تخيل تزرع ورودك على الغيمه وتقطفها
وتهديني انا ورده واخليها على خدي
وتالي تمسك الغيمه تقل لي يالله اوصفها
واشبهها على قلبي ويطلع لونها وردي
ونسبح في الفضا والارض نبعد عن مشارفها
و نضحك للنجوم الساهيه ونطير ونعدي
ويعزفنا الغلا الحان تطربنا معازفها
ويلهمنا الشعر احلى الحديث الهامس الودي
ونهدي للثريا نجوم احلى عن وصايفها
ونهدي للبدر هاله تفوق الوصف وتعدي
وتغمرنا المحبه حب وتلهبنا عواطفها
وتسالني عن شعوري واقول الله من قدي
انا اسعد بشر وانت اعز الناس والطفها
واغلى حب في قلبي عزيز وغالي عندي
وتالي تاخذ الورده تبي تمزح وتحذفها
وتمسك لي يدي واصحى والاقيها على خدي
وووبس!
المفضلات