انا شايلة الهم ساعدوني........

**9512** · 18-10-2006, 07:08 AM

انا مدرسة جديدة اعطوني سادس مع ثالث متوسط وعلى فكرة انا بديل مدرسة ...المهم انا كنت احسب الدعوة سهلة زي ايام التطبيق يعني شرح بالطريقة حلوة للطالبات وعمل تحضير فقط؟؟؟؟
لكن طلعت الدعوى غيررررررررررررررررررررر.

اولها......سمعت ان الكتابة بالدفتر التحضير لازم تكون عرضية مع اني درستها طولية وان اي تغيير يحسب ضدي وانا جدا محتاجة للتقييم الجيد.....
ثانيها.........طلبوا مني توزيع النهج مع اني مادرستهم شي في رمضان لان عقدي بدا في 15 _9..والمدرسة في قرية الله عالم بحالها كل الطالبات غايبين بحجة انهم بيدرسون بعد العيد على كثر عددهم اكثر فصل يحتوي على 7 طالبات فقطططططططططط.
ثالثااااا.......اعطوني ادرس مواد دين وانا مااعرف اكتب تحاضيرها ..الشرح هين بس التحضير ...

اللي بعدوو,,,,هذا الموجة او اللي تعرف طريقة تقييمة ممكن تفيدني المدرسة وسط منطقة نائية خلينا نقول صحرا يعني بالبر مافي مكاتب

من وين اجيب فلاش كارد ولوحة ووصور على الدرس اللي هي بتجيني فية وكم مرة بتجيني ...هل كفاية درس واحد ام اكثر....وكيف طريقة التقييم وش الشي الاساسي والمهم اللي اركز علية في تقييمها لي ؟؟؟

اللي بعد بعدوه,,,,,,,,ليش مطلوب مني اكتب تحضير المواد اللي غير تخصصي

هل اتقيم عليها ...اوكي انا وافقت لان المدرسة قليل عدد الطالبات وعدد المدرسات معدوم ....لكن ماابي اكتب تحاضير مواد غير تخصصي وهل اتحاسب عليها؟؟؟؟
تكفون يااهل العون ساعدوني وجابوني الهم ذبحني ياشين الجهل

...............

**فهيد** · 18-10-2006, 09:54 AM

لا تشيلين هم و لا شي ... المنتديات مليانه تحاضير جاهزه ... انت بس عدلي فيها زي ما تبغين و اطبعي ... و هنا في ذا الموقع بتلاقين فلاش كاردز لكل الدروس ... و بتلاقين أيضا توزيع للمنهج ... عدلي فيه برضو على حسب الوقت اللي باقي لك و ترى ما فاتك كثير ... كلمه أخير قبل لا أروح ( فيه تعميم يقول ان مدرسة اللغة الانجليزيه ممنوع تدرس مواد أخرى غير تخصصها .. )لكن بما أنك وافقتي من البدايه اطلعي على التحاضير اللي في النت... و اعتبريها من طرق الدعوه الى الله و أجرك على الله ...

**HMD** · 18-10-2006, 11:13 AM

بالنسبة للتحاضير وتوزيع المنهج زي ما قال لك الأخ فهيد المنتديات مليانه والموقع هذا عن كل المواقع

وبخصوص مواد الدين نعم داخله في التقييم هذا إذا وقعتي على أوراق انك موافقة ، كان الأولى انك ترفضي التدريس في غير تخصصك أو قولي انك قبلتي من مبدأ التعاون لا غير.

أما الموجهة تبحث عن عدة أمور :
1- دفتر التحضير.
2- دفتر المتابعة.
3- الوسائل التعليمية Media .
4- حضورك وغيابك وعلاقتك بالمديرة <----- يمكن عند الموجهة أهم من النقاط السابقة
وتقريباً بنسبة 90% يكون تقييم الموجهة من خلال سؤال المديره عنك

كله يهون في سبيل النقل ... أصبري واحتسبي

وأبداً لا تشيلي هم كلها سنة أو سنتين وتعرفي حقيقة التعليم

**نهله الصاعدي** · 18-10-2006, 02:32 PM

طيب اختــــــــــــــــــــــ ــي ممكن افيدك بشغله بسيطه بالنسبه

للفلاش كاردز وهي راح تخدمك طول الوقت وخصوصا وقت الزنقات

خذي وسيله (لوح ورقي كبير) او فلين وصيه على شكل فلاش كاردز

وجلديها بالتجليد الشفاف وتصير معك على طول فقط اكتبي

وامسحي وبالنسبه للمواد الي مسكتيها الله يعينيك هما الجدد

لازم يروحوا فيها وخصوصا اذا امر النقل والاداء الوظيفي

يهمهم وبالنسبه لتقيميك في المواد الي ماسكاها والله يا اختي الي اعرفه

مالها حق في ذلك لانو مو تخصصك بس اهم شي يكون توضحي ذلك للمديره من باب اولى

يعني مثل مامسكتك مواد ووافقتي خليها توافق انو ماتتقيمين على مواد ماهي تابعه لتخصصك

لانك في حاجه للتقييم

وياليت اختي تطمنينا عن وضعك وعلى ايش استقريتوا

**9512** · 18-10-2006, 07:24 PM

الله يجزاكم كل الخير والله فرحتوني بردودكم الرائعة ........
الف شكرا اخونا فهيد لككككن احنا يالحريم معقدين مو زيكم يالرجال انا اخوي يطبع التحضير جاهز من النت وهو مرتاح لان سبحان الله عقل الرجل متفتح ماياخذ التفاصيل مو زي المشرفات تنتبة حتى للون القلم احمر ولا اسود والحالة حاله .....اما بالنسبة للتدريس مواد اخرى انا مجبرة للحصول على رضا المديرة واحاول امشي اموري واللي شجعني ان عدد الطالبات لايذكر والواحد لازم يضحي ....
********************************
الله يجزاك الخير ويعطيك العافية اما بالنسبة للتوقيع انا ماوقعت على شي وزي ماقلت المسالة تعاون ,,,,,,,اودفتر التحضير جاهز للمادة الانجليزي فقط لاني ماشريت للدين افكر اطبع جاهز من النت وااعمل ملف لكن مشكلتي مااعرف هل يقبلون المشرفات ولا لازم خط اليد ؟؟؟؟؟
لكن وش دفتر المتابعة .؟؟؟؟؟؟؟ياليت توضح.....والعلاقة مع المديرة انا خلوقة ان شاء الله وماني راعية مشاكل والله يقدم اللي فية الخير ........
سنة ولا سنتين ضحكتني انا عقدي ترم واحد الله يجيب الرزق ياكريم يارب ,,,,,
***************************************
يابعد قلبي يانهلةوالله فكرتك حلوة والف شكر علىى النصيحة الحلوة واالله وفرت علي الكثير....
اذا انتي مدرسة انجليزي ممكن تفيدوني هل التحضير اجباري بخط اليد وفي دفتر تحضير يعني مو ممكن اعمل ملف فية اوراق من النت وشكراااا............

**نور اشرق** · 19-10-2006, 12:20 AM

دفتر المتابعه تكتبي فيه اسما الطالبات ودرحات المتابعه اليومبه علي المشاركة والجابه علي اسالة الدارس السابق والواجب والكتاب وادفتر
وادرجه من 10 لكل شهر والمجموع بنهاية الترم ينقسم علي عداد الشهور الي رصتي فيها درجات يعني اذا درستي 3 شهور وكانت الطالبة شاطره وجابت كل شهر 10 راح تكون الطريقة الحسب لمعدل
10 +10+10=30/3=10
علي فكره تري دفتر المتابعه يجي مع دفتر لتحضير

اسالي هل فيه مشرفة بالتوجيه المدرستك تابعه له او لا اذا كان فية اساليها تبي تحضير جاهز او لا
ارجو ان اكوان افتك

***روح الدعوه*** · 19-10-2006, 01:09 AM

الله على هذا التجاوب الرائع

تصدقون أحس إننا بهذا المنتدى عائله واحده

(ون فملي)
ما تتخيلون سعادتي :36_4_12: وأنا أشوف هذا التجاوب مع المعلمه الجديده اللي نسيتوها همها وشجعتوها

ما أقول إلا ( الله يكتب أجركم )
بالنسبه لك أختي الغاليه :
بالدعاء صدقيني راح تتيسر أمورك
وأنتي إن شاء الله مأجوره على عملك في تلك القريه
سواء درستي الانجليزي او الدين
بين يديك فرصه عظيمه حاولي ما تضيعينها
أبذلي قصار جهدك في تربيتهم أولا ً ثم في تعليمهم ثانيا
ونصيحه مني يكفي إنك تحضرين الدرس ذهني لاكتابي سواء دين أو انجليزي
التحضير الكتابي يضييع وقتك
بعد كل درس سوي لهم ورشة عمل وخليهم بأسلوبك يتفاعلون لأن هذه الطريقه راح تحمسك أكثر للعطاء
مهما كانت ظروفك
أما بالنسبه للفلاش كاردز خذي لك كراسه لكل مرحله وأكتبي فيها الكلمات الجديده
وخلي الطالبه تتهجى الكلمه ووحده ثانيه تقراها والثالثه تكتبها على السبوره
وخذي هذه الفكره : إذا كانوا طالباتك بصف سادس قليل أشتري لهم سبورات انجليزيه صغيرة الحجم تباع في المكتبات وسعرها حلو من جهه تسفيد الطالبه ومن جهه تتسلى وقولي لهم يسطرون السبوره ويكونون كلمات من الاحرف اللي موجوده مع السبوره
عذرا على الإطاله أختي
وأهني المدرسه اللي أنتي فيها وطالباتك بوجودك بينهم
ودمتي في حفظ الله ورعايته

**Abo Lama** · 19-10-2006, 02:18 AM

9152

الله يحييك اختي ويوفقك في عملك ودينك ودنياك

ويجزى الاخوان والاخوات كل خير

دايم مايقصرون وهذي روح المنتدى ولله الحمد

**9512** · 19-10-2006, 03:10 AM

شكرا الىى (نور اشراق **الى روح الدعوة **والى ابولمى)
انتوا اروع منتدى ومساعدتكم لي مالها ثمن ..............
والله يكتب لك الاجر ويكتب لكم حسن الثواب.......اللهم امين...

***روح الدعوه*** · 19-10-2006, 03:33 AM

هذا واجبنا أختي لا شكر على واجب
نسيت أقول لك شئ مهم
إذا أنتي راح تسكنين بالقريه اللي أنتي تدرسين بها ولا تقدرين تدخلين النت حاولي تجمعين لك كم فكره من كم قسم من أقسام المنتدى وطبقيها على حسب إمكانيتك وإمكانيات المدرسه .
أما إذا كان عندك نت وتدخليه بشكل مستمر فلا تشلين هم ابد
هذا المنتدى سخره الله عز وجل لنا
الله يجزا القائمين عليه خير
ما قصروا بصراحه .

وعلشان تستفيدين أكثر خذي رقم المشرفه حقتك وتواصلي معها وأستفسري منها عن الجديد أو رقم أي وحده من زميلاتك عندها خبلاه
أسالي مجررررررررررررررربه

***روح الدعوه*** · 21-10-2006, 07:51 AM

عذرا كثرت كلام عليك
بس حبيت اذكرك بشئ
اذا انتي تبغين تحضرين
اشتري الcd الخاص بالمرحل اللي انتي تدرسينها واطبعي كله بمكتبه ودخليه بملف جيوب وارتاحي

**9512** · 22-10-2006, 04:46 AM

مشكورة اختي روح الدعوة بس انا مامعي رقم المشرفة وهم يداومون مع المدارس وانا ابسافر الجمعة انشاء الله ولقيت وحدة بالداودمي عن طريق النت وقالت الطبع حرااااااااااام اقصد مايرضون فية لازم بخط اليد ...لازم العذاب تقل ذا المشرفات احنا طباينهم مو مدرسات وهم ينصحونا ***اللهم لك الحمد والشكر عل كل نعمة ............
طيب باسالك السي دي فية غير التحضير شي يعني دفتر متابعة واوراق العمل اللي ماادري وش معناها ,,,,,,,,,,على فكرة وش ذيييي؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

**ابوخالد الخالدي** · 22-10-2006, 06:47 AM

الله يعيييييييييييينك على الأنظمة الهمجية

تبين الصراحة.. اساسا هالمشرفات يسوون اجراءات مهم مقتنعين منها لانه لو ناقشتيها بصراحة خلف الكواليس...... بتقولك مدري...... بس هذا المطلوب مني

انا بختصر لك.........
اول شي توكلي على الله .. ثم
حضري تخصصك
تحضير المواد الثانية.. جيبها من النت

اما منهج ثالث متوسط خوذي المهم.. (الزبدة) والباقي ان صار معك وقت اخر الترم والا بلاش.

واخيرا وش بيصير يعني......... منت مــيتة قبل يومك

وسعي صدرك

***روح الدعوه*** · 23-10-2006, 04:14 PM

ياغاليتي .. والله حاسه فيك معلمه جديده وتحسين الأمور مختبصه عليك .. مع الايام راح تبدعين
أنا هذه ثالث سنه لي في التدريس واول سنه لي ما كنت اعرف راسي من رجولي ولا كنت اعرف لامنتدى ولا احد يدلني على عملي بشكل صحيح لاني كنت بقريه بعيييييييييده .
المهم اوراق العمل هذه مجرد تطبيق بسيط للفصل كله تكتبين التطبيق في اوراق وتوزعينه يا أما حروف لسادس او تطبيق على قاعده لصف ثالث متوسط تطبيق بسيط علشان تتحمسين انتي جربي وشوفي بنفسك النتيجه
قلوبنا معك يا معلمتنا المبدعه
وكل المنتدى في خدمتك
ودمتي في رعاية الله..

**صدى الزمن** · 25-10-2006, 12:33 AM

اخيتي بما انك اول سنه في التدريس فلابد من الخوف واللخبطة لان هذا حالنا نحن المدرسات في اول سنه بس بعدها بيكون الموضوع سهل انا اذكر اني اول سنه كنت دائما خوافه يعني اي شئ تطلبه الموجهه او المديرة انفذه من دون نقاش حتى لو كان بيسبب لي ضغط بس الحين شوفيني لساني يلوط اذاني ماهو كل شئ اقبل فيه اللي فيه مصلحة للطالبات ولا يسبب ربكة وضغط علي وعلى الطالبات بيكون على العين والراس وغير كذا مافية
بالنسبة انلي انا حاولو يمسكوني مادة لغة عربيه فرفضت رفضا تماما لاني اعرف مقدرتي واني مااقدر اوصل معلومات زي معلمة المادة نفسها ومافيه شئ يجبرني امسك مواد غير تخصصي لانه هذا اللي قالته لي الموجهه بالرغم اني ماسكه 10 حصص في كل المدرستين (بس الحين تغير بسبب فك الربط مابين الابتدائيتين ) ...... وزي ماقالوا التحاضير نزليها من النت وحاولي تناقشي الموجهه بتنزيلها من النت
بالنسبه للسي دي فهناك سي ديات لجميع المراحل وكل سي دي فيه اوراق عمل
امبالنسبه لتقييم الاداء الوظيفي فالان اصبح بيد المديرة جميع الدرجات وهذا مااخبرتني به الموجهه عندما حضرت درسي وقالت ان حضورها ليس عليه درجات وان الدرجات انتقلت الى يد المديرة

**ابو متعب 3** · 29-10-2006, 12:56 PM

ايضا مشاركه متاخره عليها الغبار بدا يطلع (حطي في بالك تقومين انك في منطقه نائيه صعبه تزورك المشرفه على طول يمكن بعد كل شهرين مره يعني خذي راحتك حتى في الشرح ولا تهتمين الا في مادتك وبعدين اعرفي شي سواء وقعتي على اوراق او لا انت بس مطالبه بمادتك الانجليزيه فقط
لان من فين يكون لك تقويم على ادائك في الفصل في المواد الاخرى
\ايضا انت درست انجلش بس مو كل المواد وبعدين ليش انتوا تخافوا كذا يابنات خليك عند الحق ومع الحق
وبعدين لا مدير ولا غيره بيقدر ياثر في نقلك اذا انت مواصله على الحضور والتحضير والتجديد واتمنى لك التوفيق