المشاركة الأصلية كتبت بواسطة samahigh
السلام عليكم و رحمة الله و بركاته..
أختي العزيزة..
أنا معلمة متوسط زيك و و درست كل المراحل ...
وللتوضيح أنا اعمل في منطقة معروف عنها ان الطلبات سلوكياتهم لك عليها..
و مع ذلك و لله الحمد كسبت احترامهم و تعاونهم لأني قدرت احتويهم.. بالكلمة الطيبة
أهم شيء لا تطلبين منهم مباشرة حتى لو كان بالذوق و التفاهم مثل ماقلتي انهم يصيرون مؤدبات.. لأن هذا يخليهم يعرفون ان سلوكياتهم نجحت في استفزازك و تكشفين لهم نقطة ضعف عندك.. و يحاولون يستفزون أكثر..
لكن افرضي عليهم الشيء هذا بان تكوني قدوة لهم في احترام نفسك.. و احترامهم ..
ابتعدي عن التهزئ تماما .. لأنه مو بلا جدوى و بس مع طالبات المتوسط.. لكن ممكن يضيع هيبتك بلحظة.. انتي لمن تهزئين بنت تعطينها الضوء الأخضر ترد عليك بوقاحة...بالإضافة انهم يبون يحافظون على كرامتهم اللي مرمطتيها قدام زميلاتهم و يفردون عضلاتهم..المراهقة مبدأها اللي يعطيني كلمة أعطيه عشر... تعاملي معهم كانهم أطفال.. و الكبير دايما هو اللي يتحمل..
المراهقة لمن تهزئينها تخسرينها و تستثيرين عداوتها...
خليك لينة في غير ضعف..استغلي أي مناسبة ولو بسيطة علشان تحسسين البنات انك تحبينهم و يهمك مصلحتهم..
مثلا قولي للطالبة اللي كانت غايبة .. سلامتك .. عسى ما شر..
لو شفتي وحدة مو مركزة.. لا تهزئينها.. قولي لها .. مثلا: شكلك مو معانا .. الظاهر انك تعبانه..
في نهاية كل حصة .. اكتبي على السبورة اسماء الطالبات المميزات اثناء الحصة سواء اكاديميا او أخلاقيا..
خلاصة الكلام.. الطيب أحسن... و الشد راح يتعبك و بدون نتيجة..
و احتسبي الأجر..
الله يكون بعوننا و عونك
و اعتذر عن الاطالة
المفضلات