السلام عليكم ورحمة الله وبركاته
u3
king AbdulAziz ALSaud
باذن الله ناوية الوحدة الثالثة اغير جو مع طالباتي وأقلبها فللللللله
اتفقت معاهم اليوم بما ان الوحده عن الملك عبدالعزيز راح نخلي اسبوع وطني<<<قوية شوية
عموما قسمت الدروس بيني وبينهم
اربع حصص والبنات 3 شلل كل شله تمسك درس وأنا آخر درس فيهم...يعني شغلهم مو شرح...يحضرون بدالي ويخططون للحصة ويجهزون وسايل
الاول u3l1 يخلونه عن صفات الملك عبدالعزيز وجدوله اليومي واعطيهم الكلمات حق الدرس وهم يدخلونها في مسابقة او لعبة أهم شي طريقة مسلية وتثبت في عقول زميلاتهم راح نستفتح الوحدة بالنشيد الوطني...وان شاء الله اتكلم معهم شوية عن حب الوطن وعن الفتن اللي طلعت الحين ضد السعودية وال سعود...وشي من هذا النوع
الثاني تعبير الملك فيصل...طبعا ما راح أخليه writing ....وراح يكون في الساحة
الشلة الثانية راح تتكفل بالموضوع
اقترحت عليهم مسابقة يكتبون جمل التعبير كل جملة 3 مرات في فلاش كاردز ويقسمونها 3 مجموعات ويخلونها مسابقة بين الشلل الثلاث مين اللي يرتبون الكاردز حقهم اول طبعا على لوحات فلين ويكتبونه عندهم في ورقة العمل
الثالث ... درس الريدينق...قصة الملك عبدالعزيز وتوحيده للمملكة...برضه بكييييفهم يضبطون الغاز مسابقات اي شي عن الكلمات اللي بالدرس أو اسئلة عن القطعة...ولو يبغون يدخلون مقاطع فيديو او اي شي
الرابع درسي...الوورد ستدي...ناوية اخليه زي حفل ختامي في الساحة...كله العاب ومسابقات على كلمات الدرس واخر شي باشغللهم (عاشت بلادي) بدون موسيقى لقيتها ع يوتيوب وباجيب لهم تورتة ابيض واخضر عليها اي عبارة عن الوطن وفيه طالبة مصرية باتفق معهم يجيبون لها هدية مادامها بتودع السعودية وترجع بلدها وأنا باجيب لها هدية من عندي ان شاء الله
استأذنت المديرة تسمح لهم طول هذي الفترة بمكياج ومناكير واكسسوارات اخضر
البنات بيجهزون ويعطوني افكارهم ووسايلهم من فترة عشان يمديني اعدل او اصحح اي خطأ
اي تعليق او اقتراح او ملاحظة اتقبلها بصدر رحب
دعوااااااااتكم لي ولهم بالتوفيق
المفضلات