سجل دخولك ببيت شعر

**النمر** · 07-10-2005, 05:18 AM

يا هل الدوحة ( المنتدى ) نصيحه كان رحتوا للكويت
جنبو عن سوق شرق حسبنا الله عليه
فيه بنت الهاص طاغية على بنت السبيت
وان لقاها شيبة الديمن تعثر في عصاه

**Abo Lama** · 09-10-2005, 08:04 AM

حياك اخوي النمر ولاهنت

علمت نفسي قبل تشره على الناس
يا كثر من فيهم تخيب الهقاوي

العشره إللي ما تعلت على ساس
لقيت نفسي في مداها خلاوي

مثل النبيذ.. إللي صبغ لونه الكاس
قالوا عن اللي يشربه شخص غاوي

والصاحب اللي ما رفع فعله الراس
ما يستحق انه لمثلي يخاوي

ترى الصداقه بعض الاحيان تنداس
لا شفتها جرت عليك البلاوي

ربع المصالح والندامه والافلاس
يا كثرهم وقت الرخا والفضاوي

لا قربهم ينفع.. ولا فيه نوماس
ولا همهم..غير الورق والقهاوي

واللي يقولون البدو عنه قرناس
لولا فعوله ما يسمى نداوي

سود الليالي.. عودني على الياس
خلني اقضي عيشتي بالمناوي

همي بقلبي ماله حدود وقياس
وجرحي عطيب ولا لقاله مداوي

لاني قدرت اخفيه عن بعض الاجناس
ولاني على نشر الخفي منه قاوي

دحام الهذال

**النمر** · 10-10-2005, 06:59 AM

الله يحييك اخوي ابولمى ولا هنت وصح لساااانك اخوي ............

هل اجحفت ليلى بهجر حبيبها ....... ام ان يعرب اجحفوا في حقها

**زهرة وفى** · 10-10-2005, 09:04 PM

ل دمعي " واقهره داخل العين
مدري عدل للعين وإلا ظليمه
لا والذي " ألف قلوب المحبين "
ماحدرت دمعات عيني هزيمه ..؟
لكن بكيت من الوفا
والوفا دين
لأجل >> صديق << وذكريات قديمه
(( اللـــــــــه يجمعنا على خير انشاء الله ))

**Abo Lama** · 11-10-2005, 01:23 AM

هلا يازهرة وفى ولاهنتي

يا زين انا افطر والجماعه يصومون
افطر الي مريت واقفيت عني

افطر وكل الناس ماهم بيدرون
افطر وانا ما أكلت زادٍ يسني

والناس يامظنون عيني ينامون
وانا طوال الليل يازين اوني

عليك ياللي عندك القلب مرهون
وعيوني الثنتين له يسهرني

والحال من فرقاك من دون في دون
ولا محنك بحالك اللي محني

والليا تغليتا ترى الرزق مظمون
تجيني ارزاقي بليا تمني

غلاك في قلبي عن الناس مصيون
واخفيه بلساني اللي قمت اغني

ان مت منك وصرت في القبر مدفون
فالروح عندك لو تغيبت عني

وان جتك روح الروح خذها على الهون
ولا تعذبها الى جتك منى

الشاعر/ عبدالرحمن البواردي

**النمر** · 11-10-2005, 01:33 AM

امسحي دموعك بدينك ...
محد يكف ادموع احد ....
وارسمي البسمه بعينك ...
واضحكي من اجل الوعد ....
يا ساكنة مهجتي ...
يا منورة دنيتي ....
حبك على قلبي سطا ...
هذا علي شرع الهوى .....

**DR AHLAIN** · 11-10-2005, 03:08 AM

مرحبا بالجميع...

حبيت اشارك بقصيدة ذكرني فيها اخوي النمر تقول:

امسـح الدمعـه ترى ضـعفك قــوي

أنـهزم قـدام ضـعفـك يا غـــلاي

امسـح الدمعـه بعمــري لـو تبـي

عطنـي احزانــك وخـذ منـي هنـاي

امسـح الدمعـه قبـل لاتقضـى علـي

دمعتــك تغـرق صباحـي في مسـاي

لاتــروع مــثل روعــات الظبــي

روعتــك يــاروعــة أيامـي بـلاي

كـل لـيـلٍ مــع نهـارك ينـجلـي

يابـدايـــات الهــــوى يامنتـهـاي

ياوطـن قلــبي وغربــة ناظــري

يا احتيــاري ياصــوابــي ياخطــاي

يابنـات الفـكر غنـي وارقصــي

عــن خـلي وانشــدي له مـن غنــاي

وسعــي صدر الحبـيب واطـربـي

طربــتي له كلمــا ذعـــــذع هـواي

**Abo Lama** · 11-10-2005, 11:00 PM

هلابك ومسهلا يادكتور

علميهم ياعيوني كيف تجريـح الضميـر
لا بكيتي ما لقيتي صاحبٍ يمـك دنـااااا

علميهم لو سهرتي وأنحنى الجفن الكسير
(منهو بعد الله يعين ومنهو غير الله لناااا)

**النمر** · 12-10-2005, 02:48 AM

ساكتب عنك الكثير الكثير
جمالك باق وعمري قصير
فحزنن يخلد عبر العصور
بشعر بنثر بعشق جدير
لاجلك يصحو شروق السماء
ويأتي المساء ببدر منير
ونور الصباحي ونشر الاقاحي
وعزف الرياح بيوم مطير

عمر الفرا ...................

**Abo Lama** · 12-10-2005, 10:19 AM

واجـد احبابـي ولكـن الـوكـاد
أنت غير ، وباقـي الغاليـن غيـر

لجلك ارحل ، من بلاد إلـى بـلاد
وإن عجزت أوصلك لك روحي تطير

**فاتح القدس** · 17-10-2005, 10:06 AM

بيت وليد اللحظة :

رمضان منك الخير هلّ وأطرقــــــــــــا

وظلام قلبي من ضياءك أشرقــــــــــــا

**Abo Lama** · 17-10-2005, 10:42 AM

فاتح القدس

صح السانك أخوي ولاهنت

واتمنى اني شاعر عشان اجاريك لكن هذي بيتين اعجبتني وقلت نهديها لك

لك البلاغــــة ميدان نشأت به
وكلنا بقصور عنك نعترف

مهد لى العذر في نظم بعثت به
من عنده الدر لايهدى له الصدف

**DR AHLAIN** · 18-10-2005, 03:42 PM

حبيبي غضيضُ الطرفِ إنْ ما تركتُهُ
.............................. وإن لا مستْ كفي يديهِ تبسَّما

فيغضبُ مني إذا ما نسيتُهُ
.............................. ويفرحُ با للُّقيا حبيباً مُتيَّما

يلوذُ بصمتٍ دون نُطقٍ وإنما
.............................. يُعاتبُ قلبي دونَ بَوحٍ تَكرُّ ما

ولا ضاعَ سرِّي مِن لديه بغيبتي
.............................. فيحفظُ سري صابراً ومُكتَّما !

**النمر** · 19-10-2005, 04:22 AM

رعاك اله الكون يا من تربعت ......................... على الحسن حتى غار بدري عن السما

**fbajubair** · 19-10-2005, 06:43 AM

إذا لم يكن صفو الوداد طبيعة ..... فلا خير في ود يجيء تكلفا
ولاخير في خلٍ يخون خليله ..... ويلقاه من بعد المودة بالجفا
وينكر عيشا قد تقادم عهده ..... ويظهر سرا كان بالأمس قد خفا
سلام على الدنيا إذا لم يكن بها ..... صديق صدوق صادق الوعد منصفا

للشافعي رحمه الله

**Abo Lama** · 19-10-2005, 11:08 AM

صح السنتكم جميع ولاهنتوا

يا بحور الشعر روفي في طواريقك غديت
حيرتي لجـة قوافــي في عوالمها وحيد

شاقني رسم المشاعر والحصيل أني شقيت
ارسم الكلمة وامحي وارسم الكلمة واعيد

أتــوجس من ظنوني واتحذر لا وطيت
علي اسلم من دروب ، في مسالكها طريد

علتـي حب القصايد وعلتي مما هـويت
كل ما اكــــبر معاها اكتشف اني وليد

**DR AHLAIN** · 19-10-2005, 11:07 PM

أبيك في كلمـة لو هي خطـا تغفـر لي الزلـه...وردتك ظامـي وان عـز وصـلك فاقـطع حبالـي

أحبــك ذا تـرى أول كـلامـي وآخـره كلـه...ولكن وش يضـر اليـوم لـو تدري عن احـوالـي

وخذ ما جـاز لك من هالحكـي واللي تبي خلـه...انا لا قلـت مـا فـي خـاطـري والله ما بـالـي

**النمر** · 20-10-2005, 03:01 AM

وش رايكم بالجديد رسالة جتني امس بعد مسلسل طاش

حالي عقب فرقاك حالة عليااااااااان ........ ساعة جفاه اخوه في طاش ما طاش
واصبح سمير وهو من اول سعيدان ....... وصارت حياته كلها ماش في مااااااااااش

**Abo Lama** · 21-10-2005, 04:58 AM

نافق تعيش وجامل الناس تنحـب
وبيع الضمير تشوف كلن يجيلـك

هذا هو المنظور في وقتنا الصعب
أما تزيل الصـدق والا يزيلـك

الصدق ماله لازم بعالـم الكـذب
حتى الطفل كـذاب يالله دخيلـك

كذا أنكتب نعيش حاله من الرعب
مابين شك وخوف صبحك وليلك

نمشي مع التيار من وين ماهـب
وأترك عّنك من قال قلبك دليلـك

أن عشت في نيه تحارب وتنسب
ولاعاد تلقـى بـالاوادم خليلـك

ياللعحب ويش العجب ؟ لا تعّجب
لو ماتجامل صاحبـك مايجيلـك

تدري من المحبوب من يتقن اللعب
لاغبت عّنه فيه عشـرة بديلـك

خطة صداقه تشبه لخطة الحـرب
أن ماكسبت المعركة وش حصيلك

تمنيت لو أعرف قائلها

**زهرة وفى** · 21-10-2005, 11:23 PM

~ وصــيـة مـحــب ~
إذا اخــتــرت أن تــســيــر طـــريـق طـويــل نـهــايـتــه
؛؛؛الـجــنــة؛؛؛؛
فــلـيــكــن لــك زاد لا يـنـفــد
( فــإن خـيــر الـــزاد الـتــقــوى)
و لــيــكــن لــك رفـيــق لا تــهــجـــره
(كـــتــاب فـصــلــة آيــاتـــه)
و لــيــكــن لــك مــنــهــج لا تــحــيــد عـنــه
(عــلـيــكــم بـســنـتـــي)

**الغاليه** · 23-10-2005, 03:48 AM

اعذروني..جايه طايره وشكلي بصدم..هههههه..لأول مره اشوف هالموضوع...عرفت تختار ياابو لمى...

عاد أنا أحب الشعر وببلشكم فيه..بس قبل بقول ..اخوي النمر والله انك حركتاااااات..صراحه هالحلقه من طاش هي الوحيده اللي شفتها ويوم قريت الأبيات ضحكت من قلب..

نبدا باسم الله:

مو قهر..لما تصون عهد من خان وغدر...........وتعتذر لانسان عمره ماتنزل واعتذر...

أو تقدم تضحياتك..وتعطي أحبابك حياتك..........وتلقى نفسك بالنهاية إنت أول من خسر...

**الغاليه** · 23-10-2005, 03:49 AM

يهمك تعرف أوضاعي؟؟!!..

أنا مستانس وطيب...أنا مثل البحر تدري...يثور وتركد أمواجه..

أبد لا يزعجك حزن تشوفه بوسط عيني...هذا هو ترى طبعي..أحب الحزن وأحتاجه..

وتسألني عن أوضاعي؟؟!!

أرد وأقول أنا طيب....مع إني صدق في غيابك...لا طيب ولا حاجه...

**الغاليه** · 23-10-2005, 03:51 AM

*قال الوداع وقلت هذا مكاني ............. والله لو طال الزمن ماأتعداه

أما إلى منه رجع له لقاني .............. ولا يكفيني مكانه وذكراه

*لا تلفت للناس راحل ونزال ............. مالك على ذرية آدم مطاليب

*بشرب من الدله ولو كلها سم ............ ما هز فنجالك ولا اقول كافي
ما دام من يمناك وتقول لي سم ............ بسم الله اشرب كل سمك عوافي

*وينك؟؟تعال واظلمني بلا ذنب وحساب ........... ظلمك ولا عدل الزمن في غيابك

**الغاليه** · 23-10-2005, 03:54 AM

الحب ليس رواية شرقية ........... بختامها يتزوج الابطال
لكنه الابحار دون سفينة ............ وشعورنا ان الوصول محال
هو أن تظل على الأصابع رعشة ............ وعلى الشفاه المطبقات سؤال
هو جدول الأحزان في أعماقنا ............ تنمو كروم حوله وظلال
هو هذه الأزمات تسحقنا معا ............. فنموت نحن وتزهر الآمال
هو أن نثور لأي شيء تافه ............ هو يأسنا هو شكنا القتال
هو هذه الكف التي تغتالنا ........... ونقبل الكف التي تغتال

**الغاليه** · 23-10-2005, 03:57 AM

قلت المطر قالت من اليوم ديمه ............ مابه برق ولا رعد ما غير هتان
عشق جمع مابين قاع وغيمه ............ فيض على صدر الثرى دمع الأحزان
همس النديم اللي يعاتب نديمه ............. صوت المطر كنه تعاتيب خلان
واتبسمت لاجل الليالي القديمه ............. قالت تذكر قلت يا بنت نسيان
نقض الجروح اللي تشافت ظليمه ............ ما عاد به وصل ولا عاد هجران
ما للرجى في بعض الأحوال قيمه ........... وما للعمى صبح ولو بات سهران
ولو للزمن عن نية الهجر شيمة ........... مافرق احباب ولا بعد اوطان
كل خصيم وذاق لوعة خصيمه ........... واللي خصيم الوقت يابنت خسران

بدر بن عبدالمحسن