بليييز ساعدوني مدرسه جديده وبتحضرلي موجهه يوم السبت موعارفه شسوي

**amoo** · 13-11-2008, 03:01 PM

السلام عليكم

انا مدرسه جديده لي تقريبا اسبوعين ادرس سادس ابتدائي انجليزي والحمدلله ماشيه وهم ماشيين معاي بس مشكلتي ان المدرسه ماعطوني توزيع منهج ولا تقويم ولا شي وقالو لي خذي تحضير من النت وانا كنت اسوي تحضير ودورت بالنت ولقيت واحد تقريبا نفس حقي بس الاختلاف بسيط بالشكل غير والافكار وللحين ماسويت الدفتر استنى احد يساعدني وخصوصا اللي عندهم خبره ويقولي اي تحضير اخذ اللي من النت عادي يعني لو مثلا هذي الموجهه شافته من قبل عادي ماراح تقولي شي ومافيها شي ولا الافضل اني اسوي حقي واستخدمه انا ليه مو عارفه اي اختار لاني ابي الاضمن اخاف ان حقي فيه نواقص ولا زياده مالها داعي
طيب الشي الثاني دفتر التحضير كيف لازم يكون من اول صفحه الى اخر شي بوشو ابدا دفتر تحضيري عباره عن ملف ب اوراق شفافه والتحضير اكتبه كمبيوتر ((( لاني خطي يشكي الحال يفشل ))))) وبعد ارتب شكلا واحلا
طيب بالفصل ايش اسوي
يعني انا العاده ابدا بالتحيه واليوم والتاريخ واسال عن الدرس اللي فات وبعدها ابدا الدرس الجديد زي الحروف اقراها وافهمهم واجيب وسائل فلاش كاردز على قد ماقدر يعني مو دايم وبعدين هذا كابيتال هذا سمول واعيده وارددها واخليهم يرددونها معي وبعدها اذا خلصنا الدرس رحنا للورك بوك كتاب التمارن وحلينا اللي يمدي واذا خلصت الحصه الباقي واجب
يعني لحد الحين مابدينا املاء لين ماكتبتهم شي بس الكلمات اللي بالدرس بالبيت يكتبونها بالدفتر وانا اصححها بعدين
والحصه الجايه درس 5 بناخذ فيه زي المحادثه
يعني الزبده انا مدري طريقتي صح انا منقصه شي والمفروض اسويه بليز احد يساعدني مو بس علشان الموجهه وكذا بعد علشان البنات هذي سنة تاسيس وانا مابي اظلمهم مع انهم حابين الماده وفاهمن علي بس ابي اتاكد
الله يعطيها الف عافيه ويوفقها والله بدعيلها باللي تبي وبالجنه بس احد يساعدني تعبت وانا اسال كل اللي حولي محد عطاني جواب سنع وانا ضايعه

**][ملامح خجوله][** · 13-11-2008, 04:30 PM

هلا بك اختي

بالنسبه لدفتر التحضير ماشاء الله فوزا الحربي وغيره تحاضيرهم كثير حلوه

اول شي بالدفتر لازم يكون معلوماتك يعني اسمك تخصصك والمدرسه والعام الهجري وسنوات الخبره مثل كذا يعني

وبرضوه لازم الجدول المدرسي
و الاهداف العامه
الاهداف الخاصه

والمراجع
والوسائل

طبعا كل شي بصفحه

وبعض المديرات والموجهات تطالب بالخطه العلاجيه لضعيفات

بعد كذا يجي توزيع المنهج

وبعده التحضير

بالنسبه لشرحك لازم تكون فيه وسائل لازم تستخدمين دفتر المتابعه حلو الفلاش كارد وضيفي برضوه تمرين اذا انهيتي الشرح على لوحه او وزعي اوراق عمل كتطبيق على الدرس وقياس فهم الطالبات

هذا اللي يحضرني اتمنى اكون افدتك ولو بشي بسيط

واتوقع الاعضاء والمشرفين فيهم الخير ورح يزيدون على كلامي الشي الكثير

**amoo** · 13-11-2008, 04:38 PM

الله يوفقك يارب دنيا واخره ماتقصرين ملامح خجوله الله يجزاك الف خير
انا حاليا فهمت الاساس ابي التفاصيل ياليت احد يساعدني اكثر
الله يوفقكم

**loyal** · 20-11-2008, 05:07 AM

السلام عليكم ورحمة الله وبركاته

حبووبه الموضووع جدا سهل .. وموجهتك لو حضرت لك بتحضر لك كمتابعة فقط .. وتعطيك بعض التعليمات ... وانتي كمان اسأليها عن اي شي مو فاهمته .. درسك جدا حلوو .. وسهل سواء بالتحضير او بالشرح وحتى في تقويم الطالبات .. هي مهارة وحده فقط تخص هذا الدرس .. رقم 5 من مهارات الحد الأدنى " المشاركة في النشاطات البسيطة مثل التحية والقاء الاوامر وتلقيهها" لما تحضري درس على مهارة معينه .. حاولي يكون شرحك كله يخدم هذي المهارة .. و التدريبات او اوراق العمل .. كلها عن هذي المهارة .. انا حضرت الدرس مع المهارة وراح انزله لك هناا ..

http://file12.9q9q.net/Download/2784...son-5.doc.html

المهم : لما يقوموا البنات عشان يعملوا مثل المحادثة .. لازم يكون معاك السجل عشان على طول تسجلي اللي اتقنت المهارة واللي ما اتقنتهاا ...

كوااجب لهذا الدرس .. تقدر تعطيهم اوراق بهذي الثلاث اسئلة .. تجاوب عليها في البيت .. بس يكون بخط واضح .. وكتابة الأحرف صحيحة والكلمات مترابطة .. وعلى الأسطر ..

هذا اللي عندي .. واذا مو فاهمه شي .. اسألي وان شاء الله الأعضاااء ما يقصروا