آآآآآآه يا كبدي..الله يسامحك ياوطني

[Sad teacher]

آآآه ثم آآآه ..آهات تعتصر قلبي نعم انا معلمة بالغصب بالطيب معلمة مهما كانت المواهب ,مهما كانت الطموحات ,مهما كانت الأماني , فأنا معلمة ((في قرية نائية)) بائسة كئيبة منهكة محطمة كل كلمة من عالم القهر والظلم لا تفي بوصف حالتي ..لم أكن أتوقع في يوم من الأيام أن أكون هكذا اإخواني وأخواتي ...تتبعوا قصتي واحكموا:
البداية:طالبة متفوقة ,دائما الأولى على مستوى المنطقة ولله الحمد.
كنت متواضعة في أحلامي لأني يتيمة الأب.تخرجت من الثانوي ومعي شهادة تفوق علمي من إمارة المنطقة التحقت بكليتنا البسيطة والمتواضعة جداجدا وحلمي ان اصبح معيدة فيها بعد السنوات الأربع والتي مرت كلمح البصر تخرجت بامتياز مع مرتبة الشرف في اللغة الإنجليزية صادف تلك السنة إالغاءعقد جميع الأستاذات اللأجنبيات تقدمت وكلي ثقة ..((ولكن بدون واسطة))وانتم تعرفون النتيجة ..وبعد عدة أشهر تعينت في قرية نائية مع تعجب الجميع ( حيث كنت ومازلت مشهورة بتفوقي)وعملت
معلمة بكل نشاط وحيوية فكلها سنة وسوف انقل وووو..امضيت خمس سنوات ومازلت في هذه القرية النائية- فكرت في فتح مركز استقبال وتوديع لتلك الأفواج من المعلمات التي تمر بقريتي سنويا -وانا اناظر من بعيد,حصلت خلال هذه السنوات على العديد من شهادات الشكر من إدارتنا المتواضعة وكنت المعلمة المثالية لهذه السنة ..سبحان الله كل سنة تبدأ ابدأ معها بأمل جديد ولكني تعبت الآن حفظت الطريق 3ساعات لمدة خمس سنوات آآآآآه وما يزيد قهري وغيظي ان مدينتي بحاجة ماسة لمعلمات E -حسبي الله ونعم الوكيل-لم اترك فرصة للهروب من مدرستي قدمت على التوجيه في مدينتي المحتاج ايضا ولكن لافائدة رشحت معلمة اقل مني خبرة لأنها جاءت بواسطة قوية من الرياض ,,الله عالظالم؟؟؟؟
لابد انكم مللتم مني ومن معاناتي التي لم اذكر الا جزء بسيط منها آآآآه جفت دموعي شاب رأسي تفطر قلبي ,كل يوم أركب الباص أتأوه وتقول لي زميلتي سلآمتك من الآه قلت متى؟متى؟يقوم حظي .....سؤال صعب جدا ؟؟؟؟
سامحوني ربما كدرت عليكم صفوكم
للإستفسار عن انواع الباصات ,وطرق النوم فيها ..ولمن يرغب في عمل مسلسل اوفكرة لطاش ما طاش يسألني ومايستحي..
المعلمة الحزيـــنة

[بسكوته]

ياااااااااااااااااااااااا قلبي حرام عليك من جد كسرتي خاطري :(
بس مااقول الا الله يحقق لك احلامك ويوديك عند أهلك وصدقيني كل صبرك هذا يحتسب عند رب العالمين وانشالله بتلاقين الأفضل وصدقيني ياغلاي في ناس غيرك ظروفها يمكن اسوأ بكثيـــــــــــــــــــــ ر علشان كذا قولي الحمدلله وكل ماتصلين ادعي ربي وانشالله ربي يوفقك
ان الله يمهل ولا يهمل
واعتبريني اخت لك وصديقه متى ماتبين :)

[ابله منى]

لا تشكي لي .. لا ابكي لك :(
نفس الحالة .. بحياتي ما تخيلت اكون ابله .. ادرس مبزرة في قرى :)
بس عاد .. مشينا حالنا .. اهم شئ تكوني مترسمة .. على الاقل اضمن شوي من باقي الوظائف اللي مالك حقوق عندهم .. :(

[Prime Rose]

"لاتحزن إن الله معنا"

بس لو نتدبر هالآيه..


الله يعينكم ياجماعه..وعسى أن يجعل الله بعد عسرٍ يسرا..

[سعودي انجلش]

الله يعينك يا استاذتي على هذا الظلم الذي وقع عليك

لكن اذا كنتي تريدين النقل فأتوقع أنك أخطأتي الطريق
كلها كم هوشه مع المديرة على كم هوشة مع رئيسة الأشراف وتشوفي نفسك من جنب بيتكم
المشكلة هذا اللي حاصل اللي ماسك لسانه ولا يزعجهم بشي يقولون خلوه سنة ورى سنة
لكن اللي مزعجهم بالكلام والطلبات كل يوم يشوفون له شي يسكتونه فيه لأنهم صاروا يعرفونه من كثر ما يجيهم
لكن انا اقول لك رأيي وانا اعرف انه يخالف ما تربينا عليه وما تربيتي عليه
ولا أقول غير الله يعينك ويصبرك على مشكلتك وأنصحك أن تستعيني بأحد المشهورين في مراجعة الدوائر لكي يكون محامي عنك
يعني ادفعي له مبلغ معين الين يجيب خطاب نقلك من الجهة اللي تبينها
وهذا ترى الحين منتشر بكثرة ويكون عندك واحد من اهلك يتبع الموضوع

[ريموووو]

ياااااااااااااا قلبي عليك من جد كسرتي خاطري وجتني الصيحة ........ لكن ماأقول إلا لا حول ولا قوة إلا بالله ........ والأمر لله من قبل ومن بعد

[Sad teacher]

الف شكر على تعاطفكم الحميم.. ...والله رفعتوا من معنوياتي شوي..
أخي سعودي انجلش.. لو مافي بهالدنيا غير هالطريقة هاذي ولو اظل عمري بهالقرية ماأغضب رب العلمين برشوة اكسب ذنبها عمري كله وحتى الراتب بيكون حرام أعوذ بالله ..عالعموم مشكور أخوي..
وما اقول الا حسبي الله ونعم الوكيل ..

[Prime Rose]

مرحبا..


أنا أعتقد أن الأستاذ خالد لم يقصد أن ترشي أحداً..لكن قصد أن تدفعي للمعقبين وهم يخلصون موضوعك..


وفعلاً نصيحة حلوة من أبو يارا لأنه اذا تهاونت عن العمل..بيكرهونك ويصيرون يبون الفكه منك وانشاء الله يتنقلين وتفتكين..

واذا كنت رسمية ليش ماتاخذين استثنائي لغاية مايجي نقلك؟

[أمير الحرف]

السلام عليكم

الأخت / المعلمة السعيدة

بالنظر الى معانتك الا تعلمي أن كثيراً من المعلمات يعانون الامرين والسبب ليس هناك من يراجع عنهم وليس هناك من يطالب بحقوقهم ولكن لى وقفات /

1- الحمد لله أن تقديرك بامتياز والاولى وهذا بحد ذاته طموح .
2- ماهي اسباب عدم قبولك معيدة اذا كام تقديرك بامتياز ربما تركيزك على منطقة محددة .
2- عدم نقلك اذا كان المنطقة التى تطلبي النقل لها تحتاج ربما تقدير الاداء الوظيفي !!
3- طلبك منطقة معينة وهذا قد يكون فيه صعوبة .
4- هل لديك غياب او اجازات او ما يعيق النقل ؟
5- نتمنى لك التوفيق وسوف تفرج باذن الله ,,

[hsmq]

أختي
السلام عليكي
نصيحة من القلب
وأتمنى أن تصل إلى القلب
غيري اسمك في المنتدى
صدقيني
تفائلي بالخير تجديه
وبالفعل انت عندك ماشاء الله كل خير
طموحة
متفوقة
مناضلة
وكذلك مثالية
فبدلا من تسمية نفسك sad teacher
(وهو اسم سوداوي )
تسمي باسم متفائل
ولا تنسين قصة الصحابي رضي الله عنه الي كان اسمه (حزن)
وسماه الرسول صلى الله عليه وسلم (سهل) ولكن الصحابي رفض تغيير اسمه ل سهل حيث أن والده هو الي سماه (حزن )
ولكن الصحابي ندم بعد ذلك حيث أن الأحزان بالفعل توالت عليه وتمنى لو أطاع الرسول
ولا تنسي ان الحياة جهاد والكل يجاهد والصبر مفتاح الفرج والله يكون بعوننا وعونك
و عقبال ما تبشرينا بنقلك يارب آمييييييييييييييييييييييي ييييييييييييييييييييييييي يييييين

[ابوعلي]

كان الله بعونك
وفك الله أسرك
ولم شملك بأهلك

انا رأيي من رأي الاستاذ سعودي انجلش بمعنى اخر ( وكلي معاقب لمراجعة ادارة التعليم بالمنطقه )

وتذكري دائماً
عقاب ادارات التعليم تكريم وتكريمهم عقاب

[سعودي انجلش]

أختي العزيزة قرأت مقالك ووالله اني أشعر بالحزن وخيبة الأمل ولكن كوني مع الله
سبحانة لا تروحي لا لإدارة تعليم ولا إدارة تجهيل روحي للحي القيوم قومي أخر الليل
وصلي ركعتين بإخلاص وأقسم بالله لو صدقتي مع الله ما يمر أسبوع إلا والله يفرجها
أما البشر فلا تحلمين جربي ماراح تخسرين شي وحتشوفي إن الله ما يظيع تعبك
وتفوقك والسلام أخوك english

[واصل]

الوضع الذي استشفيته من هذه القصة لايحتمل
لماذا تبقى هذه المعلمة بعيدة عن بيتها
مع ان الاحتياج للغة الانجليزية كبير جدا

انا معلم انجليزي مستجد تم تعيني خارج
منطقتي ب700 كليو وكان الناس يتعجبون من هذا الامر
وبعد اسبوعين تم نقلي لاصبح على بعد 120 كليو
وانتظر النقل السنة جاية
بس بعد اللي قرأته اخاف ان لا انقل

السؤال موجه لاقسام الاحتياج و التوزيع
متى ستوقفون هذه المهازل؟
و ما الفائدة منها!

اخير اختي الحزينة
ليس لك الا الصبر و الرضى
و لا تنسي الدعاء و كثرة مراجعة الادارة

[شوشو]

أختي العزيزة ـ..

صحيح من شاف بلوة غيره تهون عليه بلوته ..

والله إني حاسة فيك لأني مريت بالتجربة نفسها مع الفرق اني اتغربت 3 سنوات فقط ..

لكن شفت اللي محد شافه .. من ذل ومهانة وعصبية قبلية ما لها حدود وظلم وتبجح بالكلام وهذا كله وأنا يعلم الله اني انسانة مسالمة ما احب المشاكل ..

وكانت النتيجة فقدان الصحة .. بس رغم هذا كله مااقول غير الحمد لله .. وكنت أصبر نفسي وأقول إن الله اذا أحب عبدا ابتلاه ..

ف اصبري وترى ما بعد الصبر إلا الفرج بإذن الله ..

ورربنا ينصرك عليهم ويكتب لك اللي فيه الخير ..

[miss. English]

القهر انا نتخصص فأدب انقليزي او ترجمه ويالاخير ندرّس ون تو
او على قولة طالبه فن فو :(
وسعي صدرك يابنت الحلال

[Sad teacher]

الف شكر عالردود ..
أخي أمير الحرف :
1/عدم تعييني معيدةبالكلية هو أو ردهم على سؤالك هو بصريح العبارة ((عدم وجود وظائف شاغرة )) وهذا النقص الفظيع تم تغطيته بالتعاقد مع خريجات حديثات بدون خبرة والله أعلم عن الكفاءة وحتى الآن اسمي فالكلية في اول القائمة ولكن لايوجد شاغر.
2/أدائي الوظيفي ولله الحمد ممتاز من أول سنة حتى هذه السنة حصلت على 100% ((اللهم لك الحمد..وهذي الحاجة الوحيدة اللي مشجعتني ومحفزتني)).
3/طوال الخمس سنوات لم اقدم لهم سوى إجازتين مرضيتين ولمدة يوم واحد فقط.حيث أخاف الله رب العالمين وأنا لااحب الغياب فهو عدوي اللدود ..وشكررررا على تواصلك..
أخي واصل اسمع نصيحتي كبر الوسادة وحط راسك ونم ولاتفكر بأقرب من 120 كيلو لأنهم قربوك عشان يسكتوا العالم بس.

[moonbeam]

السلام عليكم ورحمة الله وبركاته
اختي العزيزة

اسئل الله العظيم ان يلم شملك بأهل واوعدك وعد شرف اني ادعي لك في سفري اليومي الذي مدته ثلاث ساعات ونص رايح وثلاث ساعات ونص جاي وكما تعلمين دعاء المسافر مستجاب انشالله
على فكره انا بعد استطيع ان افيدكم في انواع الباصات وايها اريح وطرق النوم وطرق الاستيلاء على الاماكن الاستراتيجية داخل الباص وكيف تتأقليمين في زريبة تحتوى على 16 رأس مع ان حمولتها 10 اقصد الفانات

والله المستعان وربي يوفق الجميع وشكرا