اليوم كان حفل نجاح طالباتي ثالث متوسط
ولا اخفيكم والله بكيت بحرقه عليهم لعده اسباب اولها هم طالباتي وانا مربيه فصلهم ثلاث سنوات
وهم اول دفعه امسكها بالمدرسه يعني كملت معهم ثلاث سنوات بالمدرسه واليوم كان اليوم الاخير لهم
من الصباح وانا حاسه انها خانقتني العبره وعشان اكون صريحه والله خانقتني العبره من اول ما بدت الاختبارات لاني خاااايفه من هاليوم الي راح اسلم عليهم فيه واتركهم يدخلون عالم ثاني عالم جديد مرحله جديده ...
من بعد ماجيت من الدوام والله ماقدرت انام والغرفه كلها باقات ورود وهدايا منهم كل ماجيت ابنام ناظرتها ودمعت عيني ادري انها مرحله وبتعدي بس جد جد جد فراااقهم صعب علي خصوصا انا ماسكه منهجهم الانجليزي بقسميه الوزاري والاضافي لمده ثلاث سنوات..
الله يوفقهم ويحللهم وييسر دروبهم ويرزقهم ويثبتهم عالحق ويجعل القران الي حفظوه طوال التسع سنوات حجه لهم لاعليهم( من مدارس تحفيظ القران الكريم) اليوم سالتهم الوكيله عن اجمل لحظات قضوها بالمدرسه كان ردهم جدا مؤثر لما قالوا بتاريخ 22\5 يوم الثلاثاء اتممنا حفظ القران الكريم كاملا ولما سالتهم عن قدوتهم بالحياه جاوبوا اجابه جماعيه وقالوا تيتشر مها ...
انشاءالله اكون قدوه حسنه لهم
حبيت افضفض لكم اليوم مادري ليش فتحت المنتدى وكتبت لكم لما حسيت بفراق طالباتي...
أحبـــــــــــــــــكم أكثر من عدد الـ units و الـ lessonsالي درسناها يا ثالث....
المفضلات