مساعده :(

**نــوران** · 29-09-2011, 04:50 PM

بليييييز احد يساعدني في شرح اليونت الثاني احسه ثقيل ومابيتقبلونه الطالبات وابي بعد فلاش كاردز لاني دوورت مالقيت
انا معلمه جديده واللي يساعدني والله لادعي له من قلب
ومشكورين

**الله القوي** · 30-09-2011, 02:14 AM

انا ضايعة زيك وابي طريقة سهلة ومقدمة عشان ابد اليونيت
please help us

**البـارع** · 30-09-2011, 02:53 AM

تابعوا هذا الموضوع:

مشروع تحدي الوحدة الثانية الصف الثاني المتوسط ‏

وهذه الوحدة لا تحتاج الكثير من الوسائل, ممكن استخدام ساعة حائط لتعليم الوقت.

**bigevil** · 30-09-2011, 07:21 AM

انا بديت فيها يوم الاربعاء

دخلت على الطلاب وحطيت اوراقى واقلامى وطالعت فيهم قلت كم الساعه اليوم وردوا على كل واحد يتفلسف المهم قلت لطالب شكل الطلاب الان فى الدمام بدو الحصه قبلنا قالى يا استاد اكيد لان الشمس تشرق عندهم اول قلت يعني وقتهم غير قال ايه فسويت نفسي مو مصدق وقام كل طالب يتفلسف من جهه ويقول الهند قبلنا وامريكا الحين فيها ليل فقلت لهم يعني ان الوقت متغير من مكان لمكان قالوا ايوه قلت خلاص نسوي تجربه ونعرف فقسمتهم الى مجموعات المجموعه الاولى امريكا والثانيه استراليا والثالثه بريطانيا والرابعه السعوديه والخامسه اليابان ورسمت على السبوره مجموعه ساعات بسيطه وكتبت الدوله عليها وبدينا نطلع الفروق بين الدول وعدد الساعات واختلاف الوقت واللى يغلط من الطلاب يتلطش وهم يموتون من الضحك المهم فهموا الفكره بسرعه ودخلنا على الوحده بسهوله وطبعا سوينا رحلات وسفريات من دوله الى دوله وصراحه كانت حصه مسليه ضحكت فيها من قلبي ..

اذا عندكم اى اسئله انا تحت امركم