من تجاربي

**ORCHIDA** · 15-02-2006, 11:35 PM

السلام عليكم جميعا

في صفحتي هذي حبيت اطرح فكره حلوه و جديده وهي انا نتبادل الخبرات و التجارب في

كل مجالات الحياة ,,سواء كانت دينيه .. اجتماعيه ..ثقافيه او حتى في المطبخ و الديكور و التجميل ا و التعامل مع الآخرين و ......الخ

يعني كل من عنده فكره او تجربه ناجحه وبشرط انها تكون مجربه يطرحها هنا مع الشكر

وبكذا نكون افدنا و استفدنا

راح ابدأ انا ببعض من تجاربي

1- ذكرت الفكره هذي في موضوع الأخت رينا عن البركه في الراتب و حبيت اكررها للإستفاده .. وهي ..... شهريا بعد ما ينزل الراتب انا و مجموعه من الزميلات تحط كل وحده منا100 ريال...و بالدور كل شهر وحده تآخذ المبلغ و تتصدق فيه بطريقتها و ممكن تقضي منه مواد غذائيه و تعطيه لأي اسره محتاجه ... سميناه ... مشروع ( الأسر المحتاجه )

2- من تجاربي في حصص الإحتياط .. ذكر قصه مدعمه بالصور .. سماع محاضره .. استخدام الفيديو ,, و بالمناسبه فيه شريط فديو مؤثر جدا اسمه ( حقيقة لا خيال ) تأثر فيه كثير من الطالبات و ممكن شريط الكارتون ( محمد الدره ) و ( اليتيم عماد )
و فيه لعبة توزيع الأرقام دايم استخدمها .. تخليهم يقعدون يفكرون بهدوء الين تنتهي الحصه و انا مرتاحه:D و هي انك ترسم/ين 9 مربعات بطريقة الزائد + في الوسط مربع وفوقه مربعين ومن تحت مربعين و من اليمين و اليسار نفس الشي .. ( شوفوا الرسم في المرفقات)
و اطلب/ي منهم توزيع الأرقام من 1 الى 9 بحيث ما يجي رقمين متتاليين جمب بعض .. يعني 1 ما يجي تحت او امام او حتى متقاطع مع2.. انشاء الله فهمتوا .

3- من تجاربي في التنظيف .. بعد ما ابخرالبيت على طول ارش من بخاخات الجسم اللي بريحة الورد .. والريحه تصير حلللوه و تمسك لساعات

4- عشان اعرف البيض فاسد او لا .. اغطس البيضه في مويه و ملح اذا غاصت فهي كويسه و العكس اذا طفت على السطح فهي فاسده ( ماهي داشره:D )

5- قبل ما يروحون الضيوف جهز/ي سله حلوه .. مليانه شوكولاتات كل حبه مربوطه بكتيب او شريط او مطويه و بشكل حلو و حط/ي/ها على طاوله عند المدخل .. وقبل مايخرجون تكون قدامهم يآخذون منها

6- تعبت و انا اكتب .. يللا الباقي عليكم ياحلوين و حلوات .. ولي عوده اذا شاء الله

3-

**الغاليه** · 16-02-2006, 12:49 AM

فكرتك حلوه..

وتجاربك أحلى كل الحب:o

بس ماعندي شي ههههههه

**هبله عنقلنزي** · 16-02-2006, 01:10 AM

افكار رائعه
جزاك الله خير

بس ما تحظرني افكار حاليآ

**DR AHLAIN** · 16-02-2006, 03:28 PM

كل الحب

موضوع جميل جدا وجديد وهذا مايميز مواضيعك :)

والصراحة اني معصب والسبب اني كتبت رد طويل عريض وبالأخير علق المنتدى معي وانمسح

وأن شا الله برد مرة ثانيه لما اهدى شوي

ويعطيك العافية

**ORCHIDA** · 16-02-2006, 05:01 PM

الغاليه

اعصري مخك .. واعطينا على الأقل تجاربك مع الكاكاو :D

**ORCHIDA** · 16-02-2006, 05:12 PM

هبله عنقلنزي

OK ننتظر عودتك عزيزتي

**ORCHIDA** · 16-02-2006, 05:16 PM

د.اهلين

هد اعصابك و لا يهمك .. و بعد ماتروق اعطينا ما عندك

و بالتوفيق

**English Lover** · 16-02-2006, 09:08 PM

كل الحب تسلمين موضوع ممتاز

ابي اقولكم تجاربي الفاشله وسووا العكس

- كنت اقول وشهوله احمي السيارة الصبح بس اكتشفت انها نظريه فاشله لان عدم تحميت او تسخين السيارة الصباح بدري يسبب خراب المكينه او تبويشها ....

- كنت اهتم تكون شماغي وثوبي مكويه كل صباح ..بس اكتشفت اني اداوم بمدرسه 120 كيلو عن بيتي واني ساعه كامله وانا بالطريق وراكب سيارة مع خمس مدرسين اخرين وزحمه كفيله بخراب وعفس الدنيا على بعض يعني ماكاني كويت شئ

- كانت عندي نظريه تقول عيش حياتك مثل ماتجي يعني لا ترد نفسك عن شئ ( من الحلال طبعا ) اكتشفت ان العمر كل ماتقدم كل مابدا يحاسبك على كل شئ ضيعته بمالاينفع

وتسلمين كل الحب

**صهيل الأصايل** · 16-02-2006, 11:17 PM

الموضوع جميل عزيزتي اشكرك على طرح هذا الموضوع الرائع

لكن لا يحضرني شيئاً الان و لي عودة

**ORCHIDA** · 17-02-2006, 01:07 AM

انجلش لفر

تسلم.... و يقولون الفشل بداية النجاح

**ORCHIDA** · 17-02-2006, 01:10 AM

صهيل الأصايل

حياك و انتظر عودتك

**tootalshaam** · 17-02-2006, 01:27 AM

موضوع حلو تسلمي والله... ..

شوفو ذي وإضحكوا علي...

< لما يكون عندي حصة إحتياط فكركم آش أعمل طبعاً أنا ماله من هالطالبات... أروح عالإداره وأخلق سالفه من تحت الأرض وأدردش مع المديره أو هالإداريات أو كن عندي شغله بالكمبيوتر هههههههههههههههههههه وبكذا أرتاح ...
بس والله مو دايم تزبط معي خخخخخخخخخخخخخ

**lulu** · 17-02-2006, 01:52 AM

اختي العزيزه عندي كم تجربه مخصصه للنساء فقط اررجو ان تفيدكم
1- اذا كنتي فارشه موكيت او زوالي بللي مكنسه خشنه بالماء و قليل من الصابون ثم مرري على الفرش بعكس اتجاه الوبر
ثم بعد ذلك بخري الغرفه و خلي المبخره داخل الغرفه وهي مقفله وشوفي النتيجه فراش كأنه جديد و رائحه تبقى اسبوع.:o
2- مرري قلم الكحل على لهب شمعه قبل الاستعمال يعطيك نتيجه رائعه.
هذا اللي حضرني من افكار واذا تذكرت شيء لي عوده:rolleyes:

**almaster** · 17-02-2006, 02:10 AM

موضوع مميز
نصايحي عن السفر
اول شي تاكد من صلاحية الجواز لا تنكب بين الحدود
اصرف من السعوديه
اول ماتوصل ارتاح في اوتيل لو نص نجمه وثاني يوم ابحث عن سكن مناسب
وانت ماشي لاتلفت وتحوص وتلوص امش بثقه كنك في ديرتك
لاتعطي الشحاذين وجه مهما كانت نوعيتهم
لاتشتري من اي ماكان
دقق دايما في الفواتير
بالخارج لاتاخذ معاك مبالغ كبيره
لاتدخل ازقه
مهما سمعت من كلام لاتسوي فيها ابو عرام ترى تندق خشتك
لاتركب باصات بعد غياب الشمس خذ تاكسي
اذا معاك الاهل خليك في المدن السياحيه ولا تطامر للضواحي الا اذا كنت تعرف احد هناك
تاكد من الحجوزات ولا تاخر المشيه ولا تدفع بلنتي
ودمتم