لايفوتكم سطور قليلة عن اهمال وظلم الموجهات

[13&mjoody]

يعينك ربي ما شفتي الواسطات في تعليم القريات و المديرةشعارها المحاباةو النفاق

[Out OF ReAched]

الله يعينك اختي ويفرج همك


ان شاء الله يارب تلقى ظلمها في نفسها
ياويلهم من اللله الظلم ظلمات يوم القيامه

[اي بي سي]

ميـــر يعيـــن والله

أجــل وش تقــولون عن إلي تندبك لمدرسة ومدرستك بإحتياج وتقوولك والله راح نجيب واحده تغطي عملك ..؟؟؟؟؟؟

أجل وشلون تندبيني ثمن تجيبين واحده مكاني .. قالت نقرب المســافه وام الخمسين تروح لام المية كيلو وام الواحد تجي يم الخمسين كيلو ..

(( بالذمــة ذا حكي ))

ونتواجه وتهدد .. وفي الاخيــر ,, تنكشف اللعبة وأثاري تبي تنقفني ..

لو ما نبهتني واحده من المعلمات ولا كان رحت على نيتي وجابت الي تبي وتقول بعدها اضربي الباب ..

(( يا خزيـــــــــــــــــاه بس ))

افتكينا منــها ومن رقعة وجههـــا

ويا حبني بس لمشرفات غرب الرياض .. والله آوادم وأخلاق وتقدير وعلم واحترام .. وقبل كل شي تلاقين الواحده فعلا انسانه بكل معنى الكلمة قبل تكوون مشرفة ..,,

[rivan]

حسبي الله ونعم الوكيل على كل ظالم



نحن المعلمات نعاني من ظلم الموجهات ومايعجبهم العجب حتى لوكنتي ممتازه في عطائك مايقدرون هذا الشيء
الا النقد يزيد و يزيد


الله يعوضنا في الآخره ويكفي الأجر و المثوبه من عند الله

[أم العبابيد]

كلمة مشي المنهج هي هذي الكلمة الي دايرة على لسان كل المشرفات و المديرات للأسف الشديد و الله ما يهمهم لو إنك تدخلي الفصل و تلعبي مع الطالبات و آخر الترم تعطيهم الأسئلة المهم نسبة النجاح عالية و مثبت في دفاتر الطالبات و دفتر التحضير الدروس حتى لو ما أخذوها بجدية حتى لو نقلتيهم من على السبورة و هم كتبوا وراكي المهم موجود الدرس و بس وكثير من المدرسات بيعملوا كذا للأسف الشديد و تكون المديرة عارفة و مطنشة المهم المنهج يمشي
ما نقول غير حسبي الله و نعم الوكيل

[همس الياسمين]

:36_4_12: :36_4_12: :36_4_12: اشكر جميع المشاركين والمشاركات( تحياتي)_shiny_

[ام بسمه]

السلام عليكم

لن اطيل عليك
ولكن انتي تتبعين وزارة

والعمل ليس بيد مشرفة او مديره

ارفعي شكوى صريحة تحمل اسمك واسم مدرستك ومديرتك ومشرفتك

اذا كان لك حق ستأخذينه ان شاء الله

هذا رابط الوزارة تستطيعين ارسال شكواك اليوم
http://www.moe.gov.sa/openshare/moe/index.htm
والله يفرج همك
ويجعل لك مخرجاً

[om aziz55]

بصراحه ما ادري ليش انتم معطينهم اهميه, ما يفطع الراس الا اللي مركبه وان كنتم على حق لا تهتمون مهوب عاجبك ارفضي واذا وصلت مره بيعطونك لفت نظر so what والموجهات معضمهم عقلهم صغير وما وصلت لمكانها الا بالواسطه او بالتذلل يعني مليانه عقد الله يعافيهم ولا يبتلينا.
وما اقول الا حسبي الله ونعم الوكيل.

[سما الود]

من رايي انك تطلبين اشراف ويصير راسك براسها
وصدقيني بترتاحين ان شاء الله

[Toti]

الموجهه المفترض تكون مثال للنزاهه والأخلاق
والصدق والتقوى و هذا اساسه كلة الدين ..
فلا خلاق لمن لاايمان له .

[msms]

ياعيني على هالبلد ..
الكل يتجبر ويتغطرس على الي يقدر عليه ..
كأننا بغابة ياكل القوي فيهاالضعيف ..
الطالبة تشكي من المعلمة والمعلمة تشتكي من الطالبة والمديرة والمشرفة
الله المستعان ..
فعلا المشرفات أي كلام ..والمديرات بعد..
اسوأ الوزارات وزارتنا للأسف ..

[Toti]

مو كلهم يا مس مس
في مديرات قمة بالأدب والأخلاق والتقوى ولانزكي على الله
مثلهم مثل المعلمات والطالبات فيه الزين وفيه الشين .. لاتعممين ياأختي
لكن المشرفات الله يرحم الحال الغالب ماتخاف ربها ولاتراعية الله يهديهم

[شيكولا]

حسبي الله ونعم الوكيل
الاشكال هذي ما ينفع معها الا طولة اللسان واسأل مجرب طبعا اذ كنت على حق
علشان يحسبون حسابك قبل لا يسون اي شي
ومن حقك ترفضين تمسكين الحصص كلها لان التعميم يقول المعلمة ما تمسك اكثر من 24حصة
والله يعينك ان شاء الله و يعوضك خير

[damdoom]

انا بصراحة مأستغرب شي مثل كذا فالقاعدة الاساسية عند اغلب الناس الي ماسكين منصب هو التعجرف و الموجهة هاذي تخبي ضعفها بتعجرفها.عالعموم بعض المشرفات نفس الحالة. وحدة منهم تلعب بحسبة البنات لعب اذا ماشرحوا زين وهي اللة لا يبلانا تجيب معها قاموس في الحصة اذا حضرت عند وحدة من البنات عشان السبلنغ عندها مو ذاك الزود. طيب شوفي نفسك ياشيخة بعدين انقدي علي كيفك

[Rawee]

[grade="00008b Ff6347 008000 4b0082"]الله يعينك على مصيبتك..... بس انا عندي لك نصيحه ومضمونه .....كوني قوية ....عينك حاره ..مطنشه للي ما يعجبك وتردين عليها فورا ودون مجامله......واثقه من نفسك.....ومرتبه كل امورك على اكمل وجه ..واي شي تطلبه منك ماهو من ضمن التعاميم قولي ابغى خطاب منك وموقع بعد وراح تشوفين التحول والنتيجه انشاء الله.......

لاني والله العظيم صار لي تقريبا نفس الموقف تقريبا وطبعا لما كنت (فرش) وتوني متعين كنت اخاف اتصادم معه واتحمل كل اللي يقوله وبصراحه تعبت نفسياَ....وبعد ما كملت الاربع سنوات في التعليم لقيت انه ما له داعي ذيك الرهبه من المشرف مهما كان وضعه وصرت اطنشه في اي موقف يقوله وارد عليه اذا ما اعجبني رايه واقسم بالله العظيم انه تفير 180درجه وصار يتضحك معي وما قام يزورني وصار يتجنب يزور المدرسة اصلا لاني ما صرت اعطيه ذيك الاهمية والحمد لله صبرت وطبقت اللي براسي بس اهم شي انه ما يلقى علي اي زله لاني مرتب وضعي زين حاولي تسوين اللي سويته وراح تدعين لي والله يوفقك بالمرحلة الجاية......[/grade]

[tareeq1212]

بسم الله الرحمن الرحيم

أولاً وبر غم قدم الموضوع (من يوم وضعه على المنتدى وقرائتي له) اتمنى ان تكون اضافتي مفيدة

ثانياً اختي الكريمة

عنك عدة نقاط و قد قام الاخوة و الاخوات بذكرها

و انا اتمنى لكي وللجميع الفائدة

1- اولا و قبل كل شيء عليكي بالدعاء للمشرفة بالهداية( لا تدعين عليها فأنت و نحن نحكم على الظاهر مظلومة ودعوة المظلوم مجابة ولو بعد حين) ادعي لها بالهداية.

2- تذكري ان الله فوقك و فوقها و يراكي ويراها واحسني عملك واتقنيه و ماعليك من فلانه او علانه

3- اجلسي مع المشرفة او تكلمي معها على الهاتف بمرئياتك ووجهة نظرك, فإن لم تستمع اليك (وحطي في بالك انها زيها زيك معلمة ولو انها مشرفة بحكم امور ادارية فقط)

4- بما إنك مواظبه في عملك و مكمله كل اشغالك مالها طريق عليك الا موضوع الغياب... وموضوع الغياب عند ست الحسن المديرة و ليس المشرفة و لا التعليم((حطي في بالك هالنقطة إنتي لا تتفاهمين مع المشرفة الا في الامور الخاصة بالمادة اما الامور الادارية فهي في عهدت صاحبة الامارة المدييييييرة))


و اخر نقطة بأمكانك الرفع و التظلم من التقدير و الاداء الوضيفي من المشرفة


((نصيحة اخيرة- يا اختي الكريم والله والله والله المشرفة ما تحط التقدير الا بموافقة المديرة .. المديرة ... المديرة))


اسأل الله ان يكون اسمك طلع في حركة النقل الاخيرة و ارتحتي من هالمشاكل كلها

(( المشرف عادة يكون انسان يحاول التهرب من الطلاب لذلك يتجه الى الاشراف ليس بطوله و لكن انهزام_و نحن نستثني الطيبين و نقول " وسلامة الطيبين"))

[همس الياسمين]

شكرا لمروركم ومشاركاتكم الطيبة باركوا لي انا نقلت وافتكيت من هالظالمة الي ماتعرف ربها