

ربي يوفقك أختي انا زيك داخله الجامعه ماعندي اساسيات كويسه

بس عندي رغبه فكل يوم احس يتحسن حالي
صرت اسمع اناشيد انجليزيه

واقراء قصص الاطفال الانجليزيه

وجوالي ولابي كله حولته انقلش صرت احيط نفسي بالغه عشان اتعلمها اسرع

وربي يوفقنا خيتو
ومالك الى دعاء
ربي ييسر لك