متوهقة وأبي رايكم

[Marshmallows]

امس حصل لي موقف وابي اخذ رايكم فيه....لما جيت اشرح الدرس الثالث في الوحده السادسه..درس ال present perfect ...كنت معتقده ان البنات ماخذين هذي القاعده في ثاني متوسط العام الماضي وشرحتها بسرعه وطول ماانا اشرح لهم اقول لهم وشفيكم ناسيين القاعده؟ وهم متنحين مايردون... اقولهم ماتتذكرونها يقولون لا ماعمرنا سمعنا فيها :eek: وانا بكل ثقة اقولهم لهالدرجة انمسحت القاعده من عقولكم ماعاد تتذكرونها وهم يناظرون متنحين واقولهم ولا تتذكرون ال past participle وعلامات الدهشه على وجوهم.........اثاريهم مااخذوها العام الماضي....(طبعا هي كانت موجوده بالمنهج القديم وانا اذكر اني درستها ) طلعت مخربطه وعلى بالي ماخذينهاا لعام الماضي وهم ماعمرهم سمعوا فيها................شككوني بنفسي ورجعت ابحث في كتاب ثاني اكتشفت انهم مااخذوها!!!!!!!!!!!!!وانهم صادقين يوم يقولون ماعمرهم سمعوا فيها!!!!!!!!!!!!!!!!!!!
الصراحه توهقت!! زميلاتي بعضهم يقولون اعترفي لهم وقولي انك مخربطه مافيها شي...بس انا اخاف كل ماقلتلهم شي ياخذونها حجه عاد يقولون ماخذيناه!! وبعضهم يقولون لا لاتقولين شي ارجعي اشرحيها بشكل افضل وعطيهم تمارين ومشي الموضوع!!!
وش رايكم؟؟؟ ابي مشورتكم ..؟؟ الصراحه اكتشفت ان انا اللي مخي مضيع :rolleyes:

[ابوعلي]

ماشاء الله عليك واصله الوحده السادسه والله انا للحين في الوحده الخامسه ...مرت ظروف كثير عطلتنا

بخصوص موضوعك
أنا لو كنت مكانك راح اقولهم " هذي القاعده كانت موجوده في المنهج القديم وأنا بنفسي درستها ولكن بعد مابحثت في منهج الصف الثاني الجديد اكتشفت انها محذوفه وانكم فعلاً ما أخذتوها واليوم انا راح أشرحها وبالتفصيل"

وبس

هذا هو تصرفي لو كنت مكانك

تحياتي

[miss. English]

بحسب طالباتك اذا عاقلات عادي قولي وكلك ثقه
اذا طالباتك داجات وينتظرون الزله طنشي وامشي اصلا والله مايدرون وين الله حاطهم ووش خذوا ووش ماخذوا
ولو عطيتيهم الدرس قبل اسبوع نسوه وقالوا ماخذيناه

هالدرس المفروض يكون درسي اليوم بس غبت وخليته للاسبوع الجاي بحسب التوزيع<< بكرا ندب بإبتدائية :)

[dove]

حبيبتي انا عن نفسي مارح اعترف بصراحة كفاية المنهج ودمه الثقيل
وخاصة والله بنات هالايام يتمنو الزلة
وعموما احنا بنشرح اي نقطة في هالمنهج بدل المرة الف
فعادي بكل ثقة ادخلي مرة ثانية بمدخل اخر للقاعدة واشرحيها
ولا كان صار شي

وهارد لك حبيبتي Marshmallows
تراها تحصل في احسن العائلات

تحياتي

[miss. English]

انا مره غلطت بنطق كلمه وجيت اليوم الثاني اسال البنات اسئله جوابها هالكلمه
ولما نطقوها خطا صححتها لهم بكل برووود ولا كانه غلطي :)

[زهرة وفى]

مو بس اللي متوهقه يافشيلتي انا

بصراحه انا العام مادرستهم واول مره ادرس ثاني متوسط المنهج

واقرا انك تقولي في منهجهم

بس الحمد لله شارحتهها لهم وفهمتهم

لما جا اسال عن السؤال السابق واحنا تكلم فيه وانا فرحانه ان عندي خلفيه قلت معقوله انتم اخذتوها بشكل بسيط في ثاني النصف الثاني قالو لا استاذه
ماخذناها قلت الا ماخذيناها بس حبيباتي انتم ناسينها قالو والله ماخذنها
سكت وفشلت ولقطت وجهي

واثاريك ملخبطه


عادي سوي نفسك مغلطتي وجل من يسهو
الله اكبر عادي اهم شي ثقي بنفسك :)

[Reena]

Marshmallows

حبيبتي شكلك من ساعة دخلتي البيت على سعودي انجلش على طول

قبل الغدا حتى

المهم الاخوة قبلي ما قصروا ،،،

و لأني ما دخلت بدري لازم بعد العصر او بعد المغرب

لكن لو كنت في مكانك

كنت باجي ثاني يوم و اعيد شرحها بلوعة او بعرض مع تمارين و Group work

و بدون ما أبين لهم شي و هم ماراح يسألوا فقط بيتفاعلوا مع الشرح و التطبيقات

الله يعطيك العافية وهذا درسي بكرة

[uprightness]

ماشاء الله عليك واصله الوحده السادسه والله انا للحين في الوحده الخامسه ...مرت ظروف كثير عطلتنا

بخصوص موضوعك
أنا لو كنت مكانك راح اقولهم " هذي القاعده كانت موجوده في المنهج القديم وأنا بنفسي درستها ولكن بعد مابحثت في منهج الصف الثاني الجديد اكتشفت انها محذوفه وانكم فعلاً ما أخذتوها واليوم انا راح أشرحها وبالتفصيل"

وبس

هذا هو تصرفي لو كنت مكانك

تحياتي

أؤيد رأيك تماما والخطأ بسيط جدا ولا يتعلق بمستوى المعلمة العلمي بل مجرد نسيان
والسلامة دائما في الصدق فربما الطالبات يسألن معلمة أخرى ما إذا كان الموضوع قد شرح في السنة الماضية!

[dove]

أؤيد رأيك تماما والخطأ بسيط جدا ولا يتعلق بمستوى المعلمة العلمي بل مجرد نسيان
والسلامة دائما في الصدق فربما الطالبات يسألن معلمة أخرى ما إذا كان الموضوع قد شرح في السنة الماضية!

والسلامة دائما في الصدق

sorry uprightness

لما ابدينا راينا لم ندخل في كلامنا عكس الصدق لانه اكيد شي غير تربوي
ولكن كان راينا انه مافي داعي اني اقول اني غلطت وعادي الانسان صحيح مو معصوم من الغلط
but no need

وخاصة انها راح تشرحها مرة ثانية بامانة وراح تطبق عليها
العيب اذا المعلمة اتعالت وقالت انه كلامها هو الصح رغم معرفتها بالغلط واخذن الطالبات المعلومة الخاطئة كاساس علمي

وبعدين قاعدة present perfect
عمرها ماكانت غير في سنة ثالثة في المنهج القديم ولم تعطى قبل ذلك

لك احترامي وتقديري

ولكنها فقط وجهة نظر

[yesmeena]

مساء الخيرات عزيزتي

المسالة سهل مشي الموضوع وقبل حل التمارين معها اعيد على الفقرة بشكل مركز شوي

مافي داعي اقول اني خربطت البنات بيفهموا من انفسهم هذا اذا يهم يفهموا اصلا :)))))

بالتوفيق يا غلا

سوسو

[عذبة المشاعر]

وش فيكم
القاعدة اخدوها بشكل مبسط في الاول متوسط وكانت في الضمائر
I have pen

إذا تذكرون يعني ماهي شيء جديد عليهم

يعني تذكريهم بأن

has و have ماضيهم had وكانت ايضا في تصاريف الافعال في الصف ثاني متوسط

يعني الجديد فقط راح يكون في التصريف الثالث يعني في كيفية تشكيل القاعدة

يعني بهذه الطريقة تخرجيهم من المأزق

وربي يعينكم جميعا وانشاء الله نكمل بقية المنهج على خير

دمت في حفظ المولى

[Marshmallows]

شكرا جزيلا لمروركم....الصراحه عرضي للموضوع هنا وردودكم حسستني ان الموضوع بسيط مع اني ضاق صدري شوي خصوصا اني رحمت البنات وانا اقولهم ناسيين وهم يناظروني متنحين.......بس ياللا مو مشكله...
Reena: اي والله جيت من المدرسة وعلطول كتبت الموضوع ( مسبب لي أزمه)
تسلمون على ردودكم ويعطيكم العافيه

[uprightness]

sorry uprightness

لما ابدينا راينا لم ندخل في كلامنا عكس الصدق لانه اكيد شي غير تربوي
ولكن كان راينا انه مافي داعي اني اقول اني غلطت وعادي الانسان صحيح مو معصوم من الغلط

نعم كلامك صحيح وما اقترحتموه لا يتنافى مع الصدق .... كان من الأولى أن أستخدم كلمة أخرى

[E teacher]

أنا من راي ابو علي

و لا توهقتي و لا شي

طبيعي تصير هالمواقف

ترا احنا بشر

و فعلا جل من لا يسهو

[اناناس]

واللة انك زعلانة وهم منهم عارفين احنا في الارض ولا في زحل

[نجوم الظهر]

جل من لا يسهو بس ولا يهمك الدعوة سهلة ومثل ماقالت الزميلةاناناس واللة انك زعلانة وهم منهم عارفين احنا في الارض ولا في زحل و تسسسسسسسسسسسسلمين يالغالية