الله يكون فى عونك .. فى القريه يعني بدو .. والبدو مافى امل يتعلمون القراءن فما بالك باللغه الانجليزيه ..
انا الحمد لله تعينت فى مدينه الدمام فى وسط المدينه .. وربي رحمني من القرى والا كان جاتنى جلطه ..
على العموم ...
حاولى انك ما تضيعين الحصه بمجرد دخولك .. تبدين فى الدرس ... واعطي الحصه .. وطبعا دروس سادس حدها 20 دقيقه كافيه .. وبعدها طيحي فيهم اسأله واجوبه .. وطلعيهم عند السبوره .. وكل حصه ركزي على مجموعه .. مو لازم كل الطالبات .. يعني تقومين الممتازات فى اول 10 دقايق بعد ما تنتهين .. وبعدها حطي فى راسك ..5 طالبات بس .. وحاولى تركزين عليهم .. وخليهم يقرأون ويطلعون على السبوره ... وبهذليهم يرددون ... والحصه اللى بعدها شوفيلك 5 غيرهم .. حتى ما تضيعين الحصه على عدد كبير ولا يستفيد احد .. وخليها برمجه .. كل حصه حطى فى راسك مجموعه وبهذليها .. وهم مع الوقت راح يستفيدون ولو شي بسيط ... واهريهم واجبات .. واكثرى من النسخ .. جمله اكتبيها وخليهم ينسخونها مثلا عشرين مره ... والمنتدى هنا مليان اوراق عمل خذي وصوري واعطيهم .... .
سويلهم يوم اختبار .. وخليه صعب مره .. وخلي معظمهم ياخذ اصفار .. وبعدين تعالى سويلهم حفله .. وهزئيهم على المستوى السيء حتى الممتازات عندك .... وبعدين سوي نفسك رحمتيهم .. وقولى يلا بعيد الاختبار .. وسويلهم اختبار سهل .. وراح يجاوبون .. وبعدين قولى .. اذا شاركتم معي راح اخلى كل الاختبارات بسيطه .. والا ترا بجيبها صعبه وكلكم ترسبون .........
جربي ذي الطريقه .. واذا ما نفعت تعالى اشوفلك طريقه ثانيه
المفضلات