تجمع معلمات محو الامية - النصف الدراسي الثاني - الجديـــد ~ حياكم !!

[الحنش الذهبي]

مشكوره جنون الخيال الله يبشرك بالخير يارب
جولي

[هائمه فىالتدريس]

بشرى لمعلمي ومعلمات اللغة الانجليزية
{{{{مادة اللغة الإنجليزية سوف تطبق من الصف الرابع ابتدائي بدءاً من هذا العام بإذن الله, بناءً على كلام الدكتور محمد إبراهيم المهنا رئيس قسم اللغة الانجليزية بالوزارة ...
حيث زارنا قبل أسبوعين في زيارة رسمية لإدارة تعليم القريات ألتقى حينها بمعلمي اللغة الإنجليزية وعقد لقاء مفتوح معهم...
ملاحظة : كنت من ضمن الحضور وسئلته هذا السؤال شخصياً.}}}}
### نقلا" عن كلام احد المعلمين بملتقى التربية والتعليم ###

وبتصير هناك فرص وشواغر كثيرة والله يرزقنا جميعا يارب
ولانكم غاليييين علي ياصبايا حبيت افرحكم معي
وبالتوفيق للجميع

أحلى خـبر سمعته في حيااااتي ...

الله يبشرك بالخير وبالجنه ..

وياااارب يحطوني معهم الصبح .. أبي أدرس الصبااااح ..

[Portugal]

يا رب يعينوني الصباح معلمة زيي زي العالم يا رب

[نارنـــج]

مشكوره جنون الخيال على الخبر الحلو

وياااارب يثبتونا على الصباح زي العالم تعبنا من دوام العصر

مابي ادرس في العصر

[فوشيا روز]

الله كريم الله يرزقنا وكل بنات المنتدى

[جنون الخيال]

كل الشكر لكم حبايبي على دعواتكم الجميلة والله يوفق الجميع

ملاحظة : اللي قال الخبر الاستاذ نادر وتلاقون موضوعه بمنتدى الانجليزي العام
لاني شفته بمنتدى ثاني ونقلته مادريت انه كاتب موضوع هنا وانه احد اعضاء هالمنتدى الرائع
والله يجزاه كل خير على هالخبر الرائع
>>> فقط للتوضيح

[هائمه فىالتدريس]

^^^

الله يجزاك خير على النقل ويجزاه خير على البشاااااره ...



ياااارب يجعله في ميزااان حسناتكم ........

[الارجوان]

بناااات بليز الله يسعدكم ابي مقدمة للحصة اي مقدمة

يعني كيف ابدا حصتي

[تندربس]

اهلين اختى ارجوان -
حبيبتى مقدمة الدرس تكون ع حسب الدرس نفسه يعنى مثلا لو عندك درس الالوان ممكن تجيبى بالونات ملونه وتسالى الدارسات وش شايفين بيقولو بالونات قولى طيب وش الاختلاف بيقولون الالوان قولى لهم الالوان بالانجليزي coloursواكتبي العنوان ع السبوره بكذا انتى عملتى مقدمه
وكل درس تستخرجي فكره للمقدمه من نفس الدرس

[تندربس]

حبيباتى المبدعات انا ناويه كسرا للملل وبما انى الوحيده الى ماعندها حصص نموذجيه يحضروها المعلمات قررت اسوي حصه نموذجيه وادعى زميلاتى لحضورها بس ودي افكاركم الزينه واقتراحاتكم
ع فكره السنه الماضيه سويت مسابقه للفصل ع مستوى المدرسه واستخدمت فيها كل الوسائل الى استخدمها طول العام واثنت عليها المديره وشكرتنى الموجهه بالنسبه للدرس محتاره بين درس الاوان والايام والرأس لاان درس الصفات عملت فيه حصه قبل كذا

وشكرا

[الارجوان]

مشكورة اختي تندريس

الله يعطيك الف عافية

والله لو عندي خبره في التدريس كان قلت لك افكار بس للأسف

إن شاء الله خواتنا مايقصرون معاك

[ليدي مي]

اختي تندرس انا اشوف ان درس الالوان ممتع وهل ومجال الخطا فيه قليل
ممكن تحولينه حصه انجليزي + حصه فنيه بشوية افكار ولوحات ورسومات والوان
وتقدرين حتى تشركين المعلمات فيه يعني صراحه اشوف درس حلو ويتحمل افكار كثيره
والله يوفقك

ولاتنسين لاسويتي قولي لنا خطواتك عشان غيرك يستفيد

[تندربس]

مشكوره ليدي مي ع اقتراحك تصدقين حتى الدارسات ودهم يكون في درس الالوان ومتحمسين مررره
بصراحه الدرس رح يكون بعد الاجازه وانا رح ابدا بالتجهيزات من الحين ولما اشرحه بقولكم وش صار
دعواتكم

[ليدي مي]

تندرس الله يوفقك في درسك

بنات عندي درس here there

ابي الله يعافيكم مقدمه وافكار للدرس

ابي الحصه تكون active
اللي عندها لاتبخل علي

[جنون الخيال]

الارجوان

حبيبتي مثل ماقالت لك المبدعه تندربس ان المقدمه تكون على حسب الدرس
اما تربطينها بالواقع مثل درس فاملي او تربطينها بالدرس السابق مثل درس this & that , here & there
او تجبين مقدمه ابداعية وشيقة
لو قلتي لنا ايش درسك كان ساعدناك وفكرنا معك بمقدمه حلوة وصدقيني مو مقصرين معاك مبدعات هالمنتدى الرائعات


تندربس

المتألقة دائما والمبدعه ماشاء الله عليك افكر ان اسهل درس للابداع هو درس الالوان مثل ماقالت لك اختي ليدي مي
وانا بعد عندي درس نموذجي طلبته مني المشرفة وفكرت يكون درس الالوان لان تقدري تجيبي افكار كثيرة
وراح يكون بعد الاجازة عشان كذا معي وقت لان هالاسابيع مظغوطة بالمشرفات في كل مدرسة مشرفة مقيمة وكل وحده تدخل علي باي درس والله يعين على التجهيز
......... اذا عاجبك الدرس اختي تندربس وودك تسويه نموذجي وش رايك نتعاون واي وحده عندها افكار حلوة وجديدة تخبر الثانيه ويستفيد الكل منها ونكتبها هنا ......شو رايك....... ؟؟؟؟؟


ليدي مي

ياقلبو انا ربطت الدرس بدرس this & that وسألتهم عنه ونفس الشرح وبديت لهم الدرس بأن قلت لهم
I am here , the teacher Amal is there
طبعا لخبطوا فالبداية بقولون هذا وذاك لكن بعد مارددتها وكتبتها على السبورة عرفوا الفرق
هو صح ان القواعد صعبه عليهم لكن مو كثيرة يعني بتسهل ان شاء الله
ادري ياقلبو ماأفدتك بشي بس ماحبيت اتركك بدون رد وقلتلك اللي سويته لهم
وان شاء الله البنات يفيدوك ويقولون ايش مقدمتهم لان الاغلب يكون الدرس الاسبوع اللي راح او الجاي

[تندربس]

اهلين اختى جنون الخيال
تسلميييييييييييييييييين ع كلامك الحلو بصراحه الى يدخل ها المنتدى لازم يتعلم الابداع من عضواته المتألقات الله يحفظهم
اما بالنسبه للدرس انا قررت ان شاء الله انه رح يكون في درس الالوان ورح ابداء اجهز له ويسعدنى ويشرفنى نتعاون مع بعض ونفيد انفسنا وزميلاتنا بها المنتدى انا اول مااجهز اغراضي بكتب كل شي قبل مااشرح الحصه وبعدها وان شاء الله خير دعواتكم

[j o r y]

تندربس

قبل أسبوع تقريبآ حضرت لي المديرة والمعلمات حصه في درس My family طبعآ معلمات المدرسه فقط بدون أشراف
والله تمنيت لو تتأجل الحصه لدرس الألوان بس المديره كانت تبغاها بدري قلت يالله اسويها وبس

تجهيزات حصتي بالمختصر :

أولآ سويت بطاقات دعوه على عدد المعلمات بالمدرسه محتواها (( نتشرف نحن طالبات الصف الثالث بدعوتك معلمتنا الغاليه ومشاركتك درسنا لماده اللغه الأنجليزيه يوم ـــــــــــــــ الموافق ـــــــــ
سألين المولى لك دوام التوافيق)) مع تحيات طالبات الصف الثالث
وحطيت البطاقات في سله صغنونه وخليت وحده من الطالبات توزعها على المعلمات<< المديره بطاقتها خاصه

طبعت أستمارة تبادل زياره صفيه على عدد المعلمات لفيتها وربطها بشرايط كل وحده على حده وبعدين حطيتها بسله مع الأقلام
وغلفت هدايا الطالبات وحطيتها بسله برضو
وضيافه المعلمات كانت حلويات معجنات شكولاته شاي قهوه .........الخ

نجي الحين للفصل
خليت الطالبات على شكل مجموعات كانوا تقريبآ 3 مجموعات بوسط الفصل
على جهه اليسار كراسي المعلمات
وجهه اليمين حطيت طاولات وحطيت عليها:
سله الأستمارات + أقلام - سله هدايا الطالبات -سله ورود + بطاقات ترحيبيه
+ ضيافه المعلمات اللي ذكرتها فوق

وأقلامي + الاب + الفلاش كاردز+ دفتر المتابعه + ........الخ كانت قدامي عشان لا أنسى شئ :)

وقت دخول المعلمات شغلنا أنشوده ترحيبيه وع بال يجلسون وكل وحده تكون بمكانها
جت بنت وأخذت السله اللي فيها الأستمارات ووزعتها عليهم

وبعد كذا بدأت أسئلهم عن الدرس اللي راح
بعدين بدأنا بالدرس الجديد وأستخدمت عرض بوربوينت + فلاشكاردز+ كاسيت عشان الأستماع
والكتاب ما نستغني عنه
وخليت طالبتين يحفظون أنشوده My family لأن أعمارهم صغيره
ونهايه الدرس قاموا ينشدون
فاذر ماذر سستر براذر
هابي فملي بلاي توقذر .........الخ :)

وفي التطبيق خليت المعلمات والمديره يشاركون معانا
وزعت الهدايا على الطالبات

وبكذا انتهى الدرس
قاموا طالبات وضيفوا المعلمات ويوزعون الحلويات والشاي والقهوه

وأثناء خروجهم من الفصل عند الباب وزعنا عليهم ورد مع بطاقات شكر لتلبيه الدعوه
والمديره ماقصرت شكرت الطالبات وشجعتهم على تعلم اللغه الأنجليزيه << عاد أنا شكرتني بالأداره مو قدامهم

وبرضو المعلمات شكروا الطالبات وخاصموهم << كيف تجي !!
يقولون ليه في الأنجليزي تشاركون وباقي المواد لا خخخخخخخخخ

طبعآ تفاصيل الشرح ما راح تفيدك لأنه الدرس خلاص انتهى
وبدرس الألوان راح تبدعي فيه كثيييييير
لأنه مره حلو وسلس
وبالتوفيق ان شاء الله وطمنينا وش يصير معك ياعسل

اممممممم

وبس :)

[~.♥. heart beat .♥.~]

السلامـ عليكمـ,,
شكرآآآآ لكل من ساعدت بفكرة او شرح لدرس الحقيقة استفدت منكمـ كثييييير ربي يباركـ فيكم ويجزاكمـ الف خير
ماشاءالله درسكـ ممميز و ابدااااااااع ياجوري
انا درسي النموذجي للآن ماحددته محتاآآره,, ربي ييسرهآ ان شاء الله..

[تندربس]

ماشاء الله عليكي ياجوري درسك ابداع الله يحفظك
مشكوره ياعسل ع دعواتك واهتمامك وان شاء الله ربي ييسر وابدع في درسي مثلك
الله يحفظك

[ليدي مي]

جنون الخيال يسلم قلبك الله يسعدك

جوري يامجرمه بجد ابداااااع

[ليدي مي]

مبروووووووووووووووووووووو ووووووووووووووووووووووك

صرف بدل رااتبين الله يعطينا خيره ويكفينا شره

[هائمه فىالتدريس]

^ ^ ^

سبقتيني ...

الله يبارك فييييك ويبارك لنا في الزياده ...


تسلم يمينك يابو متعب ..

الله يحفظك ويخليك لنا ذخر ....

[Don’t Be Sad]

الله يبارك فيك..

ومن عندي مليووووون مبرووووك..

ربي يسعد الجميع..

بالتوفيق يالغاليات..

[ليدي مي]

بنااااااات مبروك مره ثانيه وبهالمناسبه

من تجيب لي تحضير درس here there

والله تعبااااانه حتى مالي حيل افكر لو ماعندي غياب كان غبت بكره

الله يعاافيكم

[Don’t Be Sad]

شوفي تحضير الطموحه..

http://www.saudienglish.net/vb/showt...t=67982&page=7


الله يعينك ويعيني وييسر الامور..