المشاركة الأصلية كتبت بواسطة هـمـ الزهور ــس
حبيت اعرض فكرة ممتعه للاطفال
فكرة الدرس في الكتاب
سباق سيارات ومنه نتعلم كلمه الاول والثاني والثالث.......
اذا حطيتوا من الادوات سيارات صغيرة ملونه مو صور.. اقصد العاب من ابو ريالين
راح يتشوقون الطلاب اكثر
يعني نجيب لوحه فلين ونرسم عليها خط السباق
ونحط في مكان كل سيارة (وشر) الوشرات حدايد صغيره مثل القرش
اما نحفره في الفلين او نلزقه بتيب شفاف
ونحط في كل سيارة صغيره من تحت تيب المغناطيس
هذا يوجد في المكتبات شريط مغناطيس فيه لزق
ونكتب كلمات الدرس في قطع منفصله من الفلين (ولو تكون مطبوعه من كمبيوتر افضل)
يعني المغناطيس يكون في الكلمات وفي السيارات
واللوحه مافيها الا وشرات للسيارات ووشرات للكلمات
بحيث ان الطالبه تاخذ كلمه الاول وتلزقها عند السيارة الاولى وتقول جملتها مثلا السيارة الاولى حمراء
وبهالطريقه نقدر نغير الوان السيارات بسهوله
وممكن يكون التطبيق خيول مثلا
والوشر والمغناطيس طريقه سهله في كل الدروس احسن من الدبابيس والتيب
اتمنى تعجبكم الفكرة وتستفيدون من الطريقه
وبالتوفيق للجميع
اختكم
المفضلات