هل فيه تعميم جديد لدرجات الانجليزي خاص بالمشاركة ؟؟؟

**um-lama** · 29-03-2007, 03:48 PM

بلييييييز ابي افهم من متى والانجليزي يتساوى في توزيعة درجات المشاركة مع المواد الثانية المشكلة انا متعودة اذا في شي يخص الانجليزي ينزل له تعميم الا هالمره وتفاجأت بمشرفة الاختبارات جتني وتقول ان درجة المشاركة مش مقسمة زي مااحنا عارفين وان لازم اعطي الطالبة عشر درجات كاملة وماانقصها شي واذا في تنقيص بالدرجات عندي ورقة الامتحان انقصها فيها ولما ناقشتها بان مادة الانجليزي مش زي اي مادة لان عندنا مهارات لازم تتقوم مو اي كلام قالت لا تحاولين تقنعيني وهذا اخر كلام والكل متفق عليه وانتهى ....... والمشكلة مشرفتي باجازة وضع و ولا ادري وش اسوي مع هالوضع وهالتوزيع الجديد الغير مقنع
بصراحة اول ماعرفت بهالشي دقيت على اختي وقلت لها ان شاء الله بتاخذين الاولى عالمملكة مع هالتوزيعه الجديدة وبدون تعب بس انتي لا تذاكرين الا بوقت الاختبار ونبسطي وتسلي الدرجة راح تاخذينها زي السلام عليكم

بصراحة مهزلة مابعدها مهزلة هذا اللي اقدر اقوله

**ORCHIDA** · 31-03-2007, 06:56 PM

الاخت ام لما

درجة المشاركه في مادة اللغة الانجليزيه نفسها في بقية المواد من 10 درجات

لا تقسم بل تعطى على حسب تقديرك للطالبه من مشاركه و قراءه و واجبات و نشاط و ... الخ

و اما حكاية ان جميع الطالبات ياخذون العشره كامله فهو غير صحيح .. اللي اعرف انك ما تنقصينها

اقل من خمسه .. يعني اللي عدم مرررره تاخذ خمسه اقل شي .. و بعدين مساواة الكل بالعشره

ظلم للطالبه المجتهده اللي تجد و تذاكر على طول و في الاخير اساويها مع الكسلانه !!!

اصلا هذا الشي يخلي الطالبات نايمات طول الترم لانهم واثقات انهم في الاخير بيجيبون العشره باااااارده

ع العموم .. لو واجهتي المشرفه و اصرت ان الكل ياخذ عشره .. قلي لها وين التعميم اللي يقول كذا ؟؟؟

راجعي التعميم رقم 447/ 49 في 7 / 10 / 1427 ه و الخاص بتوزيع درجات اللغة الانجليزيه

**um-lama** · 31-03-2007, 08:03 PM

مشكورة يا كل الحب قلت لها وطلعت لها التعميم قالت لا هذا التعميم عام على كل المواد ومن ضمنها الانجليزي وقلت لها عندنا مهارات لازم اقومها مو بس الدرجة عندنا تقتصر عالمشاركة والدفتر لازم اقوم الطالبة عالقراءة والكتابة والسماع والمحادثة احنا مو زي مثلا الفقة او الرياضيات صح هالمواد عندها مهارات بس مو زي الانجليزي لكنها مقفلة مره وتقول مشرفات القصيم قالو كذا واحنا تبعهم ولا ادري شسوي معاها كلمة مشرفتنا قالت سوي اللي تقول عليه
كيف اسوي شي انا مو مقتنعه فيه
شي يقهر والله

**ORCHIDA** · 31-03-2007, 09:52 PM

طيب .. وريها دفتر المتابعه اليومي اللي تدونين فيه ملاحظاتك ع الطالبات و خليها تشوف البنات اللي ما يحلون الواجب او المشاغبات و اللي ما يشاركون في الفصل و اقنعيها انه حرام تساوونهم بالمجتهدات
يعني ع الاقل ياخذون ثمانيه .. و اذا ما اقتنعت .. هذا شي في ذمتها !! الله يعيننا عليهم

**um-lama** · 02-04-2007, 09:21 PM

يعطيك العافية يا كل الحب تعبتك معاي لبى قلبك والله ويفرج لك همك دنيا واخره

**ORCHIDA** · 04-04-2007, 12:08 AM

و لا يهمك يا عزيزتي .. ما سويت شي و احنا في الخدمه

**طاشرالشوق** · 20-04-2007, 02:51 AM

هل هذا الكلام يشمل الصف السادس

**miss. English** · 20-04-2007, 05:55 AM

اجل ليه حطوا عشر درجات بيدك؟كان قالوا الدرجه التوتال من اربعين

لامو صحيح كلامها هي تبي تسوي تسهيلات
وحتى حكاية الخمس درجات انا عطيت الترم الاول ثلاث واربع وانا حاسبتها بالملم لان فيه بنات قمة بقلة الحيا والاهمال وماخلوا فقلبي رحمه لهم وانا حره اعطيهم اللي يستحقونه وهالشئ بيني وبين ربي ان شاء الله مااظلم احد
ماارفع ولا انقص

موفقه