مرحبا عزيزتي ;
انا والله صار لي نفس الشي اول ما تعينت العام كان عندهم وحده يجيبونها بالإيجار تخلص شغل الكمبيوتر و تطلع و يوم جيت و سألوني و قلت اعرف تعالي شوفي الكرف مع ان المساعده و المديره و كم مدرسه يعرفون ,, بس لأني جديده ما حبيت يكون فيه تش بيني و بين احد و خصوصا الاداره ,, بس بعد ايام مصخوها و كل شوي ينادوني و يتوقف شغلهم لين اجيهم !!
مره مرتين ثلاث و عشر تعبت وصلت فيهم اني يوم رحت ابي اعبي بيانات الطلب للنقل اروح للتوجيه بالجهاز و اراجع الاخطاء مع الموجهات و اعدل الدرجات و ادخل بيانات المعلمات ليه ؟؟ لأني انا المحتاجه على قولة المديره اذا تبين تخلصين امورك و تعجلين ببيان نقلك اكملي البيانات الناقصه !!!
سكتت ساعتها لين عدت فترة النقل وبعد فتره اعلنت تمردي لان هذا يعتبر عمل تطوعي و على قولة الموجهه تعاوني !! لا عليه درجات و لا يحسب بالاداء الوظيفي و لا شي ,,
بعدها كل ما نادوني اقول مشغوله و بعض الشغلات اقول ما اعرفها لين طفشو مني و راحو لوحده ثانيه ....
اذا تبين نصيحتي لك كأخت حسني علاقتك مع المديره الاداء الوظيفي بيدها ,, روحي لها و قلي استاذه انا اسفه اذا غلطت بشي ذاك اليوم بس انا خلاص ما عاد فيني استحمل أُجهدت فوق طاقتي خصوصا ان هالاعمال ماني مجبره و لا مكلفه بها و اتحداها تفتح فمها بكلمه .. انا تعاونت مره و مرتين و هذا طيب اكثر من كذا ما اقدر ,, قولي لها الجهاز يتعب عيونك اي شي اهم شي لا تتحامل عليك ..
ربي يوفقك و يسهل امرك و يسخر لك الاداره كلها ,,
لكِ ودي و محبتي
المفضلات